എല്ലാ പ്ലാറ്റ്‌ഫോമിലും നമ്മുടെ ടെലിഗ്രാം അക്കൗണ്ട് ഉപയോഗിക്കാം - നമ്മുടെ ചാറ്റുകളും മീഡിയയും ക്ലൗഡിൽ ബാക്കപ്പുചെയ്യുകയും നമ്മുടെ എല്ലാ ഉപകരണങ്ങളിലും ഒന്നിച്ച് ലഭ്യമാവുകയും, ലോഗിൻ ചെയ്യുമ്പോൾ തൽക്ഷണം ദൃശ്യമാവുകയും ചെയ്യും.ക്ലാസ്സ് മെറ്റീരിയൽസ് ഒന്നും ഇനി നഷ്ടപ്പെട്ടുപോകില്ല, എല്ലാം ടെലിഗ്രാമിൽ സുരക്ഷിതമായി സൂക്ഷിച്ചുവെക്കാം.
2. ടെലിഗ്രാം ഗ്രൂപ്പുകൾ
അതിഗംഭീരമായ ടെലിഗ്രാം ഗ്രൂപ്പുകൾ ടെക്സ്റ്റ് മെസ്സേജിനും സ്റ്റിക്കറുകൾക്കുമൊക്കെ അപ്പുറത്ത്, അംഗങ്ങൾക്ക് എപ്പോൾ വേണമെങ്കിലും കയറി ഇറങ്ങി ലൈവായി സംസാരിക്കാൻ പാകത്തിന് 'വോയിസ് ചാറ്റ്' സൗകര്യവും നൽകുന്നു.
2.1 Voice Chat
വീഡിയോ കോളിന് വോയിസ് ചാറ്റിൽ നമ്മുടെ ക്യാമറയും സ്ക്രീനും ഷെയർ ചെയ്യാൻ പറ്റും.
ഒരു ഗ്രൂപ്പിൽ വോയിസ് ചാറ്റ് സംഭാഷണം തുടങ്ങാനായി അഡ്മിൻ ഗ്രൂപ്പിന്റെ പ്രൊഫൈലിൽ പോയി 3 പുള്ളിയെ (⋮ or ⋯) തൊട്ട് "Start Voice Chat" തിരഞ്ഞെടുത്താൽ മതി.
ഓരു വോയിസ്ചാറ്റിൽ പങ്കെടുത്തു കൊണ്ടിരിക്കുമ്പോൾ തന്നെ മറ്റ് കാര്യങ്ങൾ ഫോണിൽ ചെയ്യുന്നതിന് തടസ്സമില്ല. മൈക്രോഫോൺ കൺട്രോൾ സ്ക്രീനിൽ തന്നെ നിലനിൽക്കുന്നത് ആവശ്യാനുസരണം പെട്ടെന്ന് mute ചെയ്യാനും unmute ചെയ്യാനും സൗകര്യം നൽകുന്നു.
ഗ്രൂപ്പ് അഡ്മിൻമാർക്ക് ഒരു നിശ്ചിത തീയതിക്കും സമയത്തിനും ഒരു വോയ്സ് ചാറ്റ് ഷെഡ്യൂൾ ചെയ്യാം. ഷെഡ്യൂൾ ചെയ്താൽ ഗ്രൂപ്പ് അംഗങ്ങൾ ചാറ്റിന്റെ മുകളിൽ ഒരു കൗണ്ട്ഡൗൺ കാണും, അതിൽ തൊട്ടാൽ അവർക്ക് വോയിസ് ചാറ്റ് തുടങ്ങുന്ന സമയത്ത് ഒരു അറിയിപ്പ് ഫോണിൽ ലഭിക്കുന്നതിനുവേണ്ടി സജ്ജമാക്കാം.
ഒരു വോയിസ് ചാറ്റ് ഷെഡ്യൂൾ ചെയ്യുന്നതിന്, ഗ്രൂപ്പ് അല്ലെങ്കിൽ ചാനലിന്റെ പ്രൊഫൈൽ പേജ് തുറക്കുക.
ഓൺലൈൻ ക്ലാസുകൾക്കും മറ്റു ഗ്രൂപ്പ് മീറ്റിങ്ങുകൾക്കും, വോയിസ് ചാറ്റ്ൽ നമ്മുടെ ക്യാമറ ഓൺ ആക്കാം, സ്ക്രീൻ ഷെയർ ചെയ്യാം. ക്യാമറയും സ്ക്രീനും ഒരേ സമയം പങ്കിടാനും പറ്റും.ഒരു വീഡിയോയിൽ തൊട്ടാൽ മതി അത് ഫുൾ സ്ക്രീനിൽ കാണാൻ. അതു പിൻ ചെയ്തു വച്ചാൽ മറ്റുള്ളവർ ഇടക്ക് കയറി വരാതെ ആ വീഡിയോയിൽ തന്നെ കേന്ദ്രീകരിക്കാൻ പറ്റും.
ഗ്രൂപ്പ് വീഡിയോ കോൾ എല്ലാ ഡിവൈസ് ലും അടിപൊളിയായി കിട്ടും. ടാബ്‌ലറ്റും കമ്പ്യൂട്ടറും ഒക്കെ ആണെങ്കിൽ വലിയ സ്ക്രീനും കൂടുതൽ ഡിസ്പ്ലേ ഓപ്ഷൻസും ഉണ്ട്.
സ്ക്രീൻ ഷെയർ ചെയ്യാൻ, 3 പുള്ളിയെ ( ⋮ or ⋯) തൊട്ടതിനു ശേഷം 'Screen Sharing' തെരഞ്ഞെടുക്കുക. അല്ലെങ്കിൽ ക്യാമറ പ്രാപ്തമാക്കുമ്പോൾ സ്ക്രീൻ വലത്തോട്ട് swipe ചെയ്താൽ സ്ക്രീൻ ഷെയർ ചെയ്യാം.
ഡെസ്ക്ടോപ്പിൽ, പ്രക്ഷേപണം ചെയ്യുന്നതിന് നമുക്ക് ഒരു നിർദ്ദിഷ്ട പ്രോഗ്രാം പോലും തിരഞ്ഞെടുക്കാം.
ഗ്രൂപ്പ് ചാറ്റുകളിൽ 200,000 വരെ ആളുകൾക്ക് സംസാരിക്കാനും ടെക്സ്റ്റ് ചെയ്യാനും മീഡിയ പങ്കിടാനും കഴിയും. ഗ്രൂപ്പുകൾ സ്വകാര്യമോ പൊതുവായതോ ആക്കാം, കൂടാതെ എത്ര വലിയ ചർച്ചകളും നിയന്ത്രിക്കുന്നതിന് ശക്തമായ ഉപകരണങ്ങൾ ഉണ്ട്.
2.2 Group Settings
നിങ്ങളുടെ ഗ്രൂപ്പിലെ അംഗങ്ങളെ പൂർണ്ണമായും മെസ്സേജ് അയക്കുന്നതിൽ നിന്നും തടയുന്നതിന് മുമ്പ് എന്തൊക്കെ തരം മെസ്സേജ് തടയണമെന്ന് നമുക്ക് (അഡ്മിന്) തീരുമാനിക്കാം
1) മെസ്സേജ് അയക്കാൻ (ഇത് ഓഫാക്കിയാൽ ഗ്രൂപ്പിൽ അഡ്മിന് മാത്രം മെസ്സേജ് അയക്കാം) 2) മീഡിയ അയക്കാൻ 3) Stickers and GIFs അയക്കാൻ 4) Polls അയക്കാൻ 5) ഉള്ളടക്കത്തോടുകൂടിയ ലിങ്ക്സ് 6) മറ്റുള്ളവരെ ഗ്രൂപ്പ്ൽ ചേർക്കാൻ 7) ഒരു മെസ്സേജ് പിൻ ചെയ്യാൻ 8) ഗ്രൂപ്പ് വിവരങ്ങൾ മാറ്റം വരുത്താൻ Slow mode;- ഓരോരുത്തരും ഒരു മെസ്സേജ് അയച്ചു കഴിഞ്ഞതിന് ശേഷം അടുത്ത മെസ്സേജ് അയക്കാൻ കാത്തിരിക്കേണ്ട സമയം Removed users;- ഗ്രൂപ്പ്ൽ നിന്നും പുറത്താക്കപ്പെട്ടവർ Add exceptions;- ഈ നിയമങ്ങൾ ഒന്നും ബാധകമല്ലാത്ത വിഭാഗം.
2.3 Visible chat history for new members
ഒരു സൊകാര്യ ഗ്രൂപ്പിൽ പുതുതായി ജോയിൻ ചെയ്തവർക്ക് നേരത്തെയുള്ള മെസ്സേജുകൾ കാണാവുന്ന തരത്തിൽ ഗ്രൂപ്പിന്റെ ചാറ്റ് ഹിസ്റ്ററി ദ്രശ്യമാക്കി കൊടുക്കാൻ പറ്റും
അതിനായി Group tools✏️ തുറന്ന് 'Chat history for new members' തുറന്ന് Visible തെരഞ്ഞെടുത്ത് ✔️ അടിക്കണം.
2.4 Admin Tools
ഓരോ അഡ്മിനും നിശ്ചിത അവകാശങ്ങളും ശീർഷകങ്ങളും നൽകി ഗ്രൂപ്പിന്റെ മേൽനോട്ടം വീതം വച്ച് കൊടുക്കാം. ഗ്രൂപ്പ് നിയന്ത്രിക്കാൻ അധ്യാപകനോടൊപ്പം ഒരു വിദ്യാർത്ഥിയെ ലീഡർ സ്ഥാനം ഏൽപ്പിക്കുകയും ചെയ്യാം എന്ന് ചുരുക്കം.
നിങ്ങൾ ക്ലാസ് ഗ്രൂപ്പിലെ അധ്യാപകൻ ആണെങ്കിൽ Admin title 'അധ്യാപകൻ' എന്നും ലീഡർ ആണെങ്കിൽ 'Class leader' എന്നും നൽകിയാൽ ഗ്രൂപ്പ് അംഗങ്ങൾക്ക് നിങ്ങൾ അയക്കുന്ന മെസ്സേജിനു മുകളിൽ നിങ്ങളുടെ പേരിന്റെയൊപ്പം അത് കാണാൻ ആകും.
ഗ്രൂപ്പിന്റെ പേരും പ്രൊഫൈൽ ചിത്രവും ഉപയോഗിച്ച് അജ്ഞാതമായി പോസ്റ്റുചെയ്യാനും അഡ്മിനുകൾക്ക് പറ്റും, ഗ്രൂപ്പിൻറെ ഓണർ-അഡ്മിൻ അനുവദിച്ചാൽ മാത്രം.ഒരു അഡ്മിനെ ഗ്രൂപ്പിൽ അദ്രശ്യമാക്കാൻ Remain Anonymous പ്രാപ്തമാക്കുക.അംഗങ്ങളുടെ പട്ടികയിൽ അജ്ഞാത അഡ്‌മിൻ‌മാരെ കാണാൻ കഴിയില്ല, മാത്രമല്ല അവരുടെ സന്ദേശങ്ങൾ ഗ്രൂപ്പിൻറെ പേരും ഫോട്ടോയും ഉപയോഗിച്ച് അയയ്‌ക്കപ്പെടും.
2.5 Poll
ഗ്രൂപ്പുകളിൽ ഒരു വോട്ടെടുപ്പ് സൃഷ്ടിക്കുന്നതിന്, 📎 അറ്റാച്ചുമെന്റ് മെനു തുറന്ന് “Poll” തിരഞ്ഞെടുക്കുക. വോട്ടറെ കാണിക്കാത്തതൊ (Anonymous) കാണിക്കുന്നതോ ആയ വോട്ടുകൾ ആകാം. ഒരു വോട്ടെടുപ്പിൽ ഒന്നിലധികം ഉത്തരങ്ങൾക്ക് വോട്ട് രേഖപ്പെടുത്താൻ അവസരം കൊടുക്കാം.
2.6 Quiz
ക്വിസ് ശൈലിയിലുള്ള വോട്ടെടുപ്പുകളും സൃഷ്ടിക്കാൻ കഴിയും. അതിനുവേണ്ടി പോളിലെ 'Quiz Mode' പ്രാപ്തമാക്കുക.
ടൈപ്പ് ചെയ്തു കഴിഞ്ഞ ഉത്തരങ്ങളുടെ ക്രമം മാറ്റാൻ അതിൽ അമർത്തി പിടിക്കുക. ഏറ്റവും താഴെ നിങ്ങളുടെ കിസ്ൻറെ പൂർണ്ണ വിവരം നൽകാവുന്നതാണ്.
2.6.1 Educational Tests
ഏതു പഠനവിഷയത്തിന്റെയും study material വളരെയധികം സവിശേഷതകളോടെ Quiz Bot ഉപയോഗിച്ച് എളുപ്പത്തിൽ ഉണ്ടാക്കിയെടുക്കാം.
4) നിങ്ങളുടെ ക്വിസ്ന് നൽകാൻ ഉദ്ദേശിക്കുന്ന പേര് അയച്ചു കൊടുക്കുക.
5) ക്വിസ്നെ കുറിച്ചുള്ള വിവരണം നൽകാം.
6) ക്വിസുകൾ അയച്ചു കൊടുക്കുക.
7) എല്ലാ ക്വിസും അയച്ചുകൊടുത്തതിന് ശേഷം '/done' അയക്കുക.
8) ക്വിസ് സമയം തെരഞ്ഞെടുക്കുക.
9) Shuffle (കുയച്ചുമറി) വേണ്ടത് തെരഞ്ഞെടുക്കുക.
10) 👍 നിങ്ങളുടെ ക്വിസ് മെറ്റീരിയൽ തയ്യാറായി കഴിഞ്ഞു.
പരീക്ഷകൾക്ക് തയ്യാറെടുക്കുന്നവർക്ക് വേണ്ടി ഓരോ ചോദ്യത്തിനും ടൈം സെറ്റ് ചെയ്ത് കൊടുക്കാവുന്നതാണ്. അതുകൂടാതെ ശരിയായ ഉത്തരം കിട്ടാത്തവർക്കായ് വിശദീകരണങ്ങൾ കൂടെ ചേർത്ത് മത്സരങ്ങൾ നടത്താം.
quiz.directory എന്ന സൗജന്യ പ്ളാറ്റ്ഫോമിൽ കയറിയാൽ ഇത്തരത്തിൽ ഉണ്ടാക്കിയ വളരെ മികച്ച ചില ക്വിസ്സുകൾ കാണാം. ഈ പ്ളാറ്റ്ഫോമിനു വേണ്ടി ക്വിസ്സുകൾ ഉണ്ടാക്കി നൽകിയവർക്ക് ടെലിഗ്രാമിന്റെ വക cash prizeകൾ ലഭിച്ചതാണ്.
2.7 Schedule Messages for Homeworks
ടെലിഗ്രാമിൽ മെസ്സേജ് അയക്കുന്നതിനായി send button തൊട്ടു പിടിച്ച് 'Schedule Messages' തിരഞ്ഞെടുത്ത് ടൈം സെറ്റ് ചെയ്താൽ നിശ്ചിത സമയത്ത് ഒരു മെസ്സേജ് ഓട്ടോമാറ്റിക്കായി അയക്കപ്പെടും.
"ക്ലാസ്സ് ഗ്രൂപ്പിൽ വിദ്യാർഥികൾക്ക് വർക്കുകൾ കൊടുക്കുമ്പോൾ അധ്യാപകനും, അതുപോലെ വിദ്യാർത്ഥികൾക്ക് ഹോംവർക്ക്, അധ്യാപകൻ പറയുന്ന സമയത്ത് സബ്മിറ്റ് ചെയ്യാനും ഉപകരിക്കും".
3. Channels for Teachers and Schools
പരിധിയില്ലാത്ത പ്രേക്ഷകർക്ക് സന്ദേശങ്ങൾ പ്രക്ഷേപണം ചെയ്യുന്നതിനുള്ള ശക്തമായ ഉപകരണമാണ് ചാനലുകൾ.
ചാനലുകളിലെ പോസ്റ്റുകൾ പോസ്റ്റുചെയ്‌ത വ്യക്തിക്ക് പകരം ചാനലിന്റെ പേരിലും ഫോട്ടോയിലും അറിയപ്പെടുന്നു. വരിക്കാരുടെ പട്ടിക സ്വകാര്യവും അഡ്മിനുകൾക്ക് മാത്രം ദൃശ്യവുമാണ്.
ഒരു അധ്യാപകന്റെ ചാനൽ മാതൃക
അപ്‌ഡേറ്റുകൾ പോസ്റ്റുചെയ്യാൻ അഡ്മിനുകൾക്ക് മാത്രമേ അനുമതിയുള്ളൂ. പക്ഷേ, വിദ്യാർഥികളുമായി ഇടപഴകുന്നതിന് 'Comment button' ചേർക്കാൻ കഴിയും. അതിനായി ചാനൽ, ഒരു ഗ്രൂപ്പുമായി ലിങ്ക് ചെയ്യണം. ലിങ്കുചെയ്‌ത ചർച്ച ഗ്രൂപ്പ് ഉള്ള ചാനലുകൾക്ക് ഓരോ പോസ്റ്റിനും താഴെ ഒരു 'Comment button' ഉണ്ടാവും, അവിടെ വിദ്യാർഥികൾക്ക് ഏറ്റവും പുതിയ അറിയിപ്പുകളെ കുറിച്ച് അവരുടെ ചിന്തകൾ പങ്കിടാനാകും.
അഭിപ്രായങ്ങൾ അവയുടേതായ പ്രത്യേക ത്രെഡുകളിൽ ദൃശ്യമാകുന്നു, മാത്രമല്ല ഓരോ പുതിയ അഭിപ്രായവും ചർച്ച groupൽ പോസ്റ്റുചെയ്യപ്പെടുന്നത് അഡ്മിനുകൾ‌ക്കും ഗ്രൂപ്പിൽ ഉള്ളവർക്കും ഒരു കുടക്കീഴിൽ കാണാൻ ഇടം നൽകുന്നു.
നിങ്ങൾ ചാനലിന്റെ ചർച്ചാ ഗ്രൂപ്പിലെ അംഗമല്ലെങ്കിൽ, നിങ്ങളുടെ അഭിപ്രായങ്ങൾക്കുള്ള മറുപടികൾ അറിയിപ്പുകളായി Replies എന്ന പ്രത്യേക ചാറ്റിലേക്ക് അയയ്‌ക്കപ്പെടും.
ചർച്ചാ ഗ്രൂപ്പ് ആഡ് ചെയ്യാൻ;-
1) നിങ്ങളുടെ channelന്റെ profile തുറക്കുക
2) ✏️tool തൊടുക
3) Discussion തുറക്കുക
4) ഗ്രൂപ്പ് ചേർക്കുക.
3.1 ഒരു ചാനൽ തുടങ്ങാൻ
iPhone: ഒരു പുതിയ സന്ദേശം ആരംഭിക്കുക (ചാറ്റുകളിലെ മുകളിൽ വലത് കോണിലുള്ള ഐക്കൺ തൊടുക). തുടർന്ന് ‘New Channel’.
Android: ചാറ്റ് ലിസ്റ്റിലെ വൃത്താകൃതിയിലുള്ള പെൻസിൽ ഐക്കൺ തൊടുക. തുടർന്ന് ‘New Channel’.
Windows Phone: ചുവടെയുള്ള ബാറിലെ ‘+’ ബട്ടൺ തൊടുക. തുടർന്ന് ‘New Channel’.
4. വാട്സ് ആപ്പിലെ ഗ്രൂപ്പ് ടെലിഗ്രാമിലേക്ക് മാറ്റാം
നമ്മുടെ പഴയ വാട്സ് ആപ്പ് ഗ്രൂപ്പ്ലെ മെസ്സേജുകൾ പുതിയ ടെലിഗ്രാം ഗ്രൂപ്പിലേക്ക് മാറ്റാവുന്നതാണ്
ഇതിനായി വാട്സ് ആപ്പ് ഗ്രൂപ്പ്ൽ നിന്നും എക്സ്പോർട്ട് ചെയ്ത ഫയൽ നമ്മുടെ പുതിയ ടെലിഗ്രാം ഗ്രൂപ്പിലേക്ക് നേരെ ഷെയർ ചെയ്യുക.
Apple phoneൽ, വാട്സ് ആപ്പിലെ Group Info page തുറക്കുക, Export Chat തൊടുക, ശേഷം ടെലിഗ്രാമിലേക്ക് ഷെയർ ചെയ്യാം.
Android phoneൽ, WhatsAppഗ്രൂപ്പിൽ, ⋮ (icon) തൊടുക > More > Export Chat, ശേഷം ടെലിഗ്രാമിലേക്ക് ഷെയർ ചെയ്യാം.
ടെലിഗ്രാമിലേക്ക് മാറ്റിയ മെസ്സേജുകളൊക്കെ അവയുടെ യഥാർത്ഥ സമയവും തീയതിയും അനുസരിച്ചു ടെലിഗ്രാം ഗ്രൂപ്പിൽ ക്രമീകരിക്കപ്പെടണം എന്നുണ്ടെങ്കിൽ മാറ്റുമ്പോൾ തന്നെ പുതിയ ടെലിഗ്രാം ഗ്രൂപ്പ് നിർമിക്കണം. നേരത്തെ ഉള്ള ഗ്രൂപ്പ് ആണെങ്കിൽ അതിലെ മെസ്സേജുകളുടെ എണ്ണം 1000ൽ കവിയാതിരുന്നാലും മെസ്സേജുകളുടെ സമയമനുസരിച്ച് ഇടകലർന്നോളും.
5. Chat Folders
നമ്മുടെ ഫ്രണ്ട്സ്, ഫാമിലി, വർക്ക്, പഠനം ഇവയൊക്കെ ഒരു ആപ്പിൽ തന്നെയല്ലേ നാം കൈകാര്യം ചെയ്യുന്നത്. ഇവരെയൊക്കെ ഒന്നു തരംതിരിച്ചു വെച്ചാൽ നോക്കാൻ ഒരു സുഖം ഉണ്ടാവില്ലേ. ചാറ്റുകളെയൊക്കെ വേർതിരിച്ച് ഫോൾഡറുകൾ ഉണ്ടാക്കിയാൽ ഓരോ ഫോൾഡറും ഓരോ ടാബായി കിട്ടും, അപ്പോൾ ഒരു മെസ്സേജും നാം കാണാതെ പോകില്ല.
നേരത്തെ തന്നെ രണ്ടു തരം ഫോൾഡറുകൾ (unread & personal) ഉദാഹരണമായി ടെലിഗ്രാം സെറ്റിംഗ്സിൽ ഉണ്ടാവും, അതേപോലെ നമുക്ക് ചാറ്റുകളുടെ തരമനുസരിച്ചും റീഡ് സ്റ്റാറ്റസ് അനുസരിച്ചും ഉൾപ്പെടുത്തിയും ഒഴിവാക്കിയും പുതിയ ഫോൾഡറുകൾ ഉണ്ടാക്കാം. എല്ലാത്തിലുമുപരി ഓരോ ഫോൾഡറിലും ഏത് ചാറ്റും ആഡ് ചെയ്യാനും, ഒഴിവാക്കാനും പറ്റുന്നോണ്ട് നമുക്ക് വേണ്ടത് മാത്രമേ ഒരു ഫോൾഡറിൽ കാണൂ.
അതുമാത്രമല്ല, ഫോൾഡറുകളിൽ ഒരുപാട് ചാറ്റുകൾ ഓർഡർ അനുസരിച്ച് പിൻ ചെയ്തു വെക്കാം. ഫോൾഡറുകൾ തുടങ്ങാൻ നേരെ Settings > Folders.
6. Multiple Accounts
ഏത് ടെലിഗ്രാം ആപ്ലിക്കേഷനുകളിലും നമുക്ക് ഒരേസമയം 3 അക്കൗണ്ടുകൾ (വ്യത്യസ്ത ഫോൺ നമ്പറുകളിൽ) സൈൻ ഇൻ ചെയ്യാൻ പറ്റും.
👧:"അമ്മയുടെ ഫോൺ എങ്ങാനും കേടു വന്നാൽ ഓൺലൈൻ ക്ലാസ്സ് മുടങ്ങുന്ന പ്രശ്നമില്ല, അച്ഛൻറെ ഫോണിലെ ടെലിഗ്രാമിൽ അമ്മയുടെ ടെലിഗ്രാമും തുറക്കാം, നേരെ തിരിച്ചും ആകാം👍"
ചാറ്റിൽ വച്ച് തന്നെ വിക്കിപീഡിയ സെർച്ച് ചെയ്യാൻ @wiki
ഇത്രയൊക്കെ ഫീച്ചറുകൾ ഉപയോഗപ്പെടുത്തിയാൽ നമ്മുടെ ഓൺലൈൻ ക്ലാസ്സുകൾ ഗംഭീരമാവും. എത്രയും വേഗം നമ്മുടെ ക്ലാസ് ഗ്രൂപ്പുകളും ഒപ്പം ഫാമിലി ഗ്രൂപ്പുകളും ടെലിഗ്രാമിൽ തുടങ്ങുക.
ജനപ്രിയ മെസേജിങ് അപ്ലിക്കേഷനായ ടെലഗ്രാം പുതിയ ഫീച്ചറുകൾ അവതരിപ്പിച്ചു. പുതിയ ഫീച്ചർ പ്രകാരം വിഡിയോ കോളിൽ ഒരേസമയം ആയിരം പേരെ ഉൾപ്പെടുത്താൻ കഴിയും. മാത്രമല്ല, ടെലിഗ്രാമിൽ ഇപ്പോൾ വിഡിയോ കോളുകളിൽ ഓഡിയോ ഉൾപ്പടെ സ്ക്രീൻ പങ്കിടാനും സാധിക്കും. ഉപയോക്താക്കൾക്കിടയിൽ ആശയക്കുഴപ്പമുണ്ടാക്കുന്ന വാട്സാപ്പിന്റെ പുതിയ സ്വകാര്യതാ നയം പ്രഖ്യാപിച്ചതോടെയാണ് ടെലഗ്രാമിന്റെ ഡൗൺലോഡിങ് കുത്തനെ കൂടിയത്. ടെലഗ്രാമും മറ്റ് മെസേജിങ് അപ്ലിക്കേഷനായ സിഗ്നലും എല്ലാം വാട്സാപ്പിനേക്കാൾ സുരക്ഷിതമാണെന്നാണ് മിക്കവരും കരുതുന്നത്.
ഭൂമിയിലെ എല്ലാവർക്കും ഒരു ഗ്രൂപ്പ് കോളിൽ ചേരാൻ സാധിക്കുന്നത് വരെ ഈ പരിധി ഉയർത്തൽ തുടരുമെന്നാണ് ടെലഗ്രാം അറിയിച്ചിരിക്കുന്നത്. ഇപ്പോൾ ഏകദേശം 1000 പേരെ വിഡിയോ കോളിൽ ചേരാൻ അനുവദിച്ചിട്ടുണ്ട്. അതേസമയം, ഗ്രൂപ്പ് കോളിലെ 30 പേർക്ക് അവരുടെ ക്യാമറയിൽ നിന്നും സ്ക്രീനിൽ നിന്നും വിഡിയോ മറ്റുള്ളവർക്ക് പങ്കുവയ്ക്കാനും സാധിക്കും. ഓൺലൈൻ പ്രഭാഷണങ്ങൾക്കും സെമിനാറുകൾക്കും നിരവധി പേർ പങ്കെടുക്കുന്ന ഓൺലൈൻ പരിപാടികൾക്കും ടെലഗ്രാമിന്റെ പുതിയ മാറ്റം ഉപയോഗപ്രദമാകും.
• Group video calls 2.0 1000 പേർക്ക് വരെ പങ്കെടുക്കാൻ കഴിയുന്ന ഗ്രൂപ്പ് വീഡിയോ calls. (നേരത്തെ ഇത് 30 ആയിരുന്നു.) Voice chat ലേത് unlimited ആണ്.
• Video messages 2.0 Round video messages ഇപ്പോൾ fast forward ചെയ്യാനും rewind ചെയ്യാനും zoom ചെയ്യാനും ഒക്കെ കഴിയും. ചാറ്റിലെ mic ഐക്കണിൽ tap ചെയ്താൽ voice ൽ നിന്ന് video message ലേക്ക് toggle ആക്കാം.
• Video playback speed ടെലിഗ്രാമിൽ ഇപ്പോൾ 0.5x, 1x, 1.5x, 2x എന്നിങ്ങനെ വീഡിയോയുടെ speed അഡ്ജസ്റ്റ് ചെയ്തു കാണാൻ കഴിയും. Voice messages നും speed change ചെയ്തു കേൾക്കാം.
• Screen sharing with sound നേരത്തെ ഗ്രൂപ്പ് വീഡിയോ ചാറ്റിൽ മാത്രം ചെയ്യാൻ പറ്റിയിരുന്ന screen sharing ഇപ്പോൾ personal video calls ലും ചെയ്യാം. മാത്രമല്ല internal audio ഉൾപ്പെടെ കിട്ടും.
• Message sending animations സ്റ്റിക്കറുകൾ അയക്കുന്ന സമയത്ത് സ്റ്റിക്കർ ടാബിൽ നിന്നും ചാറ്റിലേക്ക് ഫ്ലോ ചെയ്തു പോകുന്ന അനിമേഷൻ നേരത്തെ വന്നിരുന്നു. ഇപ്പോൾ മെസ്സേജുകൾ അയക്കുമ്പോൾ type ചെയ്യുന്ന ബോക്സിൽ നിന്നും അവയും ചാറ്റിലേക്ക് സ്മൂത്ത്‌ ആയി ഫ്ലോ ചെയ്യുന്നത് കാണാം.
• Timestamp links ഒരു വീഡിയോയ്ക്കോ ഓഡിയോയ്ക്കോ റിപ്ലൈ ആയിട്ട് 01:30 എന്നോ മറ്റോ അയച്ചാൽ ആ മെസ്സേജിൽ (timestamp) ക്ലിക്ക് ചെയ്യുമ്പോൾ മുകളിലെ വീഡിയോ / ഓഡിയോ ആ പൊസിഷനിൽ നിന്ന് പ്ലേ ആവുന്ന സൗകര്യം 2019 മുതൽ ടെലിഗ്രാമിൽ ഉണ്ട്. ഇപ്പോൾ നമുക്ക് മറ്റു ചാറ്റുകളിലേക്ക് അയക്കാൻ പാകത്തിന് timestamp ന്റെ ലിങ്ക് കോപ്പി ചെയ്ത് എടുക്കാൻ സാധിക്കും.
• More... > ചാറ്റുകളിലെ auto delete timer ൽ 1 month സെറ്റ് ചെയ്യാൻ കഴിയും. നേരത്തെ 1day, 7days ആയിരുന്നു. > മീഡിയ എഡിറ്ററിൽ ഇമ്പ്രൂവ്മെന്റസ് ഉണ്ട്.
August 14 ന് ടെലെഗ്രാമിന്റെ പിറന്നാൾ ആണ്. Waiting for version 8.0
ടെലിഗ്രാം X ഗംഭീര തിരിച്ചു വരവിനായി പണിപ്പുരയിലും ആണ്.
ഈ മാസം 25ന് ആമസോണ്‍ പ്രൈം വീഡിയോയിലൂടെ റിലീസ് ചെയ്ത ചിത്രമാണ് ‘ബനേർഘട്ട’. റിലീസ് ചെയ്ത ദിവസങ്ങൾക്കുള്ളിൽ ചിത്രത്തിന്റെ വ്യാജൻ ടെലിഗ്രാമിലൂടെ പ്രചരിക്കുവാൻ തുടങ്ങിയതോടെ പ്രതിഷേധവുമായി എത്തിയിരിക്കുകയാണ് സംവിധായകൻ വിഷ്ണു നാരായണന്‍.
സ്റ്റോപ്പ് പൈറസി എന്ന് എഴുതിയതുകൊണ്ട് മാത്രം ഇത് നിൽക്കാൻ പോകുന്നില്ല. പൈറസിക്കെതിരെ ശക്തമായി പ്രതികരിക്കണമെന്നും, ടെലിഗ്രാം നിരോധിക്കണമെന്നും വിഷ്ണു പറയുന്നു. ടെലിഗ്രാം വഴി പ്രചരിക്കുന്ന ചിത്രത്തിന്റെ ലിങ്കുകളുടെ സ്ക്രീന് ഷോട്ട് പങ്കുവച്ചുകൊണ്ടാണ് സംവിധായകന്‍റെ പ്രതികരണം.
‘സ്വന്തം സിനിമ ടെലിഗ്രാമില്‍ വന്നപ്പോൾ മാത്രം ഇവൻ പ്രതികരിക്കാൻ വന്നു എന്നു ചിന്തിച്ചു മനസ്സിൽ തെറിവിളിക്കുന്നവർ ഉണ്ടാകും. മറ്റാരും പ്രതികരിച്ചു കണ്ടില്ല. അതാ.. Stop Piracy എന്ന് എല്ലാരും എഴുതി കാണിക്കാറുണ്ട്. ആ എഴുത്തിൽ അവസാനിക്കുന്നു എല്ലാം. ബനേര്‍ഘട്ടയുടെ അവസ്ഥ മാത്രമല്ല ഇത്. ഒട്ടുമിക്ക സിനിമകളുടെ അവസ്ഥയും ഇതുതന്നെയാണ്. അതിൽ വലിയ സിനിമ ചെറിയ സിനിമ എന്നൊന്നും ഇല്ല. ഒരു സിനിമ ചെയ്തു നോക്കണം, അപ്പൊ മനസിലാകും. പ്രതികരിക്കണം എന്നു തോന്നുന്നവര്‍ക്കു പ്രതികരിക്കാം. #bantelegram’, വിഷ്ണു നാരായണന്‍ ഫേസ്ബുക്കില്‍ കുറിച്ചു.
വിഷ്ണു നാരായണന്റെ ആദ്യ ചിത്രമാണ് ബനേർഘട്ട. മിസ്റ്ററി ത്രില്ലര്‍ ഗണത്തില്‍ പെടുന്ന ബനേര്‍ഘട്ടയില്‍ നായകനാവുന്നത് ഷിബു എന്ന ചിത്രത്തിലൂടെ ശ്രദ്ധേയനായ കാര്‍ത്തിക് രാമകൃഷ്‍ണന്‍ ആണ്. കോപ്പിറൈറ്റ് പിക്ചേഴ്സ് നിര്‍മ്മിക്കുന്ന ചിത്രത്തിന്റെ രചന നിര്‍വ്വഹിച്ചിരിക്കുന്നത് അര്‍ജുന്‍ പ്രഭാകരനും ഗോകുല്‍ രാമകൃഷ്‍ണനും ചേര്‍ന്നാണ്. ഛായാഗ്രഹണം ബിനു. എഡിറ്റിംഗ് പരീക്ഷിത്ത്. സംഗീതം റീജൊ ചക്കാലക്കല്‍.
ഷെയറിങ്ങ് ഉപയോഗിക്കുന്ന ആദ്യത്തെ ആപ്പായി ഇതോടെ ടെലിഗ്രാം മാറും. സ്ക്രീന് ഷെയറിങ്ങ് മാത്രമല്ല, വീഡിയോ പ്ലേബാക്ക് സ്പീഡ് കണ്‍ട്രോളും ഇതില്‍ ഉള്‍പ്പെടുത്തിയിരിക്കുന്നു.
വീഡിയോ പ്ലേ ചെയ്യുമ്പോള്‍ സ്പീഡ് നിയന്ത്രണങ്ങള്‍ കാര്യമായി തന്നെ പ്രവര്‍ത്തിക്കുന്നു. ഇതിലെ വീഡിയോകള്‍ മാത്രമല്ല യുട്യൂബ് പോലെയുള്ള വീഡിയോ ലിങ്കുകളിലും ഇത് പ്രവര്‍ത്തിക്കുന്നു. ഇത് പ്ലേ ചെയ്യുമ്പോള്‍ മുകളില്‍ വലതുവശത്തുള്ള ഓവര്‍ഫ്‌ലോ ബട്ടണില്‍ ടാപ്പ് ചെയ്തു കൊണ്ടു വേഗത നിയന്ത്രിക്കാനാവും. 0.2എക്‌സ്, 0.5എക്‌സ്, 1എക്‌സ്, 1.5എക്‌സ്, 2എക്‌സ് എന്നിങ്ങനെ ഇതു നിയന്ത്രിക്കാം.
ഇതിനു പുറമേയാണ് സ്ക്രീന് ഷെയറിങ്ങ് ഓപ്ഷന്‍. മറ്റൊരാളുമായി ഒരു വീഡിയോ കോളില്‍ ആയിരിക്കുമ്പോള്‍, ആദ്യം നിലവിലെ വീഡിയോ (ഇടത് വശത്ത് നിന്നുള്ള രണ്ടാമത്തെ റൗണ്ട് ബട്ടണ്‍) നിര്‍ത്തുന്നതിലൂടെ നിങ്ങള്‍ക്ക് സ്ക്രീന് ഷെയറിങ്ങ് ആരംഭിക്കാന്‍ കഴിയും. തുടര്‍ന്ന് വീണ്ടും ഷെയര്‍ ചെയ്യാന്‍ ഒരിക്കല്‍ കൂടി ടാപ്പുചെയ്യുക. ചുവടെ മൂന്ന് ഓപ്ഷനുകളുള്ള ഒരു സ്ക്രീന് ദൃശ്യമാകും: ഫോണ്‍ സ്ക്രീന്, ഫ്രണ്ട് ക്യാമറ, ബാക്ക് ക്യാമറ. ആദ്യത്തേത് തിരഞ്ഞെടുക്കുക, ആന്‍ഡ്രോയിഡ് സാധാരണ സ്ക്രീന് റെക്കോര്‍ഡിംഗ്/കാസ്റ്റിംഗ് മെസേജ് പോപ്പ് അപ്പ് ചെയ്യും. അത് സ്റ്റാര്‍ട്ട് ചെയ്യുക. ഇത് പ്രവര്‍ത്തിക്കുമ്പോള്‍ മുകളിലെ സ്റ്റാറ്റസ് ബാറില്‍ ഒരു ചുവന്ന കാസ്റ്റ് ബട്ടണ്‍ ദൃശ്യമാകും. റെഡ് കാസ്റ്റ് അറിയിപ്പ് കാണുന്നില്ലെങ്കില്‍ പ്രവര്‍ത്തിക്കുന്നില്ലെന്നാണ് അര്‍ത്ഥം.
ചാറ്റ് ഹിസ്റ്ററി ഒരു മാസത്തില്‍ കൂടുതലാവുമ്പോള്‍ (മുമ്പത്തെ ഏറ്റവും കൂടിയ സെറ്റിങ് ഒരാഴ്ചയായിരുന്നു) ഡിലീറ്റാവുന്ന സംവിധാനവും പുതിയ വേര്‍ഷനില്‍ ഉള്‍പ്പെടുത്തിയിരിക്കുന്നു. വീഡിയോ മെസേജ് പ്രിവ്യൂകള്‍ ഫ്‌ലോട്ട് ചെയ്യാനുള്ള കഴിവാണ് മറ്റൊന്ന്. മുകളിലേക്കോ താഴേക്കോ സ്‌ക്രോള്‍ ചെയ്താല്‍ ഇത് കാണാനാവും. ടെലിഗ്രാം ബീറ്റ ഡൗണ്‍ലോഡ് ചെയ്യുന്നതിന് മൈക്രോസോഫ്റ്റ് ആപ്പ് സന്ദര്‍ശിക്കണം. പുതിയ ബീറ്റ പതിപ്പ് ഇവിടെയാണുള്ളത്. പ്ലേസ്റ്റോറില്‍ ഒഫീഷ്യല്‍ ചാനല്‍ ലഭ്യമല്ല. എപികെ ആയി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടി വരും.
മൊബൈല്‍ ചാരപ്പണി വാര്‍ത്തകളില്‍ പെഗാസസ് നിറയുമ്പോള്‍ വീണ്ടും മാല്‍വെയര്‍, ഹാക്കിങ് പേരുകള്‍ ഉയര്‍ന്നുവരുന്നു. ഇതിനെക്കുറിച്ച് ടെലിഗ്രാം സിഇഒ, പവൽ ദുരോവ് പറയുന്നത്.
മനുഷ്യാവകാശ പ്രവർത്തകരും പത്രപ്രവർത്തകരും ഉൾപ്പെടെ 50,000 വ്യക്തികളുടെ ഫോണുകൾ നിരവധി സർക്കാരുകളെയും പെഗാസസ് ലക്ഷ്യമാക്കി. ഈ ചാര ടൂൾ ഏത് iOS, Android ഫോണുകളും ഹാക്ക് ചെയ്യാൻ കഴിയും, മാത്രമല്ല അതിൽ നിന്ന് നിങ്ങളുടെ ഉപകരണത്തെ പരിരക്ഷിക്കാൻ ഒരു മാർഗവുമില്ല. ഏത് അപ്ലിക്കേഷനുകളാണ് നിങ്ങൾ ഉപയോഗിക്കുന്നതെന്നത് പ്രശ്‌നമല്ല, കാരണം സിസ്റ്റം കൂടുതൽ ആഴത്തിൽ ബാധിക്കപ്പെടുന്നു.
2013 ലെ സ്നോഡൻ വെളിപ്പെടുത്തലുകൾ അനുസരിച്ച്, ആപ്പിളും ഗൂഗിളും ആഗോള നിരീക്ഷണ പദ്ധതിയുടെ ഭാഗമാണ്, ഈ കമ്പനികൾ മറ്റ് കാര്യങ്ങൾക്കൊപ്പം അവരുടെ മൊബൈൽ ഓപ്പറേറ്റിംഗ് സിസ്റ്റത്തിലേക്ക് ബാക്ക്ഡോർ നടപ്പിലാക്കേണ്ടതുണ്ടെന്ന് സൂചിപ്പിക്കുന്നു. സാധാരണയായി സുരക്ഷാ ബഗുകളായി വേഷംമാറിയ ഈ ബാക്ക്ഡോർ, ലോകത്തിലെ ഏത് സ്മാർട്ട്‌ഫോണിലും വിവരങ്ങൾ ആക്‌സസ് ചെയ്യാൻ യുഎസ് ഏജൻസികളെ അനുവദിക്കുന്നു.
അത്തരം ബാക്ക്‌ഡോറുകളുടെ പ്രശ്നം, അവ ഒരിക്കലും ഒരു കക്ഷിയുമായി മാത്രമുള്ളതല്ല എന്നതാണ്. ആർക്കും അവരെ ചൂഷണം ചെയ്യാൻ കഴിയും. അതിനാൽ, ഒരു യുഎസ് സുരക്ഷാ ഏജൻസിക്ക് ഒരു iOS അല്ലെങ്കിൽ Android ഫോൺ ഹാക്ക് ചെയ്യാൻ കഴിയുമെങ്കിൽ, ഈ ബാക്ക്ഡോർ കണ്ടെത്തുന്ന മറ്റേതൊരു ഓർഗനൈസേഷനും ഇത് ചെയ്യാൻ കഴിയും. ആശ്ചര്യകരമെന്നു പറയട്ടെ, ഇതാണ് സംഭവിക്കുന്നത്: എൻ‌എസ്‌ഒ ഗ്രൂപ്പ് എന്ന ഇസ്രായേലി കമ്പനി ചാര ഉപകരണങ്ങളിലേക്ക് ആക്‌സസ് വിൽക്കുന്നു, ഇത് മൂന്നാം കക്ഷികൾക്ക് പതിനായിരക്കണക്കിന് ഫോണുകൾ ഹാക്ക് ചെയ്യാൻ അനുവദിക്കുന്നു.
കുറഞ്ഞത് 2018 മുതൽ, അത്തരം നിരീക്ഷണ ഉപകരണങ്ങളുടെ സാധ്യതയുള്ള ടാർഗെറ്റുകളുടെ പട്ടികയിൽ എന്റെ ഫോൺ നമ്പറുകളിലൊന്ന് ഉൾപ്പെടുത്തിയിട്ടുണ്ടെന്ന് എനിക്കറിയാം (എൻ‌എസ്‌ഒ ഗ്രൂപ്പിൽ നിന്നുള്ള ഒരു ഉറവിടം അത് നിഷേധിക്കുന്നുവെങ്കിലും). വ്യക്തിപരമായി, ഞാൻ വിഷമിച്ചിരുന്നില്ല: 2011 മുതൽ, ഞാൻ റഷ്യയിൽ താമസിക്കുമ്പോൾ, എന്റെ എല്ലാ ഫോണുകളും അപഹരിക്കപ്പെട്ടുവെന്ന് അനുമാനിച്ചു. എന്റെ സ്വകാര്യ ഡാറ്റയിലേക്ക് പ്രവേശനം നേടുന്ന ഏതൊരാളും തീർത്തും നിരാശരാകും - ടെലിഗ്രാം സവിശേഷതകൾക്കായുള്ള ആയിരക്കണക്കിന് കൺസെപ്റ്റ് ഡിസൈനുകളിലൂടെയും ഞങ്ങളുടെ ഉൽപ്പന്ന വികസന പ്രക്രിയയുമായി ബന്ധപ്പെട്ട ദശലക്ഷക്കണക്കിന് സന്ദേശങ്ങളിലൂടെയും അവർ കടന്നുപോകേണ്ടതുണ്ട്. പ്രധാനപ്പെട്ട വിവരങ്ങളൊന്നും അവർ അവിടെ കണ്ടെത്തുകയില്ല.
എന്നിരുന്നാലും, എന്നെക്കാൾ പ്രമുഖരായ ആളുകൾക്കെതിരെയും ഈ നിരീക്ഷണ ഉപകരണങ്ങൾ ഉപയോഗിക്കുന്നു. ഉദാഹരണത്തിന്, 14 രാഷ്ട്രത്തലവന്മാരെ ചാരപ്പണി ചെയ്യാൻ നിയോഗിച്ചു. നിർണായകമായ ഇൻഫ്രാസ്ട്രക്ചറിലും സോഫ്റ്റ്വെയറിലും ബാക്ക്ഡോർ നിലനിൽക്കുന്നത് മാനവികതയ്ക്ക് വലിയ വെല്ലുവിളി സൃഷ്ടിക്കുന്നു. അതുകൊണ്ടാണ് സ്മാർട്ട്‌ഫോൺ വിപണിയിലെ ആപ്പിൾ-ഗൂഗിൾ ഡ്യുവോപോളിക്കെതിരെ പ്രവർത്തിക്കാൻ ആരംഭിക്കാനും അവരുടെ അടച്ച ആവാസവ്യവസ്ഥകൾ തുറക്കാനും കൂടുതൽ മത്സരം അനുവദിക്കാനും അവരെ നിർബന്ധിക്കാൻ ഞാൻ ലോക സർക്കാരുകളോട് ആവശ്യപ്പെടുന്നത്.
ഇതുവരെ, നിലവിലെ വിപണി കുത്തകവൽക്കരണം ചെലവ് വർദ്ധിപ്പിക്കുകയും സ്വകാര്യതയെയും സംസാരിക്കാനുള്ള സ്വാതന്ത്ര്യത്തെയും ലംഘിക്കുകയും ചെയ്യുന്നുണ്ടെങ്കിലും, സർക്കാർ ഉദ്യോഗസ്ഥർ പ്രവർത്തിക്കുന്നത് വളരെ മന്ദഗതിയിലാണ്. ഈ നിരീക്ഷണ ഉപകരണങ്ങൾ അവരെ ലക്ഷ്യം വച്ചുള്ള വാർത്ത രാഷ്ട്രീയക്കാരെ അവരുടെ മനസ്സ് മാറ്റാൻ പ്രേരിപ്പിക്കുമെന്ന് ഞാൻ പ്രതീക്ഷിക്കുന്നു.
ഏതൊരു പൊതു ഇടത്തിലെയും പോലെ ഇവിടെയും കാണും ചില കോഴികൾ. അപ്പൊ കോഴികൾ വന്നു "ഹായ്" "ഹോയ്" പറയുമ്പോൾ എന്ത് ചെയ്യും? എന്താണ് ചെയ്യേണ്ടത് എന്നൊരു ചെറു വിവരണം തരാം...
പ്രൈവസിക്ക് ടെലിഗ്രാം വലിയ വിലയാണ് കൊടുക്കുന്നത്. മറ്റു ആപ്പുകളെ അപേക്ഷിച്ചു അതിൽ ഒരു കോംപ്രമൈസും ഇല്ല എന്നതാണ് അവരുടെ മെയിൻ പോളിസി. ഇതുപോലെ നമുക്ക് പരിചയമില്ലാത്തവർ അനാവശ്യമായി മെസ്സേജ് അയക്കുന്നത് എങ്ങനെയാണ് തടയുക എന്ന് ഒരു സുഹൃത്ത് ചോദിച്ചിരുന്നു... മെസ്സേജ് അയക്കുന്നത് നമുക്ക് തടയാൻ കഴിയില്ല. പക്ഷേ അനാവശ്യമായി വരുന്ന മെസ്സേജുകൾ ചാറ്റ് ലിസ്റ്റിൽ നിന്നും ഒഴിവാക്കാനുള്ള ഓപ്ഷൻ ടെലഗ്രാമിൽ ഉണ്ട്.
(Note: സ്ഥിരമായി unknown accounts ൽ നിന്ന് മെസ്സേജുകൾ വരുന്നവർക്ക് മാത്രേ ടെലിഗ്രാം ഈ ഫീച്ചർ നൽകുന്നുള്ളൂ, എല്ലാവർക്കും ലഭ്യമാവണം എന്നില്ല.) ഇങ്ങനെ ചെയ്താൽ നമ്മുടെ കോൺടാക്ട് ലിസ്റ്റിൽ ഇല്ലാത്ത ആളുകൾ നമുക്ക് മെസ്സേജ് അയക്കുമ്പോൾ അവരുടെ ചാറ്റുകൾ ഓട്ടോമാറ്റിക്കായി mute ആവുകയും archived ചെയ്യപ്പെടുകയും ചെയ്യും. (അവരുടെ ചാറ്റുകൾ കാണാൻ archived chats എന്ന ലിസ്റ്റ് തുറന്നു നോക്കണം)
ഇനി, ഞാൻ നിങ്ങൾക്ക് മെസ്സേജ് വിടുകയാണെന്ന് കരുതുക. എന്റെ നമ്പർ നിങ്ങളുടെ ഫോണിലും നിങ്ങളുടെ നമ്പർ എന്റെ ഫോണിലും (രണ്ടു ഫോണിലും) സേവ് ചെയ്തിട്ടില്ലാത്തിടത്തോളം ഞാൻ നിങ്ങക്ക് മെസ്സേജ് അയച്ചാൽ, മെസ്സേജിന് മുകളിൽ ADD CONTACT, BLOCK USER എന്നിങ്ങനെ രണ്ടു ബട്ടണുകൾ കാണാം. വലതു വശത്തായി "X" ക്ലോസ് ബട്ടണും ഉണ്ടാവും.
നിങ്ങൾക്ക് പരിചയമുള്ള, ഉപദ്രവകാരിയല്ല എന്ന് ഉറപ്പുള്ളവരുടെ മെസ്സേജ് വന്നാൽ മാത്രം ക്ലോസ് ബട്ടൺ അമർത്തിയോ ADD CONTACT കൊടുത്തോ നിങ്ങൾക്ക് ചാറ്റ് തുടരാം. (Add contact കൊടുക്കുന്ന സമയത്ത് നമ്മുടെ നമ്പർ അയാൾക്ക് share ചെയ്യണോ വേണ്ടയോ എന്നു തീരുമാനിക്കാനുള്ള ഓപ്ഷനും ഉണ്ട്). അപരിചിതൻ ആണെങ്കിൽ, നേരെ ആ എഴുത്തിൽ BLOCK എന്നതിൽ ക്ലിക്കുക. തുടർന്നു വരുന്ന സ്ക്രീനിൽ, REPORT SPAM എന്നതിൽ ടിക് ചെയ്യുക. ആ ചാറ്റ് ഹിസ്റ്ററി പിന്നെ ആവശ്യമില്ലെങ്കിൽ DELETE THIS CHAT എന്നതിലും ടിക് ചെയ്യുക. എന്നിട്ട് താഴെ BLOCK USER കൊടുക്കുക. ഇങ്ങനെ ചെയ്താൽ നിങ്ങൾ അയാളെ ബ്ലോക്ക് ചെയ്യുന്നതിനോടൊപ്പം ടെലിഗ്രാം ആ നിമിഷം ആ വ്യക്തിയുടെ അക്കൗണ്ട് 24 hrs ബ്ലോക്ക് ചെയ്യും.
അതായത്, അയാൾക്ക് ഈ പറഞ്ഞ പോലെ നമ്പർ സേവ് ചെയ്യാത്തവരുടെ ഇൻബോക്സിൽ 24 hrs സമയത്തേക്ക് മെസ്സേജ് ചെയ്യാൻ കഴിയില്ല. 24 hrs കഴിഞ്ഞാൽ ആ അക്കൗണ്ട് OK ആകും. വീണ്ടും അയാൾ ഇതുപോലെ അപരിചിതരുടെ ഇൻബോക്സിൽ പോയി ഇങ്ങനെ സ്പാം റിപ്പോർട്ട് കിട്ടുകയാണെങ്കിൽ 1 week ബ്ലോക്ക് ആകും. അങ്ങനെ 3 ഓ 4 ഓ പ്രാവശ്യം ടെലിഗ്രാം പണിഷ്മെന്റ് കൂട്ടി കൂട്ടി കൊടുക്കും. എന്നിട്ടും തന്റെ കോഴിപ്പട്ടം അഴിച്ച് വെക്കാൻ തയ്യാറാകുന്നില്ല എങ്കിൽ, പിന്നെ അക്കൗണ്ടും പൂട്ടിച്ച് പറഞ്ഞു വിടും! അതുകൊണ്ട്, ഇത്തരക്കാരെ കഴിവതും ഇങ്ങനെ റിപ്പോർട്ട് ചെയ്തു ബ്ലോക്കിയാൽ ആ കോഴിക്ക് പിന്നെ അയലത്തെ വീട്ടിൽ പോയും കൊത്താൻ കഴിയില്ല.
ടെലിഗ്രാമും ടെലിഗ്രാം X ഉം രണ്ടും ടെലിഗ്രാമിന്റെ ഒഫീഷ്യൽ ആപ്പുകൾ തന്നെയാണ്. മുമ്പ് Challegram എന്ന പേരിൽ ആയിരുന്ന Telegram X നെ 2017 ൽ ആണ് ടെലിഗ്രാം ഏറ്റെടുക്കുന്നത്. Telegram വർക്ക് ചെയ്യുന്നത് MTProto (Telegram API) ലും Telegram X വർക്ക് ചെയ്യുന്നത് TDLib (Telegram Database Library) ലും ആണ്. ഇതു തന്നെയാണ് ഇവ തമ്മിലുള്ള പ്രധാന വ്യത്യാസവും.
ടെലിഗ്രാമിന്റെ un-official ക്ലയന്റുകളായ Plus messenger ഉം Graph messenger ഉം ഒക്കെ MTProto തന്നെയാണ് ഉപയോഗിക്കുന്നത്. ഇങ്ങനെ ടെലിഗ്രാമിന്റെ source code ഉപയോഗിക്കുന്ന നൂറു കണക്കിന് client apps വേറെയും ഉണ്ട്. എന്നാൽ സ്മാർട്ട് ഫോണിൽ TDLib ഉപയോഗിക്കുന്ന Telegram X അല്ലാതെ വേറെ ആപ്പുകൾ ഒന്നും ഉള്ളതായി അറിവില്ല. (Ratio launcher ലെ conversion tab ൽ ടെലിഗ്രാം ചാറ്റുകൾ കാണിക്കാൻ ഉപയോഗിക്കുന്നത് TDLib ആണ്.) Desktop ൽ unigram ഉണ്ട്.
ഏതാണ് മികച്ചത്?
ഇപ്പോൾ കൃത്യമായ ഒരുത്തരം ഇല്ല. രണ്ടും ഉപയോഗിച്ചു നോക്കിയിട്ട് ഇഷ്ടമുള്ളത് തിരഞ്ഞെടുക്കൂ എന്നേ പറയാനാവൂ. (ടെലിഗ്രാം cloud based ആയതുകൊണ്ട് ചാറ്റ് ഹിസ്റ്ററി ഒന്നും നഷ്ടപ്പെടാതെ, logout ചെയ്യാതെ ഒരേ സമയം ഏത് ആപ്പിലും login ചെയ്യാമല്ലോ.)
ഫീച്ചറുകൾ?
ഒന്നു രണ്ടു വർഷം മുന്നേ, ഉപയോഗിച്ചു നോക്കിയിട്ടുള്ള എല്ലാവരുടെയും തന്നെ ഫേവറേറ്റ് ആയിരുന്നു Telegram X. (TgX) എന്നാൽ കഴിഞ്ഞ ഒരു വർഷമായി TgX ൽ പറയത്തക്ക updations ഒന്നും വന്നിട്ടില്ല. ടെലിഗ്രാമിന്റെ പുതിയ ഫീച്ചറുകളായ Group voice chat, Group video chat, Streamable videos ഒന്നും TgX ൽ ഇപ്പോൾ ഉപയോഗിക്കാൻ കഴിയില്ല. എന്നാലും TgX നെ മറ്റ് ടെലിഗ്രാം ആപ്പിൽ നിന്നും വേറിട്ടു നിർത്തുന്ന ഒരുപാട് കാര്യങ്ങൾ വേറെയും ഉണ്ട്... അതിൽ പ്രധാനപ്പെട്ടത് TgX ന്റെ user interface ആണ്. ഇത്രയും smooth & fast ആയ വേറൊരു ടെലിഗ്രാം ക്ലയന്റും ഉണ്ടാവില്ല. മാത്രമല്ല,
Unlimited multiple accounts
Accounts previews
Downloading percentage
Notification customization
Changing emoji sets
Forward without quoting
Clear from cache for specific file or media
Clear cache of specific chat
Select in between messages
Privacy exceptions
ഇതെല്ലാം TgX ന്റെ പ്രത്യേകതകളാണ്. ഇവയെപ്പറ്റി കൂടുതൽ അറിയാൻ Read: Why Telegram X?
ചിലർക്ക് downloading speed ഉം Tgx ൽ ടെലിഗ്രാം ആപ്പിനെക്കാൾ കൂടുതൽ ആണെന്ന് അഭിപ്രായമുണ്ട്. 2020 ൽ ഏറെക്കുറെ ഉറക്കം ആയിരുന്ന TgX ന് voice-video chats ന്റെ updation കൊണ്ടുവരാനുള്ള പണിപ്പുരയിലാണ് ഇപ്പോൾ ടെലിഗ്രാം.
PS: Telegram X ൽ ടാബുകൾ add ചെയ്യാൻ കഴിയുമോ എന്ന് പലരും ചോദിച്ചു കണ്ടിട്ടുണ്ട്... ടാബുകൾ ആയിട്ട് ഇടാൻ കഴിയില്ലെങ്കിലും personal chats, groups, channels, bots എന്നിങ്ങനെ വെവ്വേറെ കാണാൻ കഴിയും. അതിനായി Telegram X ന്റെ home page ൽ chats എന്നു കാണുന്നതിൽ tap ചെയ്ത് സാവധാനം താഴേക്ക് swipe ചെയ്യുക. മുകളിൽ പറഞ്ഞ options അവിടെ കാണിക്കും. 😁 See this
ടെലിഗ്രാം അക്കൗണ്ട് ഡിലീറ്റ് ചെയ്യാനായി my.telegram.org സന്ദർശിക്കുക.
അതിൽ ഫോൺ നമ്പർ (with country code) വെച്ച് login ചെയ്യുക. Confirmation code വരുന്നത് ടെലിഗ്രാം ആപ്പിൽ ആയിരിക്കും. അതുവെച്ച് ലോഗിൻ ആയതിനു ശേഷം delete account തിരഞ്ഞെടുക്കുക. Telegram core
(Nekogram X പോലുള്ള ചില un-official ക്ലയന്റുകളിൽ അക്കൗണ്ട് ഡിലീറ്റ് ചെയ്യാനുള്ള ഓപ്ഷൻ ആപ്പിൽ തന്നെയുണ്ട്.)
NOTE: Recovery എന്നതുകൊണ്ട് ഉദ്ദേശിക്കുന്നത്, നമ്മുടെ അനുവാദം ഇല്ലാതെ നമ്മുടെ നമ്പറിൽ മറ്റൊരാൾ ടെലിഗ്രാം ഉപയോഗിക്കുന്നുണ്ടെങ്കിൽ അത് വീണ്ടെടുക്കൽ ആണ്. ഡിലീറ്റ് ആയിപ്പോയ ടെലിഗ്രാം അക്കൗണ്ട് റിക്കവർ ചെയ്യുന്നത് സാധ്യമല്ല.
നമ്മൾ ഉപയോഗിച്ചുകൊണ്ടിരിക്കുന്ന അക്കൗണ്ട് ആണെങ്കിൽ Telegram ന്റെ Settings ൽ Devices എടുത്ത് പരിചയം ഇല്ലാത്ത സെഷനുകൾ terminate (logout) ചെയ്യാവുന്നതാണ്.
ഇനി, ഉപയോഗിക്കാത്ത അക്കൗണ്ട് ആണെങ്കിൽ ആദ്യം തന്നെ OTP ഉപയോഗിച്ച് login ചെയ്യുക. മറ്റെയാൾ Two step verification ഒന്നും enable ചെയ്തിട്ടില്ലെങ്കിൽ നമുക്ക് easy ആയിട്ട് login ചെയ്യാൻ കഴിയും.
എന്നിട്ട് മുൻപ് പറഞ്ഞതുപോലെ Telegram ന്റെ Settings ൽ Devices എടുത്ത് നോക്കിയാൽ login ചെയ്ത ആളുടെ IP adress അടക്കമുള്ള വിവരങ്ങൾ അവിടെ കാണാൻ കഴിയും.
പക്ഷേ, newly logged in ഡിവൈസിൽ നിന്നും നമുക്ക് 24 മണിക്കൂർ സമയത്തേക്ക് പഴയ സെഷനുകൾ ഒന്നും terminate ചെയ്യാൻ കഴിയില്ല. അതുകൊണ്ട്...
(a) ഒന്നുകിൽ 24 മണിക്കൂർ കഴിഞ്ഞ് terminate ചെയ്യുക. Note: ഈ സമയത്തിനുള്ളിൽ അയാൾക്ക് വേണമെങ്കിൽ നമ്മളെയും logout ആക്കാം.
(b) അല്ലെങ്കിൽ login ആയ ഉടനെ തന്നെ ആദ്യം പറഞ്ഞതുപോലെ my.telegram.org ൽ പോയി അക്കൗണ്ട് ഡിലീറ്റ് ചെയ്യുക.
മറ്റെയാൾ Two step verification enable ചെയ്തിട്ടുണ്ടെങ്കിൽ login ചെയ്യാൻ സാധിക്കില്ല. അങ്ങനെയാണെങ്കിൽ 7 ദിവസം കഴിഞ്ഞ് ഒരിക്കൽക്കൂടി login ചെയ്യാൻ ശ്രമിക്കുക. അപ്പോൾ അക്കൗണ്ട് reset / delete ചെയ്യാനുള്ള ഓപ്ഷൻ കാണിക്കും. (Telegram X ൽ ഇത് കാണിക്കില്ല, so use Telegram app instead.)
ടെലിഗ്രാം അക്കൗണ്ട് ഡിലീറ്റ് ആയാൽ അപ്പോൾതന്നെ അതേ നമ്പറിൽ പുതിയ അക്കൗണ്ട് തുടങ്ങാവുന്നതാണ്. തുടങ്ങിയ ഉടനെ two step verification വഴി secure ചെയ്യുക.
ഇതു കൂടാതെ ടെലിഗ്രാമിന്റെ പ്രൈവസി settings ൽ account self destruction ഉള്ള ഫീച്ചർ കൂടിയുണ്ട്. Account self destruction
ഉപയോഗിക്കാതെ ഇരുന്നാൽ നമ്മൾ കൊടുക്കുന്ന നിശ്ചിത കാലയളവിനു ശേഷം (1, 3, 6, 12 months) അക്കൗണ്ട് തനിയെ ഡിലീറ്റ് ആയിപ്പോവുന്നതാണ്.
സ്വകാര്യതാ നയത്തെ തുടർന്ന് ജനപ്രീതി നഷ്ടപ്പെട്ട വാട്സ് ആപ്പിന് വെല്ലുവിളി ഉയർത്തി പുതിയ നീക്കങ്ങളുമായി ടെലിഗ്രാം. എന്നാൽ വാട്സ് ആപ്പിനേയും കടത്തി വെട്ടുന്ന പുതിയ ഫീച്ചറുകൾ അവതരിപ്പിച്ച് ഉപഭോക്താക്കളെ കൈയിലെടുക്കുകയാണ് ടെലിഗ്രാം.
'മൈ വീഡിയോ ഷെയറിങ്' ഓപ്ഷന്‍ ടാപ്പുചെയ്തുകൊണ്ട് ഉപയോക്താക്കള്‍ക്ക് ഗ്രൂപ്പ് വീഡിയോ കോളുകള്‍ ചെയ്യാന്‍ കഴിയും. വോയ്സ് ചാറ്റില്‍ ചേരുന്ന ആദ്യത്തെ 30 പേര്‍ക്ക് ഗ്രൂപ്പ് വീഡിയോ ചാറ്റ് ഓപ്ഷന്‍ നിലവില്‍ ലഭ്യമാണ് (ഓഡിയോ മാത്രം പങ്കെടുക്കുന്നവരുടെ എണ്ണം പരിധിയില്ലാത്തതാണ്). സ്ട്രീമിംഗ് ഗെയിമുകള്‍, ലൈവ് ഇവന്റുകള്‍ എന്നിവയും അതിലേറെയും വോയ്സ് ചാറ്റുകള്‍ ചെയ്യുമ്പോള്‍ ഈ പരിധി വര്‍ദ്ധിപ്പിക്കുമെന്ന് ടെലിഗ്രാം അവകാശപ്പെട്ടു.
ഒരു വോയ്സ് ചാറ്റ് ആരംഭിക്കുന്നതിന്, നിങ്ങള്‍ ഒരു അഡ്മിന് ആയിരിക്കുന്ന ഏതൊരു ഗ്രൂപ്പിന്റെയും പ്രൊഫൈലിലെ ? മെനു പരിശോധിക്കുക. മെനു ബട്ടണില്‍ ടാപ്പുചെയ്ത് സ്ക്രീന് പങ്കിടല്‍ ഓപ്ഷന്‍ അമര്‍ത്തി ആപ്ലിക്കേഷന്റെ അനുമതിയോടെ സ്ക്രീന് ഷെയറിങ് സവിശേഷത ആക്‌സസ്സുചെയ്യാനാകും. ശബ്ദത്തിന്റെ ഗുണനിലവാരം വര്‍ദ്ധിപ്പിക്കുന്നതിന്, ടെലിഗ്രാം നോയിസ് സപ്രഷന്‍ ഓപ്ഷന്‍ ഓപ്ഷനും അവതരിപ്പിച്ചു. ഒരു ലൈവ് വോയ്സ് ചാറ്റില്‍ ഈ ഫീച്ചര്‍ പ്രവര്‍ത്തനക്ഷമമാക്കാനാകും.
ടാബ്‌ലെറ്റും ഡെസ്ക്ടോപ്പ് പിന്തുണയും
ടാബ്‌ലെറ്റുകള്‍ക്കും കമ്പ്യൂട്ടറുകള്‍ക്കും കൂടുതല്‍ സ്ക്രീന് ഇടം നല്‍കുന്നു. ഒപ്പം കൂടുതല്‍ പ്രദര്‍ശന ഓപ്ഷനുകള്‍ വാഗ്ദാനം ചെയ്യുന്നു. സൈഡ് പാനല്‍ തുറക്കുന്നതിന് ഉപയോക്താക്കള്‍ ടാപ്പുചെയ്യുകയും വീഡിയോ ഗ്രിഡിന്റെ സ്പ്ലിറ്റ് സ്ക്രീന് വ്യൂവും പങ്കെടുക്കുന്നവരുടെ ലിസ്റ്റും കാണാം. കൂടാതെ, പോര്‍ട്രെയ്റ്റിനും ലാന്‍ഡ്‌സ്‌കേപ്പ് ഓറിയന്റേഷനും ഒപ്റ്റിമൈസ് ചെയ്യുകയും ചെയ്യാം. ഡെസ്‌ക്ടോപ്പിലെ വോയ്സ് ചാറ്റുകള്‍ ഒരു പ്രത്യേക വിന്‍ഡോയില്‍ തുറക്കുന്നു, ഉപയോക്താക്കള്‍ക്ക് ഇവിടെ ടെപ്പ്‌ചെയ്യാനും സംസാരിക്കാനും കഴിയും. ഒരു പ്രത്യേക ഉപയോക്താവിന്റെ മുഴുവന്‍ സ്‌ക്രീനിനുപകരം ഒരു വ്യക്തിഗത പ്രോഗ്രാം പ്രക്ഷേപണം ചെയ്യുന്നതിന് തിരഞ്ഞെടുത്ത സ്ക്രീന് ഷെയറിങ്ങും ഡെസ്ക്ടോപ്പ് ആപ്ലിക്കേഷനുകളിലുണ്ട്. ഡെസ്ക്ടോപ്പ് ആപ്ലിക്കേഷന്‍ ഉപയോഗിക്കുമ്പോള്‍, ഒരു നിര്‍ദ്ദിഷ്ട ഉപയോക്താവ് സ്ക്രീന് ഷെയര്‍ ചെയ്യുന്നത് ഓട്ടോമാറ്റിക്കായി പിന്‍ ചെയ്യുന്നു.
ഓപ്ഷനുകള്‍ ക്രിയേറ്റ് ചെയ്യുന്നതിനും ഷെയര്‍ ചെയ്യുന്നതിനും ആനിമേറ്റുചെയ്ത ബാക്ക്ഗ്രൗണ്ടുകള്‍
ടെലിഗ്രാം ആനിമേറ്റഡ് ബാക്ക്ഗ്രൗണ്ടുകളും അവതരിപ്പിച്ചു. ഈ മള്‍ട്ടികളര്‍ ഗ്രേഡിയന്റ് വാള്‍പേപ്പറുകള്‍ അല്‍ഗോരിതം രൂപകല്‍പ്പന ചെയ്തിട്ടുണ്ടെന്നും ഉപയോക്താക്കള്‍ മെസേജ് അയയ്ക്കുമ്പോഴെല്ലാം മനോഹരമായി കാണപ്പെടുന്ന സൗന്ദര്യാത്മകതയോടെ നീങ്ങുമെന്നും ടെലിഗ്രാം അവകാശപ്പെടുന്നു. മുന്‍കൂട്ടി ഇന്‍സ്റ്റാള്‍ ചെയ്ത നിരവധി തീമുകള്‍ക്കൊപ്പം ടെലിഗ്രാം ഈ ഫീച്ചര്‍ വാഗ്ദാനം ചെയ്യുന്നു.
സെറ്റിങ്ങുകളില്‍ ഉപയോക്താക്കള്‍ക്ക് കൂടുതല്‍ ആനിമേറ്റുചെയ്ത പശ്ചാത്തലങ്ങള്‍ കണ്ടെത്താന്‍ കഴിയും. Android: Chat Settings > Change Chat Background. iOS: Appearance > Chat Background. കൂടാതെ, വ്യത്യസ്ത നിറങ്ങളുടെയും പാറ്റേണുകളുടെയും ഘടന ഉപയോഗിച്ച് ഏതെങ്കിലും ഉപയോക്താവ് അവരുടെ ആനിമേറ്റഡ് പശ്ചാത്തലം സൃഷ്ടിക്കാന്‍ ആഗ്രഹിക്കുന്നുവെങ്കില്‍, പ്ലാറ്റ്‌ഫോം ഇത് വാഗ്ദാനം ചെയ്യുന്നു. ആനിമേഷന്‍ അണ്‍ലോക്കുചെയ്യുന്നതിന് ഉപയോക്താക്കള്‍ മൂന്നോ നാലോ നിറങ്ങള്‍ തിരഞ്ഞെടുക്കേണ്ടതുണ്ട്, തുടര്‍ന്ന് അധിക ശൈലിക്ക് ഒരു ഓപ്ഷണല്‍ പാറ്റേണ്‍ ചേര്‍ക്കാം. പുതിയ ആനിമേറ്റുചെയ്ത ഇമോജികള്‍ ഉപയോഗിച്ച് മെച്ചപ്പെടുത്തിയ ഉപയോക്തൃ സുരക്ഷാ നടപടികളും സന്ദേശമയയ്ക്കല്‍ ഇന്റര്‍ഫേസും ഇവിടെ അവതരിപ്പിക്കുന്നു.
ടെലിഗ്രാമില്‍ ഉപയോക്താവിന്റെ ഫോണ്‍ നമ്പര്‍ നിലനിര്‍ത്തുന്നതിന് ലോഗിന്‍ വിവര ഓര്‍മ്മപ്പെടുത്തലുകള്‍ ഒരു പ്രധാന ഫീച്ചറായി മാറുന്നു. ഒരു ഉപയോക്താവിന് എല്ലായ്‌പ്പോഴും അക്കൗണ്ടിലേക്ക് പ്രവേശിക്കാന്‍ കഴിയുമെന്ന് ഇത് ഉറപ്പാക്കുന്നു. ഫോണ്‍ നമ്പര്‍ മാറിയിട്ടുണ്ടെങ്കില്‍, സെറ്റിങ്ങുകളിലെ പുതിയ റിമൈന്‍ഡറില്‍ നിന്ന് ഉപയോക്താക്കള്‍ക്ക് ഇത് വേഗത്തില്‍ അപ്‌ഡേറ്റുചെയ്യാനാകും.അടുത്ത അപ്‌ഡേറ്റില്‍ ആന്‍ഡ്രോയിഡ് ഉപയോക്താക്കള്‍ക്ക് ഈ ഓര്‍മ്മപ്പെടുത്തലുകള്‍ ലഭിക്കുമെന്ന് ടെലിഗ്രാം പ്രഖ്യാപിച്ചു. എല്ലാ പ്ലാറ്റ്‌ഫോമുകളിലെയും ഉപയോക്താക്കള്‍ക്ക് അവരുടെ രണ്ട്ഘട്ട പരിശോധന സെറ്റിങ്ങുകള്‍ മാറ്റുമ്പോഴെല്ലാം ടെലിഗ്രാമില്‍ നിന്ന് ഒരു അറിയിപ്പ് ലഭിക്കും.
ബാറ്ററി ലൈഫിനെ ബാധിക്കാത്ത ഭാരം കുറഞ്ഞ ആനിമേഷനുകള്‍ ഉപയോഗിച്ച് ഉപയോക്താക്കള്‍ക്ക് ഇപ്പോള്‍ കീബോര്‍ഡുകളില്‍ നിന്ന് സ്റ്റിക്കറുകളും ഇമോജികളും പരിധിയില്ലാതെ ചാറ്റ് വിന്‍ഡോയിലേക്ക് അയയ്ക്കാന്‍ കഴിയും. അറ്റാച്ചുമെന്റ് പാനലില്‍ നിന്ന് നിങ്ങള്‍ അയയ്ക്കുന്ന മീഡിയയ്ക്കും മെസേജുകള്‍ക്കും ഇത് ബാധകമാണ്. കൂടാതെ, ടെലിഗ്രാം സുതാര്യമായ പശ്ചാത്തലങ്ങള്‍ അവതരിപ്പിച്ചു, അവ ഇപ്പോള്‍ ഭാഗികമായി ഹെഡറിലൂടെയും ചാറ്റുകളിലെ അടിക്കുറിപ്പിലൂടെയും ദൃശ്യമാകുന്നു, ഇത് ഇന്റര്‍ഫേസിന് മികച്ച പുതിയ രൂപം നല്‍കുന്നു.
ക്ലാസിക് നീല, കറുപ്പ് പതിപ്പുകള്‍ക്ക് പുറമേ സെറ്റിങ്ങുകള്‍> രൂപഭാവത്തില്‍ രണ്ട് പുതിയ ഗ്രേഡിയന്റ് ആപ്ലിക്കേഷന്‍ ഐക്കണുകള്‍ ലഭ്യമാണ്.ഒരു പ്രത്യേക മെനു ചേര്‍ത്തുകൊണ്ട് ടെലഗ്രാം ഉപയോക്താക്കള്‍ക്ക് ബോട്ടുകളുമായി ആശയവിനിമയം നടത്തുന്നത് എളുപ്പമാക്കി. കമാന്‍ഡുകള്‍ ബ്രൗസ് ചെയ്യാനും അയയ്ക്കാനും അവരെ അനുവദിക്കുന്നു. ഏത് തരത്തിലുള്ള സന്ദേശമാണ് അവര്‍ പ്രതീക്ഷിക്കുന്നതെന്ന് ഉപയോക്താവിന് മികച്ച ആശയം നല്‍കുന്നതിന് ഇന്‍പുട്ട് ഫീല്‍ഡിലെ പ്ലെയ്‌സ്‌ഹോള്‍ഡറിനെ മാറ്റാനും ബോട്ടുകള്‍ക്ക് കഴിയും. മാത്രമല്ല, ബോട്ട് ഡവലപ്പര്‍മാര്‍ക്ക് ഇപ്പോള്‍ ഒരു ഉപയോക്താവിന്റെ ഇന്റര്‍ഫേസ് ഭാഷയും ചാറ്റും അടിസ്ഥാനമാക്കി മാറുന്ന കമാന്‍ഡുകളും നിര്‍ദ്ദിഷ്ട ചാറ്റുകളില്‍ അല്ലെങ്കില്‍ അഡ്മിനുകള്‍ക്കായി മാത്രം ദൃശ്യമാകുന്ന പ്രത്യേക കമാന്‍ഡുകളും സൃഷ്ടിക്കാന്‍ കഴിയും.
ടെലിഗ്രാമിലെ സ്റ്റിക്കര്‍ ബോട്ട് ഉപയോക്താക്കള്‍ക്ക് പുതിയ സ്റ്റിക്കര്‍ പായ്ക്കുകള്‍ സൃഷ്ടിക്കുന്നതിനും ടെലിഗ്രാമില്‍ അവരുടെ സ്റ്റിക്കറുകള്‍ക്ക് ഉപയോഗക്കണക്കുകള്‍ നേടുന്നതിനും സഹായിക്കുന്നു. ടെലഗ്രാം ഉപയോക്താക്കള്‍ നിര്‍മ്മിച്ച സ്റ്റിക്കറുകള്‍ ഇന്‍സ്റ്റാള്‍ ചെയ്യാന്‍ ഡവലപ്പര്‍മാര്‍ ആഗ്രഹിക്കുന്നുവെങ്കില്‍, അവര്‍ക്ക് അധിക അപ്ലിക്കേഷനുകളൊന്നും ആവശ്യമില്ല. ടെലിഗ്രാമിന്റെ ബോട്ട് ഉപയോഗിച്ച് അവര്‍ക്ക് അവരുടെ സെറ്റ് സ്റ്റിക്കറുകള്‍ അപ്‌ലോഡുചെയ്യാനും മറ്റുള്ളവരുമായി ലിങ്ക് പങ്കിടാനും കഴിയും.
ടെലിഗ്രാമിന്റെ ഔദ്യോഗിക ട്വിറ്റർ അക്കൗണ്ട് 1M ഫോളോവേഴ്‌സിലെത്തി. ഈ അക്കൗണ്ടിൽ മെസഞ്ചറിന്റെ ടീം പുതിയ ഫീച്ചറുകളെ കുറിച്ച് പറയുന്നതിനോടൊപ്പം, നിലവിലുള്ളവയെക്കുറിച്ച് ഓർമ്മപ്പെടുതാറും ഉണ്ട്, ഉപയോക്താക്കളെ സഹായിക്കുന്നതിനും, തമാശകൾ പറയുന്നതിനും, വാട്ട്സ്ആപ്പിനെ തങ്ങാനും ഇത് ഉപയോഗിക്കാറുണ്ട്
ടെലിഗ്രാമിന് 55 ദശലക്ഷം യൂറോ വരെ പിഴയും ഭാവിയിൽ ജർമ്മനിയിൽ നിരോധിക്കപ്പെടാമെന്ന് ഡെർ സ്പീഗൽ പ്രസ്താവിച്ചു, ടെലിഗ്രാം നീതിന്യായ മന്ത്രാലയത്തിൽ നിന്നും ജർമ്മനിയിലെ ആഭ്യന്തര മന്ത്രാലയത്തിൽ നിന്നുമുള്ള അഭ്യർത്ഥനകളെ അവഗണിച്ചുകൊണ്ട് ഇത് വിശദീകരിച്ചു.
വരാനിരിക്കുന്ന തിരഞ്ഞെടുപ്പ് സമയത്ത് പവൽ ഡുറോവിന്റെ മെസഞ്ചർ ഉപയോഗിച്ച് പ്രചരിപ്പിക്കാനിടയുള്ള തെറ്റായ വിവരങ്ങൾ അധികൃതർ ഭയപ്പെടുന്നുവെന്ന് വൃത്തങ്ങൾ കരുതുന്നു.
മോക്സോ: റഷ്യയില്‍ ഫേസ്ബുക്കിനും, മെസഞ്ചര്‍ ആപ്പായ ടെലഗ്രാമിനും പിഴശിക്ഷ. സര്‍ക്കാര്‍ ആവശ്യപ്പെട്ട ഉള്ളടക്കങ്ങള്‍ തങ്ങളുടെ പ്ലാറ്റ്ഫോമില്‍ നിന്നും നീക്കം ചെയ്യാത്തതിനാണ് മോസ്കോ കോടതി രണ്ട് സോഷ്യല്‍ മീഡിയ പ്ലാറ്റ്ഫോമുകള്‍ക്കും പിഴ വിധിച്ചത്. 1.72 കോടി രൂപയ്ക്ക് തുല്യമായ തുകയാണ് ഫേസ്ബുക്കിന് പിഴയായി ചുമത്തിയിരിക്കുന്നത്. 1.01 കോടി രൂപയ്ക്ക് തുല്യമായ തുകയാണ് ടെലഗ്രാമിന് പിഴയായി വിധിച്ചത്.
എന്നാല്‍ റഷ്യന്‍ ഏജന്‍സികള്‍ പുറത്തുവിടുന്ന വാര്‍ത്തകള്‍ പ്രകാരം സര്‍ക്കാര്‍ ഈ പ്ലാറ്റ്ഫോമുകളോട് പിന്‍വലിക്കാന്‍ ആവശ്യപ്പെട്ട പോസ്റ്റുകളുടെ ഉള്ളടക്കം എന്താണെന്ന് വ്യക്തമല്ല. റഷ്യയില്‍ സോഷ്യല്‍ മീഡിയ പ്ലാറ്റ്ഫോമുകള്‍ക്കെതിരെ ശക്തമാകുന്ന നിയമങ്ങളുടെ ബാക്കിയാണ് പുതിയ വിധിയെന്നാണ് പാശ്ചത്യ മാധ്യമങ്ങളുടെ നിരീക്ഷണം.
അതേ സമയം ഒരു മാസം തികയും മുന്‍പ് ഇത് രണ്ടാം തവണയാണ് ഫേസ്ബുക്കും ടെലഗ്രാമും ശിക്ഷ നേരിടുന്നത് എന്നാണ് റിപ്പോര്‍ട്ട്. കഴിഞ്ഞ മെയ് 25ന് ഫേസ്ബുക്കിന് 26 ദശലക്ഷം റൂബിളും, ടെലഗ്രാമിന് ഒരു മാസം മുന്‍പ് 5 ദശലക്ഷം റൂബിളും പിഴ ശിക്ഷ വിധിച്ചിരുന്നു. പ്രകോപനകരമായ ഉള്ളടക്കമുള്ള പോസ്റ്റുകള്‍ പിന്‍വലിക്കാത്തതിനായിരുന്നു ഈ നടപടി.
2021 മെയ് 26 നും അതിനുശേഷവും ബാധകമാകുന്ന പുതിയ ഐടി ചട്ടങ്ങൾക്ക് അനുസൃതമായി നിയുക്ത പരാതി പരാതി ഉദ്യോഗസ്ഥനെ പറ്റി ടെലിഗ്രാം അതിന്റെ പതിവുചോദ്യങ്ങൾ അപ്‌ഡേറ്റുചെയ്‌തു.
വീഡിയോ call നു പിന്നാലെ Telegram Messenger, അവരുടെ ഏറ്റവും പുതിയ ഫീച്ചറായ ഗ്രൂപ്പ് വീഡിയോ ചാറ്റ് കൂടി അവതരിപ്പിച്ചതിലൂടെ ഇനിമുതൽ ഓൺലൈൻ ക്ലാസ്സുകൾക്ക് ടെലിഗ്രാമിനെക്കാൾ മികച്ച ഒരിടം വേറെ ഇല്ലെന്നു തന്നെ പറയാം.
നിലവിൽ ഏറ്റവും കൂടുതൽ ആളുകൾ സന്ദേശ വിനിമയത്തിനായി ഉപയോഗിക്കുന്ന ആപ്പാണ് വാട്സാപ്പ്. എന്നാൽ Online ക്ലാസ്സുകൾ നടത്തുന്നതിനൊക്കെ ഒട്ടേറെ പരിമിതികൾ വാട്സാപ്പിലുണ്ട്. അതിൽ ഏറ്റവും പ്രധാനപ്പെട്ടത് ഫയലുകൾ share ചെയ്യുന്നതിലുള്ള limitations ആണ്. 100MB ൽ കൂടുതൽ ഉള്ള ഡോക്യുമെന്റോ 16MB യിൽ കൂടുതലുള്ള വീഡിയോയോ ഒന്നും തന്നെ വാട്സാപ്പ് വഴി നേരിട്ട് അയക്കാൻ കഴിയില്ല.. ഇവിടെയൊക്കെയാണ് ടെലിഗ്രാം മെസ്സഞ്ചർ ജനപ്രിയമാവുന്നത്...
ഒരു ക്ലാസ്സ് റൂം പോലെ തന്നെ ടെലിഗ്രാം ഗ്രൂപ്പുകളെ മാറ്റിയെടുക്കാൻ സാധിക്കും. ഗ്രൂപ്പിന്റെ പൂർണ്ണ നിയന്ത്രണം admin ആയ അദ്ധ്യാപകർക്ക് ഉണ്ടാവും...
അനാവശ്യമായി ഗ്രൂപ്പിൽ അയക്കപ്പെട്ട സന്ദേശങ്ങൾ നീക്കം ചെയ്യാൻ കഴിയും.
2 GB വരെ വലിപ്പമുള്ള ഏതൊരു ഫയലും ടെലിഗ്രാം വഴി അയക്കാൻ കഴിയും.
വൈകി join ചെയ്ത student നും ഗ്രൂപ്പിലെ ആദ്യം മുതലുള്ള മെസ്സേജുകൾ കാണാൻ കഴിയും.
ഗ്രൂപ്പിൽ വന്ന വീഡിയോസോ ഫയലുകളോ ഗാലറിയിൽ നിന്നും ഡിലീറ്റ് ആയാലും പിന്നീട് എപ്പോൾ വേണമെങ്കിലും ചാറ്റിൽ നിന്നും അതൊക്കെ വീണ്ടും ഡൌൺലോഡ് ചെയ്തെടുക്കാൻ കഴിയും.
ഫോൺ നഷ്ടപ്പെട്ടാലും ടെലിഗ്രാമിലെ ചാറ്റുകൾ ഒന്നും miss ആവില്ല. ആ നമ്പറിൽ നിന്ന് ഏത് ഫോണിൽ ടെലിഗ്രാം എടുത്താലും ചാറ്റുകൾ കിട്ടും.
അധ്യാപകർക്ക് പ്രധാനപ്പെട്ട മെസ്സേജുകൾ ഗ്രൂപ്പിൽ pin ചെയ്ത് വെക്കാൻ കഴിയും.
ഒരു മെസ്സേജിൽ touch ചെയ്താൽ ആ മെസ്സേജിന് students നൽകിയ മറുപടികൾ മാത്രമായി (view thread) കാണാൻ കഴിയും.
വോയ്സ്, വീഡിയോ ചാറ്റുകൾ വഴി ക്ലാസ്സുകൾ എടുക്കാൻ കഴിയും. (ഇതിനെപ്പറ്റി താഴെ വിശദീകരിച്ചിട്ടുണ്ട്.)
@GroupAttendanceBot പോലുള്ള ബോട്ടുകൾ ഉപയോഗിച്ച് അറ്റന്റൻസ് എടുക്കാൻ @QuizBot അല്ലെങ്കിൽ @KLQuizBot ഉപയോഗിച്ച് multiple choice questions ഉള്ള ക്വിസ്സുകൾ നടത്താൻ കഴിയും.
ക്ലാസ്സുകൾ കഴിഞ്ഞ് poll option ഉപയോഗിച്ച് സ്റ്റുഡന്റസിന്റെ feedbacks എളുപ്പത്തിൽ അറിയാൻ കഴിയും.
നിലവിൽ ഒരുപാട് ക്ലാസ്സ് ഗ്രൂപ്പുകൾ ടെലിഗ്രാമിലേക്ക് shift ചെയ്തിട്ടുണ്ട്. എങ്കിലും കൂടുതൽ അധ്യാപകരും വാട്സാപ്പിലൂടെയും ഗൂഗിൾ മീറ്റിലൂടെയും ഒക്കെയാണ് ക്ലാസ്സുകൾ നടത്തിപ്പോരുന്നത്. വീഡിയോ കോൺഫറൻസിന് ഗൂഗിൾ മീറ്റ്, പഠിക്കാനുള്ള ഫയലുകളും മറ്റും കൈമാറാൻ വാട്സാപ്പ്.. ഇങ്ങനെ എന്നാൽ ടെലിഗ്രാമിന്റെ പുതിയ അപ്ഡേഷനിൽ വീഡിയോ ചാറ്റ് & സ്ക്രീൻ ഷെയറിങ് വന്നതോടെ ഇതെല്ലാം ഒരു കുടക്കീഴിൽ കിട്ടും എന്നായിട്ടുണ്ട്.
മാസങ്ങൾക്ക് മുമ്പ് ടെലിഗ്രാം ഗ്രൂപ്പ് വോയ്സ് ചാറ്റ് അവതരിപ്പിച്ചിരുന്നു. ഗ്രൂപ്പിനുള്ളിൽ എത്രപേർക്ക് വേണമെങ്കിലും join ചെയ്ത് പരസ്പരം സംസാരിക്കാൻ കഴിയുന്ന, Clubhouse ലേതിന് സമാനമായ വോയ്സ് ചാറ്റ്. ഇതിലേക്കാണ് ഇപ്പോൾ video chat & screen sharing കൂടി എത്തിയിരിക്കുന്നത്.
ടീച്ചർക്ക് (admin) ഇങ്ങനെ അതാത് ഗ്രൂപ്പിലെ വോയ്സ് / വീഡിയോ ചാറ്റ് വഴി ക്ലാസ്സുകൾ എടുക്കാനും സ്റ്റുഡന്റ്സിന് അത് തത്സമയം കാണാനും കേൾക്കാനും കഴിയും. ആവശ്യമെങ്കിൽ ടീച്ചർ ഒഴികെയുള്ളവരെ മ്യൂട്ട് ചെയ്യാൻ സാധിക്കും. ഇങ്ങനെ mute ചെയ്യപ്പെട്ട സമയത്തും ക്ലാസ്സിനിടക്ക് സംശയങ്ങൾ ഉണ്ടെങ്കിൽ allow me to speak ബട്ടൺ ക്ലിക്ക് ചെയ്ത് ടീച്ചറോട് സംസാരിക്കാൻ ആവശ്യപ്പെടാം. ഓരോരുത്തരുടെയും voice നിയന്ത്രിക്കാം. ടെലിഗ്രാമിൽ തന്നെ ഈ ചാറ്റുകൾ റെക്കോർഡ് ചെയ്ത് സൂക്ഷിക്കുകയും ചെയ്യാം.
വാട്സാപ്പ് ഒരിക്കലും ഒരു മോശം ആപ്പ് ആണെന്നല്ല പറഞ്ഞത്. ഓൺലൈൻ ക്ലാസ്സുകൾ ഉൾപ്പെടെയുള്ള കാര്യങ്ങൾ ഒഴിവാക്കാൻ പറ്റാത്ത ഇതുപോലുള്ള സാഹചര്യത്തിൽ വാട്സാപ്പിന് പരിമിതികളുണ്ട് എന്നത് വാസ്തവം തന്നെയാണ്. സാഹചര്യങ്ങൾക്ക് അനുസരിച്ച് ഇത്തരം കാര്യങ്ങളിൽ നമ്മുടെ തലമുറയെങ്കിലും മാറി ചിന്തിക്കേണ്ടിയിരിക്കുന്നു.
അധ്യാപകർ അടക്കമുള്ള ഒരു വലിയ വിഭാഗത്തിന് ഇന്റർനെറ്റ് വഴി ചാറ്റ് ചെയ്യാൻ, ഫോട്ടോയും വിഡിയോയും അയക്കാൻ വാട്സാപ്പിനെക്കൾ മികച്ച മാർഗ്ഗങ്ങൾ ഉണ്ടെന്നുള്ള അറിവ് ഇല്ലാത്തതിനാലുള്ള പ്രശ്നവും ഉണ്ട്.
കഴിഞ്ഞ ദിവസം കസിൻ ചേച്ചി വിളിച്ചിട്ട് ടെലിഗ്രാമിനെപ്പറ്റി കുറച്ചു സംശയങ്ങൾ ചോദിച്ചിരുന്നു.. ചേച്ചിയുടെ മോളുടെ സ്കൂളിൽ നിന്ന് വിളിച്ചിട്ട് ഇനി മുതൽ ഓൺലൈൻ ക്ലാസ്സ് ടെലിഗ്രാമിൽ ആണെന്ന് പറഞ്ഞൂത്രേ. ❤️
ടെലിഗ്രാം അപ്‌ഡേറ്റുചെയ്‌ത FAQ വിൽ ആപ്പിളിന്റെ സ്വകാര്യത ലേബലുകൾ വിശദീകരിച്ചു
അപ്ലിക്കേഷന് നിയുക്തമാക്കിയ ലേബലുകളെ മെസഞ്ചർ ടീം കൂടുതലും വിമർശിക്കുന്നു, കാരണം അപ്പിളിൻ്റെ ലേബലുകൾ മിക്കതും തെറ്റിദ്ധരിപ്പിക്കുന്നതാണ്.
ആപ്പിൾ നിയോഗിച്ച ലേബലുകളുമായി താരതമ്യപ്പെടുത്തുമ്പോൾ, ഒരു ഇരട്ടത്താപ്പ് നിങ്ങൾക്ക് കാണാൻ സാധിക്കും. അപ്ലിൻ്റെ iMessage ഉപയോഗിക്കുന്ന അത്ര ഡാറ്റ മാത്രമേ ടെലഗ്രാം ഉപയോഗിക്കുന്നുള്ളൂ പക്ഷേ iMessage ഇനേകാളും ടാഗുകൾ ടെലഗ്രാമിന് നൽകി. https://core.telegram.org/apple_privacy
വിവരസാങ്കേതിക വിദ്യ വളർന്നു വന്നപ്പോൾ തൊട്ട് കേൾക്കാൻ തുടങ്ങിയ ഒരു വാക്കാവും ഹാക്കിങ്. കാലാകാലങ്ങളായി വരുന്ന പല പ്രമുഖ സിനിമകളിലും സീരീസുകളിലും എല്ലാം ഒരു കീ പ്രസ്സിൽ അല്ലെങ്കിൽ തുടരെ തുടരെ കീബോർഡ് പ്രസ്സിൽ തീർത്തും അനായാസമായി സാധിക്കുന്ന ഒന്നാണ് ഹാക്കിംഗ് എന്ന ഒരു മിഥ്യാധാരണ സൃഷ്ടിച്ചുവരുന്നു. ഇതിനെ പറ്റി ആധികാരികമായി അറിയുന്നവരോട് ചോദിച്ചാൽ മനസ്സിലാകും ഇത്തരം കാര്യങ്ങൾ ഒന്നും നിത്യജീവിതത്തിൽ ഈ രീതിയിൽ നടക്കില്ല എന്ന്. എന്നാൽ ഇതിനെ പറ്റി ധാരണ ഇല്ലാത്ത പലരും തട്ടിപ്പുകൾക്ക് അകപ്പെടാറുണ്ട്. ടെലിഗ്രാമിൽ ഉയർന്നുവരുന്ന ഒരു തട്ടിപ്പിനെ പറ്റി ചർച്ച ചെയ്യാൻ ആണ് ഈ പോസ്റ്റ്.
ഈ തട്ടിപ്പിനെ പറ്റി പറയുന്നതിന് മുൻപ് അറിഞ്ഞിരിക്കേണ്ട ഒന്നാണ് യൂസർബോട്ട്. പലർക്കും ഇതിനെ പറ്റി അറിയാമായിരിക്കും. അറിയാത്തവർക്കായി അതിനെപ്പറ്റി ഒന്ന് ചുരുക്കി പറയാം. Python പോലെ ഉള്ള പ്രോഗ്രാമിങ് ലാംഗ്വേജുകൾ ഉപയോഗിച്ച് ഒരു സെർവറിന്റെ സഹായത്താൽ ഒരു യൂസറുടെ പ്രവർത്തികൾ യാന്ത്രികമായി ചെയ്യാനോ ഒരു യൂസർക്ക് സാധിക്കാത്ത ചില പ്രവർത്തികൾ ചെയ്യാനോ സാധിക്കുന്ന ഒരു യൂസറെ ആണ് യൂസർബോട്ട് എന്ന് വിളിക്കുക. പുതുതായി ഗ്രൂപ്പിൽ ചേരുന്ന മെമ്പേഴ്സിനെ സ്വാഗതം ചെയ്യാനോ നേരത്തേ നിർവചിച്ച മെസ്സേജുകൾക്ക് സ്വമേധയാ മറുപടി നൽകാനോ എല്ലാം പലരും യൂസർബോട്ട് ഉപയോഗിക്കാറുണ്ട്. യൂസർബോട്ട് എന്താണെന്ന് മനസ്സിലായെങ്കിൽ മുകളിൽ പരാമർശിച്ച തട്ടിപ്പിലേക്ക് കടക്കാം.
സാധാരണയായി യൂസേഴ്സിന്റെ പിഎം ഇൽ ആണ് പൊതുവെ ഈ തട്ടിപ്പ് കണ്ടുവരുന്നത്. നേരത്തേ പറഞ്ഞ യൂസർബോട്ടുകളുടെ സഹായത്തോടെ ആണ് ഇത്തരം തട്ടിപ്പുകൾ നടത്തുന്നത്. താഴെ കാണിച്ചിരിക്കുന്ന വീഡിയോയിലെ പോലെ സാധാരണ ഒരു വ്യകതി എഡിറ്റ് ചെയ്യുന്നതിലും വേഗതയിൽ മെസ്സേജ് എഡിറ്റ് ചെയ്യാൻ പറ്റും. യൂസർബോട്ടിന്റെ ഇത്തരം സാധ്യതകൾ ഉപയോഗിച്ചാണ് ആളുകളെ പറ്റിക്കുന്നത്. ഒരുപാട് പേർക്ക് ഇത്തരം മെസ്സേജുകൾ വരുന്നുണ്ട് എന്ന് ശ്രദ്ധയിൽ പെട്ടതാണ് ഈ ഒരു പോസ്റ്റ് എഴുതാൻ പ്രേരിപ്പിച്ചത്.
Random Message Edit with UserBot
നമ്മുടെ പലരുടെയും ഒരു ഉറ്റ ചങ്ങാതി ആയിരിക്കും നമ്മുടെ സ്മാർട്ട് ഫോൺ. നമ്മളെ പറ്റി ആരെക്കാളും രഹസ്യങ്ങൾ നമ്മുടെ സ്മാർട്ട്ഫോണിന് അറിയുന്നുണ്ടാവാം. രാവിലെ ഉറക്കം കഴിഞ്ഞു എഴുന്നേൽക്കുന്നത് തൊട്ട് രാതി ഉറങ്ങാൻ പോവുന്നതിന് തൊട്ട് മുൻപ് വരെ നമ്മുടെ കയ്യിൽ ഫോൺ ഉണ്ടാവും. നമ്മൾ ദിവസവും ആരോടൊക്കെ സംസാരിക്കുന്നു എന്തൊക്കെ സംസാരിക്കുന്നു തുടങ്ങി നമ്മുടേതായ മറ്റൊരു ഒരു ലോകം തന്നെ നമ്മുടെ സ്മാർട്ട് ഫോണിനകത്തു ഉണ്ടാവാം. അതിനാൽ തന്നെ നമ്മുടെ ഫോണിനകത്തെ വിവരങ്ങൾ നമുക്ക് അങ്ങേയറ്റം പ്രധാനപ്പെട്ടതും രഹസ്യമായി സൂക്ഷിക്കേണ്ടവയും ആവാറുണ്ട്. നമ്മൾ മറ്റാരോടും പറയാൻ ആഗ്രഹിക്കാത്ത പലതും നമ്മുടെ ഫോണിൽ ഉണ്ടാകാം. നമ്മുടെ ഇത്തരം ഭയത്തെ ആണ് ഇത്തരം "സൊ കാൾഡ് ഹാക്കർസ്" മുതലെടുക്കുന്നത്. താഴെ കൊടുത്തിരിക്കുന്ന വിഡിയോകൾ ശ്രദ്ധിക്കൂ. മുകളിൽ പ്രതിപാദിച്ച പോലെ ഏതൊരു യൂസർക്കും ഒരു യൂസർബോട്ടിന്റെ സഹായത്താൽ ചെയ്യാവുന്ന ഒരു കാര്യം തന്നെ ആണ് ചെയ്തിരിക്കുന്നത്. ഹാക്കിങ് എന്ന് ഒരു മെസ്സേജ് അയച്ച് ആ മെസ്സേജ് തന്നെ പ്രോഗ്രസ്സ് ബാർ പോലെ പല തവണ എഡിറ്റ് ചെയ്തു മാറ്റുകയാണ് ചെയ്തിരിക്കുന്നത്. ഹാക്ക് ചെയ്തു എന്ന് കാണിച്ചു തരുന്ന പല വിവരങ്ങളും ഏതൊരാൾക്കും എടുക്കാൻ സാധിക്കുന്ന പബ്ലിക് ആയ വിവരങ്ങളാണ്. ഉദാഹരണത്തിന്, നിങ്ങളുടെ പേര്, നിങ്ങളുടെ യൂസർ ഐഡി, നിങ്ങളും ആയി പങ്കിടുന്ന ഗ്രുപ്പുകളുടെ എണ്ണം എന്നിവ.
ഇതേ തരത്തിൽ ഉള്ള മറ്റൊരു തട്ടിപ്പ് ആണ് നിങ്ങളുടെ WhatsApp ഡാറ്റാബേസ് അവർ തട്ടി എടുത്തു എന്നത്. WhatsApp ഡാറ്റാബേസ് തങ്ങളുടെ സർവരിലേക്ക് അപ്‌ലോഡ് ചെയ്യപ്പെട്ടു എന്നതാണ് ഈ മെസ്സേജ്. ഒറ്റനോട്ടത്തിൽ ഇതിനെപറ്റി ഒരു ധാരണ ഇല്ലാത്ത ഒരാൾക്ക് തങ്ങൾ ഹാക്ക് ചെയ്യപ്പെട്ടു എന്ന് തോന്നിപ്പിക്കും വിധം ആണ് ഈ തട്ടിപ്പുകൾ.
Telegram Database Hack Scam
WhatsApp Database Hack Scam
ഇത്തരം തട്ടിപ്പിന് ഇരയായവരിൽ നിന്നും "ഹാക്ക് ചെയ്യപ്പെട്ട വിവരങ്ങൾ" നീക്കം ചെയ്യാൻ പണം ആവശ്യപ്പെടുന്ന മെസ്സേജ് ഞങ്ങളുടെ ശ്രദ്ധയിൽപെട്ടു. ടെലിഗ്രാം ഉപയോഗിച്ച് നടത്തി വരുന്ന ഇത്തരം ചതിക്കുഴികളിൽ നിങ്ങളാരും വീഴാതിരിക്കുക.
ഒരുപക്ഷേ ടെലിഗ്രാം ഭാവിയിൽ ഇന്ത്യയിൽ ബാൻ ആവുക ആണെങ്കിൽ എങ്ങനെ ഉപയോഗിക്കാം എന്ന് ആലോചിച്ചിട്ടുണ്ടോ? ഇതിനായി പലവഴികൾ ഉണ്ട്. ആദ്യത്തേത് പലർക്കും അറിയാവുന്നത് പോലെ ഒരു VPN ഉപയോഗിക്കുക എന്നതാണ്. ഇന്ത്യയിൽ torrent പോലെ ഉള്ള പല websites ബ്ലോക്ക് ചെയ്തപ്പോഴും പലരും ഉപയോഗിച്ചത് ഈ വഴി തന്നെ ആണ്. എന്നാൽ ഈ VPN ഉകൾക്ക് ഒരു പ്രശ്നം ഉണ്ട്. മിക്കവയും പെയ്ഡ് ആണ്. അതായത് പൈസ കൊടുത്തു ഒരു അക്കൗണ്ട് തുടങ്ങിയാൽ മാത്രമേ നിങ്ങൾക്ക് അവ ഉപയോഗിക്കാനാവൂ. ചില VPN ഉകൾ സൗജന്യമായി തങ്ങളുടെ സേവനം നൽകുന്നുണ്ട്. എന്നാൽ ഒരുപാട് ഉപഭോക്താക്കൾ ഉള്ളത് കാരണം ഇത്തരം VPN ലേക്ക് കണക്ട് ചെയ്താൽ നമ്മുടെ ഇന്റർനെറ്റ് വേഗത തീർത്തും മന്ദഗതിയിൽ ആവാൻ സാധ്യത ഉണ്ട്.
പിന്നെ എന്താണ് വഴി? ഇതിനുള്ള ഉത്തരം ആണ് ടെലിഗ്രാം തന്നെ അവരുടെ ആപ്പിനകത്ത് തരുന്ന പ്രോക്സി എന്ന ഫീച്ചർ. ഈ ഒരു ഫീച്ചർ ഉപയോഗിച്ച് മറ്റു third-party ആപ്പുകളുടെ സഹായം ഇല്ലാതെ തന്നെ ബാൻ ആയ സ്ഥലങ്ങളിൽ നിന്നും ടെലിഗ്രാമിലേക്ക് കണക്ട് ചെയ്യാൻ സഹായിക്കുന്നു. ഈ ഫീച്ചർ എങ്ങനെ ഉപയോഗിക്കാം എന്ന് നോക്കാം.
ടെലിഗ്രാം പ്രോക്സി മൂന്ന് തരത്തിൽ ആണ് ഉള്ളത്. MTProto, SOCKS5, HTTP എന്നിവയാണ് അവ. ഇവ മൂന്നും തമ്മിൽ ഉള്ള പ്രധാന വ്യത്യാസം അവ ഉപയോഗിക്കുന്ന protocols അഥവാ നിയമങ്ങൾ തന്നെ ആണ്. MTProto എന്നത് ടെലിഗ്രാമിന് വേണ്ടി സ്ഥാപകരിൽ ഒരാളായ നിക്കോളായ് ഡ്യൂറോവ് നിർമിച്ചതും, SOCKS5 എന്നത് സാധാരണയായി VPN ഉപയോഗിക്കുന്നതും HTTP എന്നത് websites ഉപയോഗിക്കുന്നതും ആയ പ്രോട്ടോകോളുകൾ ആണ്. HTTP പ്രോക്സി നിലവിൽ Telegram Desktop ഇലും Telegram X ഇലും മാത്രമേ ലഭ്യമായിട്ടുള്ളൂ. ഏത് തരത്തിൽ ഉള്ള പ്രോക്സി ഉപയോഗിച്ചാലും ബാൻ ചെയ്തതിന് ശേഷവും ടെലിഗ്രാം ഉപയോഗിക്കാനാവും. ഇതിൽ ഓരോ പ്രോക്സിയും ലഭിക്കുന്നതിനായി പല വെബ്സൈറ്റുകളും ബോട്ടുകളും എല്ലാം ഉണ്ട്. അവയിൽ ചിലത് പരിചയപ്പെടുത്താം.
MTProto.xyz
ഈ വെബ്‌സൈറ്റിൽ MTProto പ്രോക്സിയും SOCKS5 പ്രോക്സിയും ലഭ്യമാണ്. MTProto പ്രോക്‌സിക്കായി https://mtpro.xyz/mtproto ലിങ്കിൽ പോയി ഏതെങ്കിലും ഒരു പ്രോക്സി select ചെയ്യുക. ഇപ്പോൾ ടെലിഗ്രാം ഓപ്പൺ ആയി വരും. താഴെ ഉള്ള connect ഞെക്കിയാൽ നിങ്ങൾ പ്രോക്‌സിയിലേക്ക് കണക്ട് ആവും. SOCKS5 പ്രോക്‌സിക്കായി https://mtpro.xyz/socks5 ലിങ്കിൽ പോയി ഇതേ പ്രക്രിയ തുടരുക. Screenshot താഴെ കൊടുക്കുന്നു.
Connecting to MTProto
freeproxylists, spys
ഈ 2 വെബ്സൈറ്റുകളിലും HTTP പ്രോക്‌സികൾ ലഭ്യമാണ്. ഇതിനായി http://www.freeproxylists.net/ അല്ലെങ്കിൽ https://spys.one/en/ website എടുക്കുക. അതിൽ നിന്നും കിട്ടുന്ന IP അഡ്രസ്സും port നമ്പറും ഓർത്തു വെക്കുക. ശേഷം താഴെ പറയുന്ന കാര്യങ്ങൾ ചെയ്യുക.
Telegram Desktop
Settings > Advanced > Connection Type > Use custom proxy
HTTP select ചെയ്യുക. ശേഷം website ഇൽ നിന്നും കിട്ടുന്ന IP അഡ്രസ്സും port നമ്പറും കൊടുത്ത് save ചെയ്യുക.
Connecting to HTTP Proxy in Telegram DesktopTelegram X
Settings > Data and Storage > Proxy > Add proxy
HTTP select ചെയ്യുക. ശേഷം website ഇൽ നിന്നും കിട്ടുന്ന IP അഡ്രസ്സും port നമ്പറും കൊടുത്ത് save ചെയ്യുക.
Bot ഇൽ പോയി start കൊടുക്കുക. ശേഷം Get Proxy കൊടുക്കുക. ഇപ്പോൾ നിങ്ങൾക്ക് ഒരു പ്രോക്സി ലഭിക്കും. Connect via URL വഴിയോ Connect button ഇൽ ഞെക്കിയോ പ്രോക്സി connect ചെയ്യുക
ബോട്ടുകൾ വഴി ലഭിക്കുന്ന പ്രോക്‌സികൾ ആവശ്യമെങ്കിൽ നേരത്തെ add ചെയ്തു വെക്കുക. അല്ലെങ്കിൽ ടെലിഗ്രാം ബാൻ ചെയ്താൽ ഇവ എടുക്കാൻ സാധിക്കില്ല.
മേൽപ്പറഞ്ഞ ബോട്ടുകൾ എല്ലാം ഒരുപാട് ഉപഭോക്താക്കൾ ഉള്ളതുകാരണം ലഭ്യത കുറയാൻ സാധ്യത ഉണ്ട്. കേരളഗ്രാം യുസേഴ്‌സിന് വേണ്ടി ടീം കേരളഗ്രാം ഒരു പ്രോക്സി സെർവർ host ചെയ്തിട്ടുണ്ട്. അതിലേക്ക് connect ചെയ്യുന്നതിനായി താഴെ ക്ലിക്ക് ചെയ്യുക
ടെലിഗ്രാമിനെ മറ്റ് മെസ്സേജിങ്ങ് ആപ്പുകളിൽ നിന്ന് വ്യത്യസ്തമാക്കുന്നതിൽ ഒന്ന് ഇതിലെ അനവധി ബോട്ടുകളാണ്. ഒരുപാട് ആപ്പുകൾ പല കാര്യങ്ങൾക്കായി ഇൻസ്റ്റാൾ ചെയ്യുന്നതിന് ഒരു അറുതി വരുത്താൻ ഈ ബോട്ടുകൾക്ക് കഴിഞിട്ടുണ്ട്. അതിനുദാഹരണമാണ് ജിമെയിൽ ബോട്ട്, യൂട്യൂബ് ഡൗൺലോഡെർ ബോട്ടുകൾ തുടങ്ങിയവ. എന്നാൽ ഈ ബോട്ടുകൾ എല്ലാം ടെലിഗ്രാം അക്കൗണ്ട് തുറന്നാൽ നമുക്ക് കിട്ടുന്നവയല്ല. ഓരോന്നും സെർച് ചെയ്ത് കണ്ട് പിടിക്കുകയൊ അതല്ലെങ്കിൽ മറ്റുള്ളവർ പറഞ്ഞ് അറിയുകയൊ വേണം.
ഇത് ബോട്ടുകൾ ആവശ്യക്കാരിലെക്ക് എത്താൻ ഒരു തടസ്സം ഉണ്ടാക്കുന്നുണ്ട്. ഓരോ ബോട്ടും നമ്മൾ ഉപയോഗിക്കുന്ന ഓരോ ആപ്പുകളുടെ ഫലമാണ് നമുക്ക് നൽകുന്നത് എന്നറിയാമല്ലൊ.. ആപ്പുകൾ തിരഞ്ഞ് എടുക്കാൻ App Store ഉം Play Store ഉം എല്ലാം ഉണ്ട്. എന്നാൽ ടെലിഗ്രാമിലെ ഈ ബോട്ടുകൾ തിരഞ്ഞെടുക്കാൻ ഒരു നല്ല മാർഗ്ഗമില്ല എന്ന് തന്നെയാണ് കരുതുന്നത്.
ചില ചാനലുകളും ബോട്ടുകളും ബോട്ട് സ്റ്റോർ ആയും മറ്റും ഉണ്ടെങ്കിലും തന്നെ ആകെ ബോട്ടുകളുടെ ഒരു കുറച്ച് ശതമാനം മാത്രമായിരിക്കും ഇതിൽ നിന്ന് ലഭിക്കുക. ടെലിഗ്രാം ഡെവലൊപ്മെന്റ് ടീം ഭാഗത്ത് നിന്ന് തന്നെ ടെലിഗ്രാം ബോട്ടുകൾ പബ്ലിഷ് ചെയ്യാനും അവ Category ആക്കുവാനും rating നൽകാനും ഒരു മാർഗ്ഗം ഉണ്ടായിരുന്നെങ്കിൽ Playstore ൽ നിന്ന് ആപ് തിരഞ്ഞെടുക്കുന്ന പോലെ സുഖമായിരുന്നു ബോട്ടുകൾ തിരഞ്ഞെടുക്കുന്നതും. @storebot ഇതിന് വേണ്ടി ടെലിഗ്രാം ടീം തന്നെ നിർമ്മിച്ചതാണൊ എന്നറിയില്ല.എന്തായാലും ആ ബോട്ട് നിലവിൽ വർക്കിംഗ് അല്ല.
അപ്പോൾ പറഞ്ഞ് വരുന്നത് ടെലിഗ്രാമിൽ ബോട്ടുകൾ കണ്ടെത്തുന്നത് ഒരു ആവശ്യമായ സംഗതി തന്നെയാണ്. ടെലിഗ്രാമിന്റെ ഭാഗത്ത് നിന്നും അത്തരം ഒരു നീക്കം ഉണ്ടാവാട്ടെ എന്ന് നമുക്ക് ആശംസിക്കാം.
ടെലിഗ്രാം ബോട്ടുകൾ Category ആക്കി അവ തിരഞ്ഞ് കണ്ട് പിടിക്കാൻ സഹായിക്കുന്ന ഒരു ആൻഡ്രോയ്ഡ് ആപ് InFoTel പുറത്തിറക്കിയിട്ടുണ്ട്. തിരഞ്ഞ് കണ്ട് പിടിക്കുന്നതിന് പുറമേ പുതിയ ബോട്ടുകൾ ആഡ് ചെയ്യാനും ആപിൽ സാധിക്കും. ബോട്ടുകൾ കണ്ട് പിടിക്കാൻ ഒരു ഒഫീഷ്യൽ മാർഗ്ഗം നിലവിൽ ഇല്ലാത്തത് കൊണ്ട് പലർക്കും ഇത് സഹായകരമായേക്കും. ടെലിഗ്രാമിനെ കുറിച്ച് കൂടുതൽ അറിയാത്തവർക്ക് ആയിരിക്കും ആപ് കൂടുതൽ ഉപകാരപ്പെടുക. ബോട്ട് കണ്ടെത്താൻ മറ്റ് ചാനലുകളും ബോട്ടുകളും തിരഞ്ഞ് കണ്ട് പിടിക്കണ്ട. നേരെ Play Store ൽ കയറി ആപ് ഡൗൺലോഡ് ചെയ്താൽ മതിയാകും. താഴെ ഈ ആപ് ഡൗൺലോഡ് ചെയ്യാനുള്ള ലിങ്ക് നൽകുന്നുണ്ട്.
ബോട്ടുകൾ തിരഞ്ഞ് നടക്കുന്നവർക്ക് ഒരു സഹായമായൊട്ടെ എന്ന് കരുതി എഴുതിയ ഒരു ചെറിയ പോസ്റ്റ് ആണിത്. നിങ്ങളുടെ പുതിയ ടെലിഗ്രാം സുഹൃത്തുക്കളിലേക്ക് ഷെയർ ചെയ്ത് എത്തിക്കുമല്ലൊ...
Telegram core
Account self destruction
Pc
