ടെലഗ്രാമിന്റെ പുതിയ അപ്‌ഡേറ്റ്: ഏറ്റവും സുരക്ഷിതമായ ഗ്രൂപ്പ് കോളുകൾ ഇനി നിങ്ങളുടെ കൈവശം!

2025-ലെ ടെക്നോളജി ലോകത്ത് സുരക്ഷയാണ് രാജാവ്. ടെലഗ്രാമിന്റെ ഏറ്റവും പുതിയ അപ്‌ഡേറ്റിൽ നിന്നും അതിന്റെ തെളിവ് കാണാം. ഇനി മുതൽ, ടെലഗ്രാം ഗ്രൂപ്പ് കോളുകൾ വെറും end-to-end encryption കൊണ്ട് മാത്രമല്ല — blockchain പോലെയുള്ള സുരക്ഷാ സാങ്കേതികവിദ്യ ഉപയോഗിച്ച് പൂർണ്ണമായി സംരക്ഷിതമാണ്!

ആരും രഹസ്യമായി കേൾക്കാൻ പറ്റില്ല!
ഇനി ഒരാളും രഹസ്യമായി ഗ്രൂപ്പ് കോൾ കേൾക്കാനാവില്ല. ടെലഗ്രാം ഇതിനായി ഉപയോഗിക്കുന്ന പുതിയ സാങ്കേതികവിദ്യകൾ ഇത് ഉറപ്പാക്കുന്നു. ഇത് സ്വകാര്യതയ്ക്കും പരസ്പര വിശ്വാസത്തിനും പുതിയ നിലവാരമാണ്.

200 അംഗങ്ങൾ വരെ ഒരേ കോളിൽ!
ഇനി നിങ്ങൾക്ക് ഒരേ ഗ്രൂപ്പ് കോൾക്ക് 200 പേർവരെ കൂട്ടാം — അതും ലിങ്കുകൾ, QR കോഡുകൾ, അല്ലെങ്കിൽ നേരിട്ടുള്ള ക്ഷണങ്ങളിലൂടെ!

അതിന് മേലും ആവശ്യമുണ്ടോ?

"Voice Chats" വഴി പതിനായിരങ്ങൾക്കൊപ്പം!
ബഹുഭൂരിപക്ഷ ഗ്രൂപ്പുകൾക്കായി, ടെലഗ്രാമിന്റെ Voice & Video Chats ഉപയോഗിച്ച് പതിനായിരങ്ങൾ വരെ ആളുകളെ ഒരേസമയം കൂട്ടാം! പൊതുവായ ചർച്ചകൾക്കും, ലൈവ് ഷോകൾക്കും, പബ്ലിക് മീറ്റിംഗുകൾക്കും ഇത് അത്യന്തം ഉപയോഗപ്രദമാണ്.

കൂടുതൽ വിവരങ്ങൾക്ക്:
ഗ്രൂപ്പ് കോളുകൾ എളുപ്പത്തിൽ
ഗ്രൂപ്പ് വീഡിയോ കോളുകൾ

നമ്മുടെ സ്വകാര്യത ഉറപ്പുള്ളതു മാത്രമല്ല — ഗ്രൂപ്പ് ബന്ധങ്ങൾക്കും പുതിയ മാർഗങ്ങൾ തുറക്കുന്നു. ടെലഗ്രാമിന്റെ ഈ കുതിപ്പുകൾ നിങ്ങൾക്ക് ഇഷ്ടമായോ? താഴെ കമന്റ് ചെയ്യൂ!

നീറ്റ് പരീക്ഷയുമായി ബന്ധപ്പെട്ട് തെറ്റായ പ്രചാരണം; 106 ടെലിഗ്രാം അക്കൗണ്ടുകൾ കണ്ടെത്തി

ന്യൂഡൽഹി: നീറ്റ് യുജി പരീക്ഷയുമായി ബന്ധപ്പെട്ട തെറ്റായ വിവരങ്ങൾ പ്രചരിപ്പിക്കുന്ന 106 ടെലിഗ്രാം അക്കൗണ്ടുകളും 16 ഇൻസ്റ്റാഗ്രാം അക്കൗണ്ടുകളും നാഷനൽ ടെസ്റ്റിങ് ഏജൻസി (എൻ‌ടി‌എ) കണ്ടെത്തിയതായി വിവരം. ചോദ്യപേപ്പർ ചോർന്നെന്നും മറ്റുമുള്ള ഓൺലൈനിൽ പ്രചരിക്കുന്ന തെറ്റിദ്ധരിപ്പിക്കുന്ന വിവരങ്ങൾ‌ സംബന്ധിച്ച ആശങ്കകൾ വർധിച്ചുവരുന്ന സാഹചര്യത്തിലാണ് പരിശോധന നടന്നത്. ആഭ്യന്തര മന്ത്രാലയത്തിനു കീഴിലുള്ള സൈബർ ക്രൈം കോർഡിനേഷൻ സെന്ററാണ് വിഷയം അന്വേഷിക്കുന്നത്.

നേരത്തെ, നീറ്റുമായി ബന്ധപ്പെട്ട വ്യാജ പ്രചാരണങ്ങൾ നടത്തുന്ന വ്യക്തികളെ സംബന്ധിച്ച് അറിയിപ്പ് നൽകാൻ പൊതുജനങ്ങളോട് അഭ്യർഥിച്ച് എൻ‌ടി‌എ ഒരു പ്രത്യേക പോർട്ടൽ ആരംഭിച്ചിരുന്നു. ഇതുവരെ, ഏകദേശം 1,500 റിപ്പോർട്ടുകൾ ലഭിച്ചിട്ടുണ്ട്. അവയിൽ ഭൂരിപക്ഷവും ടെലിഗ്രാം ചാനലുകളുമായി ബന്ധിപ്പെട്ടുള്ളതാണ്. സംശയാസ്പദമായ കാര്യങ്ങൾ നാലാം തീയതി വൈകീട്ട് 5 മണിവരെ റിപ്പോർട്ട് ചെയ്യാം.

നൂറു കോടി ഉപഭോക്താക്കളുമായി ടെലിഗ്രാം

മെസേജിങ് ആപ്ലിക്കേഷനായ ടെലഗ്രാമിന്റെ ജനപ്രീതി അതിവേഗം വര്‍ധിക്കുന്നതായി അവകാശപ്പെട്ട് കമ്പനി. ടെലഗ്രാം കാട്ടുതീ പോലെ പ്രചരിക്കുകയാണെന്നും ഒരു വര്‍ഷം കൊണ്ട് ടെലഗ്രാമിന്റെ പ്രതിമാസ സജീവ ഉപഭോക്താക്കളുടെ എണ്ണം 100 കോടി കടക്കുമെന്നും ഒരു യുഎസ് മാധ്യമപ്രവര്‍ത്തകന് നല്‍കിയ അഭിമുഖത്തില്‍ ടെലഗ്രാം സ്ഥാപകനായ പാവെല്‍ ദുരോവ് പറഞ്ഞു.

ദുബായ് ആസ്ഥാനമായി പ്രവര്‍ത്തിക്കുന്ന സോഷ്യൽ മീഡിയാ സേവനമാണ് ടെലഗ്രാം. റഷ്യന്‍ സോഷ്യല്‍ മീഡിയാ വെബ്‌സൈറ്റായ വികെയുടെ സഹസ്ഥാപകനാണ് പാവെല്‍ ദുരോവ്. വികെയെ റഷ്യന്‍ ഭരണകൂടം ഏറ്റെടുത്തതോടെ പാവെല്‍ ദുരോവും സഹസ്ഥാപകനായ സഹോദരന്‍ നികോളായും വികെ വിട്ടു.

2013 ലാണ് ടെലഗ്രാമിന് തുടക്കമിട്ടത്. റഷ്യയില്‍ ഏറെ സ്വീകാര്യതയുള്ള മെസേജിങ് ആപ്ലിക്കേഷനായിരുന്നു ടെലഗ്രാം. സോവിയറ്റ് യൂണിയനില്‍ നിന്ന് വേര്‍പെട്ട രാജ്യങ്ങളില്‍ ഇപ്പോഴും വലിയ സ്വാധീനം ടെലഗ്രാമിനുണ്ട്.

ടെലഗ്രാമിലെ പ്രതിപക്ഷ അക്കൗണ്ടുകള്‍ നീക്കം ചെയ്യാനുള്ള സര്‍ക്കാരിന്റെ സമ്മര്‍ദ്ദം അംഗീകരിക്കാത്ത ദുരോവ് റഷ്യ വിടുകയായിരുന്നു. ബ്രിട്ടീഷ് വിര്‍ജിന്‍ ഐലന്റ്‌സിലും ദുബായിലും കമ്പനിയായി രജിസ്റ്റര്‍ ചെയ്ത ടെലഗ്രാമിന്റെ അണിയറ പ്രവര്‍ത്തകര്‍ ഭരണകൂട സ്വാധീനത്തെ മറികടക്കാന്‍ ലോകത്തിന്റെ പലഭാഗങ്ങളില്‍ മാറി മാറിയാണ് പ്രവര്‍ത്തിച്ചുവരുന്നത്.

ഫോര്‍ബ്‌സിന്റെ കണക്കനുസരിച്ച് 1550 കോടിയുടെ ആസ്തിയുള്ള വ്യവസായിയാണ് പാവെല്‍ ദുരോവ്. പല ഭരണകൂടങ്ങളും തന്നെ സമ്മര്‍ദ്ദം ചെലുത്താന്‍ ശ്രമിച്ചിരുന്നുവെന്ന് അദ്ദേഹം പറഞ്ഞു. 90 കോടി പ്രതിമാസ സജീവ ഉപഭോക്താക്കളുണ്ട് ടെലഗ്രാമിന്. രാഷ്ട്രീയത്തില്‍ പങ്കാളിയാകാതെ നിഷ്പക്ഷ പ്ലാറ്റ്‌ഫോമായി ടെലഗ്രാം തുടരുമെന്നും അദ്ദേഹം പറഞ്ഞു.

ടെലഗ്രാമിന്റെ ഏറ്റവും വലിയ എതിരാളിയാണ് മെറ്റ പ്ലാറ്റ്‌ഫോംസിന്റെ വാട്‌സാപ്പ്. 200 കോടിയിലേറെ സജീവ ഉപഭോക്താക്കളാണ് ആഗോളതലത്തില്‍ വാട്‌സാപ്പിനുള്ളത്. ഫേസ്ബുക്ക്, യൂട്യൂബ്, വാട്‌സാപ്പ്, ഇന്‍സ്റ്റാഗ്രാം, ടിക് ടോക്ക്, വീചാറ്റ് എന്നിവ കഴിഞ്ഞാല്‍ ഏറ്റവും ജനപ്രീതിയുള്ള സോഷ്യല്‍ മീഡിയാ പ്ലാറ്റ്‌ഫോമാണ് വീചാറ്റ്.

ആപ്പിളും ഗൂഗിളും സർക്കാരുകളെക്കാൾ അപകടകരമാണെന്ന് ടെലിഗ്രാം സ്ഥാപകൻ പവൽ ദുറോവ്

ആപ്പിളും ഗൂഗിളും സർക്കാരുകളെക്കാൾ അപകടകരമാണെന്ന് ടെലിഗ്രാം സ്ഥാപകൻ പവൽ ദുറോവ്. ഒരാൾക്ക് വായിക്കാൻ കഴിയുന്നതെന്തും ആപ്പിളിനും ഗൂഗിളിനും സെൻസർ ചെയ്യാൻ കഴിയുമെന്നും സ്‍മാർട്ട് ഫോൺ ആക്സസ് ചെയ്യാൻ കഴിയുമെന്നും അദ്ദേഹം പറഞ്ഞു. ടക്കർ കാൾസണോട് ഒരു അഭിമുഖത്തിൽ സംസാരിക്കുകയായിരുന്നു പവൽ ദുറോവ്.

ഗവണ്മെന്റ് ചെലുത്തുന്നതിനേക്കാൾ ശക്തമായ സമ്മർദമാണ് ടെക് ഭീകരന്മാരിൽ നിന്നുണ്ടാകുന്നതെന്നും അദ്ദേഹം അഭിപ്രായപ്പെട്ടു. 2021 ജനുവരിയിൽ യു.എസ് ക്യാപ്പിറ്റലിൽ നടന്ന കലാപത്തിനുശേഷം ഡെമോക്രാറ്റിക് റിപ്പബ്ലിക്കൻ പാർട്ടികളിൽ നിന്ന് തനിക്ക് ഇതിനെക്കുറിച്ച് മുന്നറിയിപ്പ്‌ ലഭിച്ചിരുന്നെന്നും ഡുറോവ് പറയുന്നു.

ദുബായിലെ ഓഫീസിൽ വച്ചു നടന്ന ചർച്ചയുടെ പൂർണ്ണരൂപം ബുധനാഴ്ചയാണ് പുറത്തിറങ്ങിയത്. ടക്കർ കാൾസണിന്റെ ചോദ്യത്തിന് 900 മില്യൺ ടെലിഗ്രാം ഉപഭോക്താക്കൾ ഇന്ന് നിലവിലുണ്ടെന്ന് അദ്ദേഹം ആവകാശപ്പെട്ടു.

ജനുവരിയിലെ സംഭവങ്ങൾക്ക് ശേഷം, ഡെമോക്രാറ്റിക് പാർട്ടിയിൽ നിന്നുള്ള ഒരാളിൽ നിന്ന് തനിക്ക് ഒരു കത്ത് ലഭിച്ചെന്നും ‘പ്രക്ഷോഭം’ എന്ന് പറയുന്നതുമായി ബന്ധപ്പെട്ട് തങ്ങളുടെ കയ്യിലുള്ള എല്ലാ ഡാറ്റകളും പങ്കിടാൻ അവർ അഭ്യർത്ഥിച്ചെന്നും അദ്ദേഹം പറഞ്ഞു.

തന്റെ സംഘം കത്ത് പരിശോധിച്ചെന്നും അത് വളരെ ഗൗരവമുള്ളതായി തോന്നിയെന്നും ദുറോവ് പറയുന്നു. ഈ അഭ്യർത്ഥന പാലിക്കുന്നതിൽ നിങ്ങൾ പരാജയപ്പെട്ടാൽ അത് യു.എസ് ഭരണഘടനയെ ലംഘിക്കുന്നതിന് തുല്യമാണ്. ആ കത്ത് കിട്ടി രണ്ടാഴ്ച്ചക്ക് ശേഷം റിപ്പബ്ലിക്കൻ പാർട്ടിയിൽ നിന്ന് മറ്റൊരു കത്ത് കിട്ടിയെന്നും ഡെമോക്രാറ്റുകൾക്ക് ഡാറ്റകൾ നൽകിയാൽ അത് യു. എസ് ലംഘനമാകുമെന്ന് അതിൽ പറഞ്ഞെന്നും അദ്ദേഹം പറഞ്ഞു.

എന്നാൽ, ടെക് ഭീകരന്മാരായ ആപ്പിൾ, ഗൂഗിൾ എന്നിവയിൽ നിന്നാണ് കൂടുതൽ സമ്മർദ്ദം ഉണ്ടാവുന്നതെന്ന് ഡുറോവ് പറയുന്നു.

സർക്കാരുകളിൽ നിന്നല്ല ഏറ്റവും വലിയ സമ്മർദ്ദം വരുന്നതെന്ന് ഞാൻ പറയും. അത് ആപ്പിളിൽ നിന്നും ഗൂഗിളിൽ നിന്നുമാണ്. സംസാരിക്കാനുള്ള സ്വാതന്ത്ര്യത്തിലേക്ക് വരുമ്പോൾ ആപ്പിളും ഗൂഗിളും അടിസ്ഥാനപരമായി നിങ്ങൾക്ക് വായിക്കാനാകുന്നതെന്തും സെൻസർ ചെയ്യുന്നതോടൊപ്പം നിങ്ങളുടെ സ്മാർട്ട് ഫോൺ ആക്സസ് ചെയ്യുകയും ചെയ്യുന്നു, - ഡുറോവ് പറഞ്ഞു.

ബിസിനസ് വളര്‍ത്താന്‍ ഇനി ടെലിഗ്രാം

ജനപ്രിയ സന്ദേശമയയ്ക്കല്‍ സേവനമായ ടെലിഗ്രാം, ഏതൊരു ഉപയോക്താവിനും അവരുടെ അക്കൗണ്ട് ഒരു ബിസിനസ് അക്കൗണ്ടാക്കി മാറ്റാന്‍ അനുവദിക്കുന്ന പുതിയ ഫീച്ചറുകള്‍ അവതരിപ്പിച്ചു. പ്രവര്‍ത്തന സമയവും ലൊക്കേഷനും ക്രമീകരിക്കുക, തുടക്കപേജ് ഇഷ്ടാനുസൃതമാക്കുക, പെട്ടെന്നുള്ള മറുപടികള്‍ സൃഷ്ടിക്കുക, ആശംസകളും എവേ സന്ദേശങ്ങളും സജ്ജീകരിക്കുക എന്നിവ ഈ സവിശേഷതകളില്‍ ഉള്‍പ്പെടുന്നു.

ഉപയോക്താക്കള്‍ക്ക് ബിസിനസ്സുമായി നേരിട്ട് ചാറ്റ് ചെയ്യുന്ന ലിങ്കുകള്‍ സൃഷ്ടിക്കാന്‍ കഴിയും, ഈ ലിങ്കുകള്‍ ടെലിഗ്രാമിന് അകത്തും പുറത്തും ഉപയോഗിക്കാം. ബിസിനസുകള്‍ക്ക് അവരുടെ പേരില്‍ സന്ദേശങ്ങള്‍ പ്രോസസ്സ് ചെയ്യാനും ഉത്തരം നല്‍കാനും ടെലിഗ്രാം ബോട്ടുകളെ ബന്ധിപ്പിക്കാനും കഴിയും. നിലവില്‍, എല്ലാ ടെലിഗ്രാം ബിസിനസ് ഫീച്ചറുകളും പ്രീമിയം വരിക്കാര്‍ക്ക് സൗജന്യമായി ലഭ്യമാണ്.

ബിസിനസ്സുകള്‍ക്ക് അവരുടെ പ്രവര്‍ത്തന സമയം പ്രദര്‍ശിപ്പിക്കാനും ഒരു മാപ്പില്‍ അവരുടെ ലൊക്കേഷന്‍ കൃത്യമായി ചൂണ്ടിക്കാണിക്കാനും കഴിയും, ഇത് ഉപഭോക്താക്കള്‍ക്ക് അവരെ കണ്ടെത്തുന്നതും അവ പ്രവര്‍ത്തിക്കുന്ന സമയം അറിയുന്നതും എളുപ്പമാക്കുന്നു.

പുതിയ ചാറ്റുകള്‍ക്കായുള്ള ഇഷ്ടാനുസൃതമാക്കാവുന്ന ആദ്യ പേജ്, തുടക്കത്തില്‍ തന്നെ ഉല്‍പ്പന്നങ്ങളോ സേവനങ്ങളോ പ്രദര്‍ശിപ്പിക്കുന്ന, അനുയോജ്യമായ ടെക്സ്റ്റ്, സ്റ്റിക്കറുകള്‍ അല്ലെങ്കില്‍ ബ്രാന്‍ഡഡ് കലാസൃഷ്ടികള്‍ എന്നിവ ഉപയോഗിച്ച് ഉപഭോക്താക്കളെ അഭിവാദ്യം ചെയ്യാന്‍ ബിസിനസ്സുകളെ അനുവദിക്കും.

പ്രീസെറ്റ് സന്ദേശങ്ങള്‍ അയയ്ക്കുന്നതിനുള്ള കുറുക്കുവഴികള്‍ സൃഷ്ടിക്കാനും ഇതിനു കഴിയും.അതില്‍ ടെക്സ്റ്റ് ഫോര്‍മാറ്റിംഗ്, ലിങ്കുകള്‍, സ്റ്റിക്കറുകള്‍, മീഡിയ, ഫയലുകള്‍ എന്നിവ ഉള്‍പ്പെടാം. അത്വഴി ഉപഭോക്തൃ ആശയവിനിമയം കാര്യക്ഷമമാക്കുന്നു. കൂടാതെ സ്വയമേവയുള്ള ആശംസാ സന്ദേശങ്ങള്‍ പുതിയ കോണ്‍ടാക്റ്റുകളെ സ്വാഗതം ചെയ്യും. അതേസമയം എവേ സന്ദേശങ്ങള്‍ ബിസിനസ്സ് അടച്ചുപൂട്ടലുകളെക്കുറിച്ചോ അവധിക്കാലത്തെക്കുറിച്ചോ ഉപഭോക്താക്കളെ അറിയിക്കുന്നു, തുടര്‍ച്ചയായ ആശയവിനിമയം ഉറപ്പാക്കുന്നു.

ബിസിനസ്സുകള്‍ക്ക് ക്യുആര്‍ കോഡുകളോ വെബ്സൈറ്റ് ബട്ടണുകളോ പോലുള്ള നേരിട്ടുള്ള ചാറ്റ് ലിങ്കുകള്‍ ഇതില്‍ സൃഷ്ടിക്കാന്‍ കഴിയും, ഇത് ഉപഭോക്താക്കള്‍ക്ക് സംഭാഷണങ്ങള്‍ ആരംഭിക്കുന്നത് എളുപ്പമാക്കുന്നു. കൂടാതെ ബിസിനസ്സിനായുള്ള ചാറ്റ്‌ബോട്ടുകളുടെ സേവനവും ലഭ്യമാകും.

ടെ​ലി​ഗ്രാ​മി​ൽ പാ​ർ​ട് ടൈം​ ജോലി വാഗ്ദാനം; നാവിക ഉദ്യോഗസ്ഥന് നഷ്ടമായത് 17.30 ലക്ഷം

കണ്ണൂർ: ടെലിഗ്രാമിൽ പാർട് ടൈമായി ജോലി വാഗ്ദാനം ചെയ്ത് പണം സമ്പാദിക്കാമെന്ന സന്ദേശം എത്തിയപ്പോൾ അവരുമായി സംസാരിച്ച ഇന്ത്യൻ നാവിക ഉദ്യോഗസ്ഥന് 17,30,300 രൂപ നഷ്ടമായി. നിങ്ങൾ എത്ര രൂപയാണ് നിക്ഷേപിക്കുന്നത് അതിന് അനുസരിച്ച് ഉയർന്ന ലാഭം തിരികെ ലഭിക്കുമെന്നാണ് വാഗ്ദാനം നൽകിരുന്നത്. പണം നിങ്ങൾക്ക് തന്നെ തിരിച്ചു കിട്ടും എന്ന പറഞ്ഞാണ് ഉദ്യോഗസ്ഥനെ തട്ടിപ്പിന് ഇരയാക്കിയത്.

സമാനമായ രീതിയിൽ മറ്റൊരു പരാതിയും എത്തിയിട്ടുണ്ട്. എടക്കാട് സ്വദേശിക്ക് ഓൺലൈൻ തട്ടിപ്പിലൂടെ 39,100 രൂപയാണ് നഷ്ടമായത്. എസ്.ബി.ഐ ബാങ്ക് അക്കൗണ്ട് സസ്പെൻഡ് ചെയ്യാതിരിക്കുകയാണ്. കെ.വൈ.സി വെരിഫിക്കേഷൻ ചെയ്യണം. അതിനായി ലിങ്കിൽ ക്ലിക്ക് ചെയ്‌ത്‌ നെറ്റ് ബാങ്കിങ് യൂസർ നെയിം, പാസ് വേഡ്‌ എന്നിവയും ഒ.ടി.പിയും നൽകണം എന്നാണ് നിർദേശം കിട്ടിയത്. യുവാവ് അതിന് അനുസരിച്ച് ലിങ്കിൽ കയറി വിവരങ്ങൾ നൽകി. ഇൻസ്റ്റഗ്രാം, ടെലിഗ്രാം തുടങ്ങിയ അപ്ലിക്കേഷൻ വഴിയാണ് ഇത്തരത്തിലുള്ള ജാഗ്രത നിർദേശം എത്തുന്നത്. സൈബർ കുറ്റകൃത്യങ്ങളെ കുറിച്ച് ജാഗ്രത പുലർത്തണം.

ടെലിഗ്രാം വഴി ചെറിയ ടാസ്‌കുകൾ പൂർത്തീകരിച്ച് 150 മുതൽ 600 രൂപ നൽകി വിശ്വാസം ആർജിച്ചു; ബിസിനസുകാരനിൽ നിന്ന് 43ലക്ഷം തട്ടിയ പ്രതികൾ പിടിയിൽ

കോഴിക്കോട്: എത്ര തന്നെ വാർത്ത വന്നാലും പിന്നെയും പിന്നെയും മലയാളി പെടുന്ന ഒന്നാണ് ഓൺലൈൻ തട്ടിപ്പുകൾ. ഇപ്പോഴിതാ ടെലിഗ്രാമിലുടെ ബിസിനസുകാരനിൽ നിന്ന് 43 ലക്ഷം രൂപ തട്ടിയെടുത്ത വാർത്തയാണ് കോഴിക്കോടുനിന്ന് പുറത്തുവരുന്നത്. കേസിൽ മൂന്ന് പേരെ നടക്കാവ് പൊലീസ് അറസ്റ്റ് ചെയ്തു. പാലക്കാട് ജില്ലയിലെ പറക്കുളം സ്വദേശികളായ ചോലയിൽ മുഹമ്മദ് മുസ്തഫ (23), ചോലയിൽ വീട്ടിൽ യൂസഫ് സിദ്ദിഖ് (23) തിരുവനന്തപുരം കഴക്കൂട്ടം സ്വദേശി വെള്ളം കുഴിവീട്ടിൽ മുഹമ്മദ് അർഷക് (21) എന്നിവരാണ് കോഴിക്കോട് നടക്കാവ് പൊലീസിന്റെ പിടിയിലായത്.

എരഞ്ഞിപ്പാലം സ്വദേശിയെ പ്രതികൾ വെൽവാല്യു ഇന്ത്യ എന്ന വാട്സ് ആപ്പ് ഗ്രൂപ്പിൽ അംഗമാക്കുകയും നിരന്തരമായി മെസേജുകൾ അയച്ച് സോഷ്യൽ മീഡിയ അപ്ലിക്കേഷനായ ടെലഗ്രാമിൽ ഗൂഗിൾ മാപ്സ് റിവ്യു വി ഐ പി എന്ന ഗ്രൂപ്പിൽ തെറ്റിദ്ധരിപ്പിച്ച് ചേർക്കുകയുമായിരുന്നു. വിവിധ ടാസ്‌കുകൾ ചെയ്യാൻ ആവശ്യപ്പെടുകയും ഇതിന് പ്രതിഫലം ലഭിക്കുമെന്ന് തെറ്റിദ്ധരിപ്പിച്ച് വിവിധ ബാങ്ക് അക്കൗണ്ടുകൾ വഴി പരാതിക്കാരന്റെ 43 ലക്ഷം രൂപ ചതിയിലൂടെ കൈക്കലാക്കുകയുമായിരുന്നു.

പ്രതികൾ രൂപീകരിച്ച വാട്സ് ആപ്പ് ഗ്രൂപ്പിൽ അംഗമായ പരാതിക്കാരൻ ഗ്രൂപ്പിൽ വരുന്ന ലിങ്കിൽ ക്ലിക്ക് ചെയ്ത് ടെലഗ്രാം അപ്ലിക്കേഷൻ ഗ്രൂപ്പിൽ അംഗമാവുയും ചെയ്തു. തുടർന്ന് ചെറിയ ടാസ്‌കുകൾ സമയബന്ധിതമായി പൂർത്തീകരിച്ച് നൽകുന്നതിന് 150 രൂപ മുതൽ 600 രൂപ വരെ പ്രതികൾ പരാതിക്കാരന് പ്രതിഫലം നൽകുകയും ചെയ്തു. ഇത്തരത്തിൽ പരാതിക്കാരന്റെ വിശ്വാസം നേടിയെടുത്ത് കൂടുതൽ പണം ലഭിക്കുന്ന ടാസ്‌കുകൾ ചെയ്യുവാൻ പ്രേരിപ്പിക്കുകയും ചെയ്തു.

ഈ ടാസ്‌കുകൾ ലഭിക്കുവാൻ അഡ്വാൻസ് പേമെന്റ് ചെയ്യേണ്ടതുണ്ടെന്ന് വിശ്വസിപ്പിച്ച് വിവിധ അക്കൗണ്ടുകളിലേക്ക് പരാതിക്കാരനെ കൊണ്ട് പണം അടപ്പിക്കുകയും ടാസ്‌കുകൾ ചെയ്തു നൽകുമ്പോൾ പ്രതിഫലം ട്രേഡിങ് അക്കൗണ്ടിൽ ബാലൻസായി കാണിക്കുകയും ചെയ്തു. ട്രേഡിങ് അക്കൗണ്ടിലെ ബാലൻസ് തുക പിൻവലിക്കാൻ സാധിക്കാതെ വന്നപ്പോൾ പണം പിൻവലിക്കുന്നതിന് ട്രേഡിങ് അക്കൗണ്ട് ബാലൻസ് വലിയ തുകയായി ഉയർത്തേണ്ടുതെന്ന് പറഞ്ഞ് കബളിപ്പിച്ച് 43 ലക്ഷത്തോളം രൂപ വിവിധ ഘട്ടങ്ങളിലായി തട്ടിയെടുക്കുകയായിരുന്നു.

ഓൺലൈൻ ട്രേഡിങ് വഴി ഒരു അധിക വരുമാനം ഉണ്ടാക്കാം എന്ന പരാതിക്കാരന്റെ ചിന്തയെ ചൂഷണം ചെയ്ത് കുറ്റകരമായ സമ്പാദ്യം ഉണ്ടാക്കിയ കേസിലാണ് പ്രതികളെ അറസ്റ്റ് ചെയ്തതെന്ന് നടക്കാവ് പൊലീസ് അറിയിച്ചു. കേസിൽ കൂടുതൽ പ്രതികൾ പിടിയിലാവാനുണ്ടെന്നും അന്വേഷണം തുടരുന്നതായും നടക്കാവ് പൊലീസ് ഇൻസ്പെക്ടർ ജിജോ എം ജെ അറിയിച്ചു. നടക്കാവ് പൊലീസ് സ്റ്റേഷനിലെ ഇൻസ്പെക്ടർ ജിജോ എം ജെ, സബ് ഇൻസ്പെക്ടർമാരായ ബിനു മോഹൻ, ശശികുമാർ, സീനിയർ സിവിൽ പൊലീസ് ഓഫീസർമാരായ ശ്രീകാന്ത്, മോഹൻദാസ്, ഷിജിത്ത് എന്നിവർ അടങ്ങിയ സംഘമാണ് പ്രതികളെ പിടികൂടിയത്. കോഴിക്കോട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് നാലാം കോടതിയിൽ ഹാജരാക്കിയ പ്രതികളെ 14 ദിവസത്തേക്ക് ജുഡീഷ്യൽ കസ്റ്റഡിയിൽ റിമാന്റ് ചെയ്തു.

ഓൺലൈൻ വഴിയുള്ള സാമ്പത്തിക കുറ്റകൃത്യങ്ങൾ വലിയ തോതിൽ വർധിച്ചുവരുന്ന സാഹചര്യത്തിൽ ജാഗ്രത പാലിക്കണമെന്ന് നടക്കാവ് പൊലീസ് അറിയിച്ചു. ഓൺലൈൻ വഴി സാമ്പത്തിക ഇടപാട് നടത്തുന്ന എല്ലാവരിലും ഓൺലൈൻ കുറ്റകൃത്യങ്ങളെക്കുറിച്ച് കൃത്യമായ അവബോധം ഉണ്ടാകേണ്ടതുണ്ട്. ഏതെങ്കിലും ഘട്ടത്തിൽ ആരെങ്കിലും സാമ്പത്തിക കുറ്റകൃത്യങ്ങൾക്ക് ഇരയായാൽ ഉടൻ തന്നെ 1930 എന്ന ടോൾഫ്രീ നമ്പറിൽ വിളിച്ച് പരാതി രജിസ്റ്റർ ചെയ്യണം. വേഗത്തിൽ പരാതി രജിസ്റ്റർ ചെയ്താൽ ഒരുപക്ഷേ പണം നഷ്ടപ്പെടാതെ തിരിച്ചുപിടിക്കാന് സാധ്യതയുണ്ടെന്നും പൊലീസ് അറിയിച്ചു.

Source: marunadanmalayalee

വലിയ നാശത്തിന് കാരണമാകും; സ്‌പെയ്‌നില്‍ ടെലിഗ്രാം നിര്‍ത്തലാക്കിയ കോടതി വിധിക്കെതിരെ വിമര്‍ശനം

സ്പെയ്ന്‍: ടെലിഗ്രാം ഉപയോഗം റദ്ദാക്കിയ സ്പെയിന്‍ നാഷണല്‍ കോടതി വിധിക്കെതിരെ വിവിധ സംഘടനകള്‍. കഴിഞ്ഞ വെള്ളിയാഴ്ചയാണ് കോടതി ഉത്തരവ് പുറപ്പെടുവിച്ചത്. പകര്‍പ്പവകാശ ലംഘനത്തിന്റെ അന്വേഷണം തീര്‍പ്പാക്കാതെ സേവനം ലഭ്യമാക്കരുതെന്നാണ് കോടതി ഇന്റര്‍നെറ്റ് ദാദാക്കളോട് ഉത്തരവിട്ടത്.

വിധിക്കെതിരെ വ്യാപക വിമര്‍ശനമാണ് ഉയര്‍ന്ന് വരുന്നത്. കണ്‍സ്യൂമര്‍ റൈറ്റ് വാച്ച് ഡോഗ് എഫ്.എ.സി.യു.എ ഇത് ഒരിക്കലും ആനുപാതികമല്ലാത്തതാണെന്നും ജനപ്രിയ സേവനം തടയുന്നത് വലിയ നാശത്തിന് കാരണമാകുമെന്നും പറഞ്ഞതായി ആര്‍.ടി റിപ്പോര്‍ട്ട് ചെയ്തു.

‘നിയമവിരുദ്ധമായി പകര്‍പ്പവകാശമുള്ള ഉള്ളടക്കം പോസ്റ്റ് ചെയ്യുന്ന വെബ്‌സൈറ്റുകള്‍ ഉണ്ട്, എന്നാല്‍ ഈ നീക്കം ഇന്റര്‍നെറ്റ് അടച്ചു പൂട്ടുന്നതിന് തുല്യമാണ്, അല്ലെങ്കില്‍ പൈറസില്‍ ഏര്‍പ്പെടുന്ന ചാനലുകള്‍ ഉള്ളതിനാല്‍ മുഴുവന്‍ ടെലിവിഷന്‍ സിഗ്‌നലും വെട്ടിക്കുറക്കുന്നത് പോലെയാണ് ഇത്,’ എഫ്.എ.സി.യു.എ സെക്രട്ടറി ജനറല്‍ റൂബന്‍ സാഞ്ചസ് പ്രസ്താവനയില്‍ പറഞ്ഞു.

ടെലിഗ്രാം ആപ് വഴി ഓൺലൈൻ സാമ്പത്തിക തട്ടിപ്പുകൾ വ്യാപകമാകുന്നു

സമൂഹ മാധ്യമമായ ടെലിഗ്രാം ആപ് വഴി സംസ്ഥാനത്ത് ഓൺലൈൻ സാമ്പത്തിക തട്ടിപ്പുകൾ വ്യാപകമായി നടക്കുന്നുണ്ടെന്ന് പൊലീസ്. മറ്റ് സമൂഹമാധ്യമങ്ങളിലൂടെ വലയിലാക്കുന്നവരെ തട്ടിപ്പുകാർ ടെലിഗ്രാം ഗ്രൂപ്പിൽ ചേരാൻ പ്രേരിപ്പിക്കുകയാണ് ആദ്യഘട്ടത്തിൽ ചെയ്യുന്നത്. ഗ്രൂപ്പിൽ ചേരുന്നവർ കാണുന്നത്, ഗ്രൂപ്പ് അംഗങ്ങൾക്ക് ലഭിച്ച വൻതുകയുടെ സ്ക്രീൻ ഷോട്ടുകളും പോസ്റ്റുകളുമായിരിക്കും. ഈ രീതിയിലാണ് ഇരകളെ കുടുക്കുന്നത്.

എന്നാൽ, ഗ്രൂപ്പിലെ മറ്റ് അംഗങ്ങളായി ചമയുന്നവരിൽ ഭൂരിപക്ഷവും തട്ടിപ്പ് കമ്പനിയുടെതന്നെ ആളുകളായിരിക്കും. മിക്ക തട്ടിപ്പുകളും ഏതാണ്ട് സമാന രീതിയിലാണെന്ന് പൊലീസ് വ്യക്തമാക്കുന്നു. തുടക്കത്തിൽ വെബ്സൈറ്റ് വഴി ചെറിയ തുക നിക്ഷേപിച്ചാൽപോലും തട്ടിപ്പുകാർ അമിതലാഭം നൽകും. ഇതോടെ കമ്പനിയിൽ കൂടുതൽ വിശ്വാസമാകും. പിന്നീട് നിക്ഷേപിച്ചതിനെക്കാൾ രണ്ടോ മൂന്നോ ഇരട്ടി ലാഭം നേടിയതായി സ്ക്രീൻഷോട്ട് നൽകും. എന്നാൽ, ഇത് സ്ക്രീൻഷോട്ട് മാത്രമാണെന്നും പിൻവലിക്കാനാകില്ലെന്നും നിക്ഷേപകർക്ക് വൈകിയാകും മനസ്സിലാകുക.

പണം പിൻവലിക്കാൻ ആഗ്രഹിക്കുമ്പോൾ ജിഎസ് ടിയുടെയും നികുതിയുടെയും മറവിൽ കൂടുതൽ പണം തട്ടിയെടുക്കുകയാണ് പതിവ്. ഇത്തരം തട്ടിപ്പിന് ഇരയാകുന്നവരുടെ എണ്ണം സംസ്ഥാനത്ത് വർധിക്കുന്നതായി സൈബർ പൊലീസ് വിഭാഗം മുന്നറിയിപ്പ് നൽകുന്നു. ഓൺലൈൻ സാമ്പത്തിക തട്ടിപ്പിനിരയായാൽ ഒരുമണിക്കൂറിനകം വിവരം 1930 എന്ന നമ്പറിൽ സൈബർ പൊലീസിനെ അറിയിക്കണമെന്നും മുന്നറിയിപ്പ് നൽകുന്നു.

ടെലഗ്രാമില്‍ സിനിമ കാണുന്നവര്‍ക്ക് എട്ടിന്‍റെ പണി വരുന്നു

സിനിമ മേഖലയെ വലയ്ക്കുന്ന പൈറസി പ്രശ്നം തടയാൻ ലക്ഷ്യമിട്ടുള്ള കർശന നടപടികളുമായി കേന്ദ്ര സര്‍ക്കാര്‍. ഡിജിറ്റൽ പ്ലാറ്റ്‌ഫോമുകളിൽ നിന്ന് പൈറേറ്റഡ് ഉള്ളടക്കം നീക്കം ചെയ്യാൻ ശേഷിയുള്ള സർക്കാർ നോഡൽ ഓഫീസർമാരെ നിയോഗിച്ച് കേന്ദ്ര സര്‍ക്കാര്‍ ഉത്തരവായി. അടുത്തിടെ പാർലമെന്റിൽ പാസാക്കിയ സിനിമാട്ടോഗ്രാഫ് ഭേദഗതി ബിൽ 2023ന്‍റെ അടിസ്ഥാനത്തിലാണ് ഈ തീരുമാനം എന്നാണ് ഇൻഫർമേഷൻ ബ്രോഡ്കാസ്റ്റിംഗ് മന്ത്രാലയം വെള്ളിയാഴ്ച വാര്‍ത്ത കുറിപ്പിലൂടെ അറിയിച്ചത്.

നിലവിൽ, പകർപ്പവകാശ നിയമത്തിനും ഐപിസിക്കും കീഴിലുള്ള നിയമനടപടിയല്ലാതെ പൈറേറ്റഡ് ഫിലിം ഉള്ളടക്കത്തിൽ നേരിട്ട് നടപടിയെടുക്കാനുള്ള അനുമതി സര്‍ക്കാറിന് ലഭിച്ചിരുന്നില്ല. ഒരു നല്ല കണ്ടന്‍റ് ഉണ്ടാക്കാന്‍ അതിന്‍റെ നിര്‍മ്മാതാക്കള്‍ ധാരാളം സമയവും ഊർജവും പണവും ചെലവഴിക്കുന്നു. എന്നാല്‍ അത് പൈറസി വഴി സ്വന്തമാക്കുന്നവര്‍ അത് ഒരു നിയന്ത്രണവും ഇല്ലാതെ പ്രചരിപ്പിക്കുന്നു. പ്രതിവർഷം 20,000 കോടി രൂപയുടെ നഷ്ടമാണ് ഇത് സിനിമ വ്യവസായത്തിനുണ്ടാകുന്നത്, ഇത് തടയാനാണ് ഈ തീരുമാനം എന്നാണ് കേന്ദ്രമന്ത്രി അനുരാഗ് ഠാക്കൂർ പറയുന്നത്.

ഇൻഫർമേഷൻ ആന്റ് ബ്രോഡ്‌കാസ്റ്റിംഗ് മന്ത്രാലയത്തിലും സെൻട്രൽ ബ്യൂറോ ഓഫ് ഫിലിം സർട്ടിഫിക്കേഷനിലും (സിബിഎഫ്‌സി) 12 നോഡൽ ഓഫീസർമാരെ നിയമിച്ചിരിക്കുകയാണ് കേന്ദ്ര സര്‍ക്കാര്‍. ഇവര്‍ക്ക് സിനിമാ പൈറസിയുമായി ബന്ധപ്പെട്ട പരാതികൾ സമർപ്പിക്കാന്‍ സാധിക്കും. ഇത്തരം പരാതികളില്‍ 48 മണിക്കൂറിനുള്ളിൽ നടപടിയെടുക്കുമെന്നും കേന്ദ്രമന്ത്രി പറഞ്ഞു. പൈറസി നടത്തുന്നവര്‍ക്ക് അവര്‍ 3 ലക്ഷം മുതല്‍ പൈറസി ചെയ്ത കണ്ടന്‍റിന്‍റെ നിര്‍മ്മാണ മൂല്യത്തിന്‍റെ അഞ്ച് ശതമാനം തുകവരെ പിഴയായി നല്‍കേണ്ടി വരും.

ഒരു കണ്ടന്‍റിന്‍റെ കോപ്പിറൈറ്റ് ഉടമയ്ക്കോ അയാള്‍ ചുമതലപ്പെടുത്തുന്ന ആള്‍ക്കോ പൈറേറ്റഡ് ഉള്ളടക്കം നീക്കം ചെയ്യുന്നതിനായി നോഡൽ ഓഫീസർക്ക് പരാതി നല്‍കാം. അതേ സമയം പകർപ്പവകാശം ഇല്ലാത്ത ഒരു സാധാരണ വ്യക്തി പരാതി നല്‍കിയാല്‍ നോഡൽ ഓഫീസർക്ക് പരാതിയുടെ സാധുത നിർണ്ണയിക്കാൻ ഹിയറിംഗുകൾ നടത്താവുന്നതാണ്. അത് അനുസരിച്ച് തീരുമാനവും എടുക്കാം.

യൂട്യൂബ്, ടെലിഗ്രാം ചാനലുകൾ, വെബ്‌സൈറ്റുകൾ മറ്റ് ഓൺലൈൻ പ്ലാറ്റ്‌ഫോമുകൾ തുടങ്ങിയ എല്ലാ ഡിജിറ്റൽ പ്ലാറ്റ്‌ഫോമുകൾ നോഡൽ ഓഫീസറിൽ നിന്ന് നിർദ്ദേശങ്ങൾ ലഭിച്ച് 48 മണിക്കൂറിനുള്ളിൽ പൈറേറ്റഡ് ഉള്ളടക്കമുള്ള ഇന്റർനെറ്റ് ലിങ്കുകൾ നീക്കം ചെയ്യണമെന്ന് ഐ ആൻഡ് ബി മന്ത്രാലയത്തിന്‍റെ പത്രകുറിപ്പ് പറയുന്നു.

ഇന്റർനെറ്റിന്‍റെ വ്യാപനവും സിനിമകള്‍ സൌജന്യമായി കാണാനുള്ള ആഗ്രഹവും അടുത്തിടെ പൈറസി കൂടാന്‍ കാരണമായി. അതിനാല്‍ തന്നെ പൈറസി കേസുകളിൽ ഉടനടി നടപടിയെടുക്കാന്‍ കഴിയുന്ന സംവിധാനം സിനിമ വ്യവസായ രംഗത്ത് ആശ്വാസം നൽകുമെന്ന് മന്ത്രാലയം പ്രസ്താവനയിൽ പറഞ്ഞു.

Major action to curb film piracy as industry faces losses of Rs. 20,000 crore annually due to piracy

CBFC and @MIB_India officers authorised to direct blocking/take down of any website/App/link carrying pirated filmic content https://t.co/TcYkXrjMYG

— Rishab Shetty (@shetty_rishab) November 3, 2023

ഹമാസിന്റെ ചാനലുകളെ നിയന്ത്രണമേര്‍പ്പെടുത്തി ടെലിഗ്രാം

ഗൂഗിള്‍, ആപ്പിള്‍ സ്റ്റോറുകളിലെ ഹമാസിന്റെ ചാനലുകളെ നിയന്ത്രണമേര്‍പ്പെടുത്തി ടെലിഗ്രാം. ഹമാസുമായി ബന്ധപ്പെട്ട എല്ലാ ചാനലുകള്‍ക്കും ടെലിഗ്രാം നിയന്ത്രണമേര്‍പ്പെടുത്തി. ഗൂഗിള്‍ പ്ലേയില്‍ നിന്നോ ആപ്പിളിന്റെ ആപ്പ് സ്റ്റോറില്‍ നിന്നോ ഡൗണ്‍ലോഡ് ചെയ്ത ടെലിഗ്രാമിന്റെ പതിപ്പുകളില്‍ ഹമാസിന്റെ ഔദ്യോഗിക അക്കൗണ്ടിലേക്കും സായുധ വിഭാഗമായ ഖസ്സാം ബ്രിഗേഡിന്റെ അക്കൗണ്ടിലേക്കും ഗാസ നൗ എന്ന വാര്‍ത്താ അക്കൗണ്ടിലേക്കുമുള്ള പ്രവേശനവും നിരോധിച്ചു.

ഒക്ടോബര്‍ 7 ന് ഇസ്രയേലിനെതിരായി ഹമാസ് നടത്തിയ ആക്രമണത്തിന് പിന്നാലെ ലക്ഷണക്കണക്കിന് പുതിയ ഫോളോവേഴ്സാണ് ഹമാസിന്റെ ടെലിഗ്രാം ഗ്രൂപ്പുകളിലേക്കെത്തിയത്. ഈ അക്കൗണ്ടുകള്‍ ടെലിഗ്രാമിന്റെ ഓണ്‍ലൈന്‍ പതിപ്പില്‍ നിന്നും ടെലിഗ്രാമിന്റെ വെബ്‌സൈറ്റില്‍ നിന്നും നേരിട്ട് ഡൗണ്‍ലോഡ് ചെയ്ത ആപ്പിന്റെ പതിപ്പില്‍ നിന്നും ഇപ്പോഴും ആക്‌സസ് ചെയ്യാന്‍ കഴിയും.

”ഇസ്രയേല്‍ വിരുദ്ധ പ്രസ്ഥാനങ്ങള്‍”ക്കെതിരെ പ്രചാരണം നടത്തുന്ന യുഎസ് ആസ്ഥാനമായുള്ള സച്ചോര്‍ ലീഗല്‍ ഇന്‍സ്റ്റിറ്റ്യൂട്ട് ഹമാസിന്റെ ടെലിഗ്രാം പ്രവര്‍ത്തനങ്ങള്‍ ചൂണ്ടിക്കാട്ടി ആപ്പിളിന് കത്തെഴുതിയിരുന്നു. ആന്‍ഡ്രോയിഡ് ഉപയോക്താക്കള്‍ക്കായി ബ്ലോക്ക് ചെയ്തിട്ടും ലിങ്ക് ചെയ്ത അക്കൗണ്ടുകള്‍ ഐഒഎസില്‍ ആക്‌സസ് ചെയ്യാന്‍ കഴിയുന്നുണ്ടെന്ന് ചൂണ്ടിക്കാട്ടിയായിരുന്നു ഇത്. ഇതിന് പിന്നാലെയാണ് നിയന്ത്രണം.

ഉള്ളടക്കം നീക്കണം; എക്‌സ്, യൂട്യൂബ്, ടെലിഗ്രാം എന്നിവയ്ക്ക് കേന്ദ്ര ഐടി മന്ത്രാലയത്തിന്റെ നോട്ടീസ്

സമൂഹമാധ്യമങ്ങള്‍ക്ക് കേന്ദ്ര ഐടി മന്ത്രാലയത്തിന്റെ നോട്ടീസ്. കുട്ടികളെ ലൈംഗികമായി ദുരുപയോഗം ചെയ്യുന്ന തരത്തിലുള്ള ഉള്ളടക്കം നീക്കം ചെയ്യണമെന്നാവശ്യപ്പെട്ടാണ് നോട്ടീസ് നല്‍കിയത്. എക്‌സ്, യൂട്യൂബ്, ടെലിഗ്രാം എന്നീ സമൂഹമാധ്യമങ്ങള്‍ക്കാണ് നോട്ടീസ് അയച്ചത്.

ഭാവിയില്‍ ഇത്തരം ഉള്ളടക്കം പ്രത്യക്ഷപ്പെടുന്നത് തടയുന്നതിനുള്ള മുന്‍കരുതലുകള്‍ റിപ്പോര്‍ട്ട് ചെയ്യണമെന്നും നോട്ടീസില്‍ പറയുന്നു. പ്രസ്തുത നിര്‍ദ്ദേശങ്ങള്‍ അവഗണിക്കുന്നത് 2021ലെ ഐടി നിയമങ്ങളുടെ റൂള്‍ 3(1)(ബി), റൂള്‍ 4(4) എന്നിവയുടെ ലംഘനമായി കണക്കാക്കും. നോട്ടീസുകള്‍ പാലിക്കുന്നതില്‍ കാലതാമസം ഉണ്ടായാല്‍ ഐടി നിയമത്തിലെ വകുപ്പ് 79 പ്രകാരം നിലവില്‍ ഇന്റര്‍നെറ്റ് ഇടനില പ്ലാറ്റുഫോമുകള്‍ക്ക് ലഭിച്ചു വരുന്ന പരിരക്ഷ (സേഫ് ഹാര്‍ബര്‍ പ്രൊട്ടക്ഷന്‍) മാറ്റുമെന്നും മന്ത്രാലയം മൂന്ന് സോഷ്യല്‍ മീഡിയ ഇടനിലക്കാര്‍ക്കും മുന്നറിയിപ്പ് നല്‍കി.

ട്രായിയോട് റിലയൻസ് ജിയോ; ‘വാട്സാപ്പിലും ടെലിഗ്രാമിലും കെവൈസി ഏർപ്പെടുത്തണം

കുറ്റകൃത്യങ്ങൾ തടയുന്നതിനായി വാട്സാപ്, ടെലിഗ്രാം തുടങ്ങിയ കോളിങ്, മെസേജിങ് ആപ്പുകളുടെ ഉപയോക്താക്കൾക്ക് തിരിച്ചറിയൽ നടപടിക്രമം (കെവൈസി) നിർബന്ധമാക്കണമെന്ന് റിലയൻസ് ജിയോ ടെലികോം റെഗുലേറ്ററി അതോറിറ്റിയോട് ആവശ്യപ്പെട്ടു.

ജിയോയുടെ ആവശ്യം അംഗീകരിച്ചാൽ ഇത്തരം ആപ്പുകൾ ഉപയോഗിക്കാൻ സർക്കാർ തിരിച്ചറിയൽ രേഖ ഉപയോഗിച്ചുള്ള ഐഡി വെരിഫിക്കേഷൻ വേണ്ടി വരും. ഇവ കേസ് അന്വേഷണത്തിനും മറ്റുമായി പൊലീസ് അടക്കമുള്ള സർക്കാർ ഏജൻസികളുമായി ആവശ്യമനുസരിച്ച് പങ്കുവയ്ക്കണമെന്നാണ് ജിയോയുടെ ആവശ്യം. ടെലികോം കമ്പനികൾക്കുള്ള നിയന്ത്രണങ്ങൾ ഇന്റർനെറ്റ് അധിഷ്ഠിത കോളിങ്, മെസേജിങ് സേവനങ്ങൾക്ക് ഏർപ്പെടുത്തേണ്ടതുണ്ടോയെന്ന വിഷയത്തിൽ ടെലികോം റെഗുലേറ്ററി അതോറിറ്റി (ട്രായ്) നടത്തുന്ന കൂടിയാലോചന പുരോഗമിക്കുകയാണ്.

ജിയോ അടക്കമുള്ള ടെലികോം കമ്പനികളും ഫെയ്സ്ബുക് അടക്കമുള്ള ഇന്റർനെറ്റ് കമ്പനികളും വിരുദ്ധ ധ്രുവങ്ങളിലാണ്. ഇന്റർനെറ്റ് കമ്പനികൾക്ക് തങ്ങൾക്കുള്ള അതേ നിയന്ത്രണവും ചട്ടങ്ങളും ഏർപ്പെടുത്തണമെന്നാണ് ടെലികോം കമ്പനികളും വാദം.

വ്യാജമായ പേരുകളിൽ ഇത്തരം ആപ്പുകളിൽ അക്കൗണ്ട് തുടങ്ങാമെന്നും ഇത് സൈബർ തട്ടിപ്പുകൾക്കു വഴിവയ്ക്കുമെന്നും ട്രായിക്കു നൽകിയ റിപ്പോർട്ടിൽ ജിയോ വിശദീകരിക്കുന്നു. ഡിജിറ്റൽ/ ഇന്റർനെറ്റ് സേവനങ്ങളോട് ആളുകൾക്ക് അവിശ്വാസം സൃഷ്ടിക്കാൻ ഇത്തരം തട്ടിപ്പുകൾ കാരണമാകും. ഇത് ടെലികോം കമ്പനികൾക്കും നഷ്ടമുണ്ടാക്കുമെന്നും ജിയോ പറഞ്ഞു.ലൈസൻസിങ് ചട്ടക്കൂട് അടിച്ചേൽപ്പിച്ചാൽ വാട്സാപ്, ടെലിഗ്രാം പോലെയുള്ള സൗജന്യ ഇന്റർനെറ്റ് അധിഷ്ഠിത കോളിങ്, മെസേജിങ് സേവനങ്ങൾക്ക് ഉപയോക്താക്കളിൽ നിന്ന് ചാർജ് ഈടാക്കാൻ നിർബന്ധിതരാകുമെന്ന് ടെക് കമ്പനികൾ മുന്നറിയിപ്പ് നൽകിയിട്ടുണ്ട്.

ടെലിഗ്രാം ഗ്രൂപ്പില്‍ നിന്നും എഞ്ചിനീയര്‍ക്ക് നഷ്ടമായത് 20 ലക്ഷം രൂപ

സൈബര്‍ തട്ടിപ്പിന്റെ മറ്റൊരു കേസില്‍, ആന്ധ്രാപ്രദേശിലെ വിജയവാഡയില്‍ നിന്നുള്ള എഞ്ചിനീയറിംഗ് ബിരുദധാരിക്ക് തട്ടിപ്പുകാരുടെ ഇരകളില്‍ വീണ് 20 ലക്ഷം രൂപ നഷ്ടമായി. എഞ്ചിനീയറിംഗ് ബിരുദം പൂര്‍ത്തിയാക്കിയ ശേഷം ജോലി അന്വേഷിക്കുന്നതിനിടെയാണ് തട്ടിപ്പുകാരുടെ കെണിയില്‍ വീണത്. ജോലി നേടാന്‍ സഹായിക്കാമെന്ന് വാഗ്ദാനം ചെയ്ത ടെലിഗ്രാം ഗ്രൂപ്പിലൂടെയായിരുന്നു തട്ടിപ്പ്.

വിജയവാഡയില്‍ നിന്നുള്ള സോഫ്റ്റ്വെയര്‍ തൊഴിലന്വേഷകനായ കെ ഹര്‍ഷവര്‍ദ്ധനാണ് തട്ടിപ്പിനിരയായത്. അടുത്തിടെ എഞ്ചിനീയറിംഗ് കോഴ്സ് പൂര്‍ത്തിയാക്കിയ ഇയാള്‍ തന്റെ സുഹൃത്ത് കൃഷ്ണ ചൈതന്യ റെഡ്ഡിയുടെ ശുപാര്‍ശ പ്രകാരം 'ഡെവലപ്പര്‍ പ്രൊഫഷണലുകള്‍' എന്ന ടെലിഗ്രാം ഗ്രൂപ്പില്‍ ചേര്‍ന്നു. തൊഴില്‍ തേടുന്ന യുവാക്കള്‍ക്ക് സോഫ്റ്റ് വെയര്‍ ജോലി നല്‍കാമെന്നായിരുന്നു ഇവരുടെ വാഗ്ദാനം.

ഗ്രൂപ്പ് വഴി ജോലി വാഗ്ദാനം ചെയ്ത ഒരാള്‍ 20 ലക്ഷം രൂപ ഫീസായി നല്‍കിയാല്‍ ബെംഗളൂരുവിലെ എല്‍ടിഐ മൈന്‍ഡ്ട്രീ ലിമിറ്റഡില്‍ ജോലി നല്‍കാമെന്ന് വാഗ്ദാനം ചെയ്തു. ജോലി ഉറപ്പാക്കാനായി ഹര്‍ഷവര്‍ദ്ധന്‍ ജൂലൈയിലും ആഗസ്തിലും ഘട്ടം ഘട്ടമായി പണം നിക്ഷേപിച്ചു. എന്നാല്‍, നിയമന കത്ത് വാങ്ങാന്‍ എല്‍ടിഐ മൈന്‍ഡ്ട്രീയെ സമീപിച്ചപ്പോഴാണ് താന്‍ കബളിപ്പിക്കപ്പെട്ടതായി മനസിലായത്. പിന്നീട്, പോലീസില്‍ പരാതി നല്‍കുകയായിരുന്നു.

ടെലിഗ്രാം പരസ്യ പ്ലാറ്റ്‌ഫോമിലെ പുതിയ ഫീച്ചറുകൾ

കഴിഞ്ഞ കുറച്ച് ആഴ്‌ചകളായി ടെലിഗ്രാം പരസ്യങ്ങൾ (ഔദ്യോഗിക പരസ്യ പ്ലാറ്റ്‌ഫോം) നിരവധി സുപ്രധാന മാറ്റങ്ങൾക്ക് വിധേയമായിട്ടുണ്ട്. പരസ്യദാതാക്കൾക്ക് ഇപ്പോൾ ലഭ്യമായ പുതിയ സാധ്യതകൾ പര്യവേക്ഷണം ചെയ്യാം

ദൈർഘ്യ നിയന്ത്രണങ്ങളില്ലാത്ത ബാഹ്യ ലിങ്കുകൾ

ഓരോ ട്രാഫിക് ഉറവിടത്തെയും കുറിച്ചുള്ള വിശദമായ വിവരങ്ങൾ നൽകിക്കൊണ്ട് നൽകിയ URL-കളിലേക്ക് പ്രത്യേക UTM ടാഗുകൾ ചേർക്കാൻ ഈ പുതിയ ഫീച്ചർ പരസ്യദാതാക്കളെ അനുവദിക്കുന്നു.

ഫാസ്റ്റ് ഫുഡ് പരസ്യം ഇപ്പോൾ അനുവദനീയമാണ്
പ്ലാറ്റ്‌ഫോമിൽ ഫാസ്റ്റ് ഫുഡ് ഉൽപന്നങ്ങൾ പ്രോത്സാഹിപ്പിക്കുന്നതിനുള്ള മുൻ വിലക്ക് പൂർണമായും നീക്കി.

പരസ്യം നിരസിക്കാനുള്ള കാരണങ്ങളെക്കുറിച്ചുള്ള വിവരങ്ങൾ

ടെലിഗ്രാം ഇപ്പോൾ പരസ്യദാതാക്കൾക്ക് അവരുടെ പരസ്യം പാലിക്കാത്ത, “ലക്ഷ്യസ്ഥാന നിലവാരം, ” “ഡെസ്റ്റിനേഷൻ ഫങ്ഷണാലിറ്റി,” “അപ്രസക്തമായ ലക്ഷ്യസ്ഥാനങ്ങൾ,” അല്ലെങ്കിൽ “ഉള്ളടക്കത്തിലെ കൃത്രിമം.”

പ്രസിദ്ധീകരിച്ച പരസ്യങ്ങളുടെ CTR, CPM, CPC, CPS എന്നിവയ്‌ക്കായുള്ള മെട്രിക്‌സ് കാണൽ
ഈ പുതിയ ഫീച്ചറിന് നന്ദി, പരസ്യദാതാക്കൾക്ക് അവരുടെ പരസ്യ കാമ്പെയ്‌നുകളുടെ ഫലപ്രാപ്തി വിലയിരുത്താൻ കഴിയും.

പരസ്യ വാചകത്തിൽ ഇഷ്‌ടാനുസൃത ഇമോജികൾ ഉപയോഗിക്കാനുള്ള കഴിവ്
പാരമ്പര്യേതര ഇമോജികൾ ഉപയോഗിച്ച് സാധ്യതയുള്ള ക്ലയന്റുകളുടെയും വരിക്കാരുടെയും ശ്രദ്ധ പിടിച്ചുപറ്റുക.

ഇന്ന് ടെലിഗ്രാമിന് 10 വയസ്സ് തികയുന്നു

വെറും ഒരു ദശാബ്ദത്തിനുള്ളിൽ, ടെലിഗ്രാം 800 ദശലക്ഷത്തിലധികം സജീവ ഉപയോക്താക്കളെ നേടിയത് വാമൊഴിയായി മാത്രം. വർഷങ്ങളായി നിരവധി അപ്‌ഡേറ്റുകളിലൂടെയും മെച്ചപ്പെടുത്തലുകളിലൂടെയും, ഒരു ആധുനിക സന്ദേശമയയ്‌ക്കൽ അനുഭവം എങ്ങനെയായിരിക്കണമെന്ന് ടെലിഗ്രാം പുനർനിർവചിച്ചു.

പൊതുവെ സോഷ്യൽ മീഡിയയിൽ മെസേജിംഗിനും കുന്തമുനയുള്ള നവീകരണത്തിനും അപ്പുറത്തേക്ക് പോകുക എന്നതാണ് ടെലിഗ്രാമിന്റെ അടുത്ത പടി. കോടിക്കണക്കിന് ആളുകളുടെ ജീവിതത്തെ മികച്ചതാക്കാനും നമ്മുടെ ഗ്രഹത്തിലെ ആളുകളെ പ്രചോദിപ്പിക്കാനും ഉന്നമിപ്പിക്കാനും നമ്മുടെ ജനപ്രീതി ഉപയോഗിക്കണം.

എല്ലാ ഉപയോക്താക്കൾക്കും വേണ്ടിയുള്ള ഇന്നത്തെ ഘട്ടം ഘട്ടമായുള്ള സ്റ്റോറികൾ ടെലിഗ്രാമിന്റെ ചരിത്രത്തിലെ ഈ പുതിയ ഘട്ടത്തിന്റെ തുടക്കം കുറിക്കുന്നു. ഈ കഴിഞ്ഞ ദശകം ആവേശകരമായിരുന്നുവെങ്കിലും, അടുത്ത 10 വർഷം ടെലിഗ്രാം അതിന്റെ യഥാർത്ഥ സാധ്യതകളിലേക്ക് എത്തുന്ന സമയമായിരിക്കും.

കൂടുതല്‍ ഫീച്ചറുകളുമായി ടെലിഗ്രാം, കസ്റ്റം വാള്‍പേപ്പറുകള്‍, ഷെയറബിള്‍ ചാറ്റ് ഫോള്‍ഡറുകള്‍

വിപണി പിടിക്കാന്‍ ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പുമായി മത്സരിക്കുന്ന മറ്റൊരു പ്രമുഖ സോഷ്യല്‍മീഡിയയായ ടെലിഗ്രാം ഉപയോക്താക്കളെ ആകര്‍ഷിക്കാന്‍ ഒന്നിലധികം ഫീച്ചറുകള്‍ അവതരിപ്പിച്ചു. ചാറ്റ് ഫോള്‍ഡര്‍ പങ്കുവെയ്ക്കല്‍, കസ്റ്റം വാള്‍പേപ്പര്‍ തുടങ്ങിയ ഫീച്ചറുകളാണ് അവതരിപ്പിച്ചത്.

ലിങ്കോട് കൂടി ചാറ്റ് ഫോള്‍ഡര്‍ പങ്കുവെയ്ക്കാന്‍ കഴിയുന്നതാണ് ഒരു ഫീച്ചര്‍. ഒന്നിലധികം ഗ്രൂപ്പുകളിലേക്കും ന്യൂസ് ചാനലുകളിലേക്കും സുഹൃത്തുക്കളെ ഉടനടി ക്ഷണിക്കാന്‍ ഉപയോക്താക്കള്‍ക്ക് സൗകര്യം നല്‍കുന്നതാണ് പുതിയ ഫീച്ചര്‍. വ്യത്യസ്ത ചാറ്റുകളുടെ ഒന്നിലധികം ഇന്‍വൈറ്റ് ലിങ്കുകള്‍ ക്രിയേറ്റ് ചെയ്ത് പങ്കുവെയ്ക്കാന്‍ ഇതുവഴി ഉപയോക്തതാവിന് സാധിക്കും. കൂടാതെ ഇവയ്ക്ക് പേരും നല്‍കാനും സാധിക്കുന്നവിധമാണ് പുതിയ ഫീച്ചര്‍. ആളുകളെ ആഡ് ചെയ്യാന്‍ അഡ്മിന്‍മാര്‍ക്ക് മാത്രമാണ് അധികാരം എന്നിരിക്കെ തന്നെ പബ്ലിക് ചാറ്റുകള്‍ ആഡ് ചെയ്യാന്‍ ഉപയോക്താവിന് സൗകര്യം നല്‍കുന്നതാണ് പുതിയ ഫീച്ചര്‍. പുതിയ ചാറ്റുകളില്‍ അംഗമാകുന്നതിന് അംഗങ്ങള്‍ക്ക് നിര്‍ദേശവും ലഭിക്കും.

വ്യത്യസ്ത ചാറ്റുകള്‍ക്ക് കസ്റ്റം വാള്‍പേപ്പര്‍ സെറ്റ് ചെയ്യാന്‍ അനുവദിക്കുന്നതാണ് രണ്ടാമത്തെ ഫീച്ചര്‍. ഇഷ്ടപ്പെട്ട ഫോട്ടോകളും കളര്‍ തീമുകളും വാള്‍പേപ്പറാക്കി മാറ്റം.ചാറ്റ് പാര്‍ട്ണര്‍ക്കും ഇതേ വാള്‍പേപ്പര്‍ ആഡ് ചെയ്യാനും സംവിധാനം ഒരുക്കിയിട്ടുണ്ട്. അല്ലെങ്കില്‍ സ്വന്തമായ നിലയില്‍ ഇത് ക്രിയേറ്റ് ചെയ്യാം.

ഷെയര്‍ ചെയ്ത മീഡിയ ഫയലുകള്‍ പോലെ അറ്റാച്ച്‌മെന്റുകളും എളുപ്പത്തില്‍ സ്‌ക്രോള്‍ ചെയ്യാന്‍ സാധിക്കുന്നതാണ് മറ്റൊരു ഫീച്ചര്‍. ഉപയോക്താവ് അയച്ച സന്ദേശം മറ്റു ഗ്രൂപ്പ് അംഗങ്ങള്‍ എപ്പോള്‍ വായിച്ചു എന്ന് അറിയുന്നതിനുള്ള സംവിധാനമാണ് മറ്റൊന്ന്. യൂസര്‍ ഇന്റര്‍ഫെയ്‌സില്‍ ചില പരിഷ്‌കാരങ്ങളും ടെലിഗ്രാം വരുത്തിയിട്ടുണ്ട്.

ഇന്ത്യയിൽ ടെലിഗ്രാം തടയണമെന്ന പൊതുതാൽപര്യ ഹർജി കേരള ഹൈക്കോടതി തള്ളി

കൊച്ചി: തൽത്സമയ സന്ദേശമയയ്‌ക്കൽ സേവനമായ ടെലിഗ്രാമിന്റെ പ്രവർത്തനം തടയണമെന്ന് ആവശ്യപ്പെട്ടുള്ള പൊതുതാൽപര്യ ഹർജി കേരള ഹൈക്കോടതി തള്ളി. സ്ത്രീകളെയും കുട്ടികളെയും ഉൾപ്പെടുത്തിയുള്ള അശ്ലീല ഉള്ളടക്കം ടെലിഗ്രാം പ്രചരിപ്പിക്കുന്നുവെന്ന് വാദിച്ച് ഒരു സ്ത്രീയാണ് പൊതുതാൽപര്യ ഹർജി സമർപ്പിച്ചത്.

ഇൻഫർമേഷൻ ടെക്നോളജി പ്രകാരം ഹർജിക്കാരന് ടെലിഗ്രാമിന്റെ ഗ്രീവൻസ് ഓഫീസറെ സമീപിക്കാമെന്ന കേന്ദ്ര സർക്കാർ അഭിഭാഷകന്റെ ഹർജിയാണ് കേരള ഹൈക്കോടതി തള്ളിയത്. കേരള ഹൈക്കോടതി ചീഫ് ജസ്റ്റിസ് എസ് മണികുമാറും ജസ്റ്റിസ് മുരളി പുരുഷോത്തമനുമടങ്ങുന്ന ഡിവിഷൻ ബെഞ്ചാണ് ഹർജി തീർപ്പാക്കിയത്.

ടെലിഗ്രാം സേവനങ്ങൾ തീവ്രവാദം പ്രോത്സാഹിപ്പിക്കുന്നതിനും സമൂഹത്തിൽ വിഭിന്നത സൃഷ്ടിക്കുന്നതിനും ഉപയോഗിക്കുന്നു. ടെലിഗ്രാം ഉപയോക്താക്കൾ അവരുടെ ഐഡന്റിറ്റി വെളിപ്പെടുത്താത്തതിനാൽ അന്വേഷണ നടപടികൾ പൂർത്തീയാക്കാൻ ഏജൻസിയ്‌ക്ക് കഴിഞ്ഞിട്ടില്ല എന്നും ഹർജിയിൽ പറയുന്നു.

സംഭവത്തോടനുബന്ധിച്ച് ഗ്രീവൻസ് ഓഫീസർക്ക് പരാതി നൽകുന്നതിന് പകരം അന്വേഷണ ഏജൻസിയ്‌ക്കോ സൈബർ ക്രൈം സെല്ലിലോ പരാതി നൽകാനുള്ള അവകാശം ഹർജിക്കാരനുണ്ടെന്ന് അഭിഭാഷകൻ ചൂണ്ടിക്കാട്ടി. സൈബർ കുറ്റകൃത്യങ്ങൾ റിപ്പോർട്ട് ചെയ്യുന്നതിനായി ഹർജിക്കാരന് സൈബർ ക്രൈം റിപ്പോർട്ടിംഗ് പോർട്ടൽ ഉപയോഗിക്കാമെന്നും കേന്ദ്ര സർക്കാർ അഭിഭാഷകൻ പറഞ്ഞു.

മൂന്നാം കക്ഷി ആപ്പുകളിൽ നിന്നുള്ള എസ്എംഎസ് അഭ്യർത്ഥനകൾക്ക് ടെലിഗ്രാം പിന്തുണ നൽകില്ല

മൂന്നാം കക്ഷി ആപ്പ് ഡെവലപ്പർമാർക്ക് പ്രക്ഷേപണം ചെയ്ത സമീപകാല സന്ദേശം അനുസരിച്ച്, മൂന്നാം കക്ഷി ആപ്പുകളിൽ നിന്നുള്ള SMS അഭ്യർത്ഥനകളെ ഇനി പിന്തുണയ്‌ക്കേണ്ടതില്ലെന്ന് ടെലിഗ്രാം പദ്ധതിയിടുന്നു, അതായത് ഔദ്യോഗിക ടെലിഗ്രാം ആപ്പുകളിൽ നിന്ന് മാത്രമേ ഉപയോക്താക്കൾക്ക് SMS പരിശോധനകൾ അഭ്യർത്ഥിക്കാൻ കഴിയൂ.

മാറ്റം ഫെബ്രുവരി 18-ന് 13:00 UTC-ന് തൽസമയമാകും. ആ തീയതിക്ക് ശേഷം, മൂന്നാം കക്ഷി ആപ്പുകൾക്കുള്ള അംഗീകാര കോഡുകൾ ഔദ്യോഗിക ടെലിഗ്രാം ആപ്പുകൾ വഴി മാത്രമേ ലഭിക്കൂ. ആ തീയതിക്ക് മുമ്പ് ആവശ്യമായ നടപടികൾ കൈക്കൊള്ളാനും സന്ദേശം മൂന്നാം കക്ഷി ആപ്പ് ഡെവലപ്പർമാരോട് ആവശ്യപ്പെട്ടു.

@FIFA എന്ന ടെലിഗ്രാം യൂസർനെയിം വിറ്റ് പോയത് 7.6 കോടി രൂപയ്ക്ക്

ടെലിഗ്രാമിൽ @FIFA എന്ന യൂസനെയിം വിറ്റത് ₹76,571,571 രൂപയ്ക്ക്, ഇതോടെ നിലവിൽ ടെലിഗ്രാം പ്ലാറ്റ്ഫോമിൽ വിറ്റ വിലപിടിപ്പുള്ള യൂസർനെയിമുകളിൽ അഞ്ചാം സ്ഥാനം @FIFA സ്വന്തമാക്കി.

കുറച്ച് ദിവസങ്ങൾക്ക് മുൻപായിരുന്നു ടെലിഗ്രാം ഔദ്യോഗികമായി യൂസർനെയിമുകളുടെ ലേലത്തിനും ബിഡ് അറിയിപ്പുകൾക്കും ഫ്രാഗ്മെന്റ് എന്ന പ്ലാറ്റ്‌ഫോം ലഭ്യമാക്കിയത്.

TON അടിസ്ഥാനമാക്കിയാണ് യൂസർനെയിമുകൾ വിൽക്കുന്നത്. നിലവിൽ @Football എന്ന യൂസനെയിം ഇതിലേറേ തുകയ്ക്ക് ലേലം വിളി നടന്നു കൊണ്ടിരിക്കുകയാണ്, ഇപ്പോൾ 9 കോടി രൂപ കടന്നിരിക്കുന്നു. അതിന്റെ ലേലം ഇന്ന് അവസാനിക്കും