ടെലിഗ്രാം ഇന്ത്യയിൽ പരാതി നോഡൽ ഓഫീസറെ നിയോഗിച്ചു

2021 മെയ് 26 നും അതിനുശേഷവും ബാധകമാകുന്ന പുതിയ ഐടി ചട്ടങ്ങൾക്ക് അനുസൃതമായി നിയുക്ത പരാതി പരാതി ഉദ്യോഗസ്ഥനെ പറ്റി ടെലിഗ്രാം അതിന്റെ പതിവുചോദ്യങ്ങൾ  അപ്‌ഡേറ്റുചെയ്‌തു. 

https://telegram.org/faq#india-designated-grievance-officer

പുതിയ നിയമങ്ങൾ അനുസരിച്ച്, കാര്യമായ ഉപയോക്തൃ അടിത്തറയുള്ള സോഷ്യൽ മീഡിയ കമ്പനികൾ ഇത് പാലിക്കുന്നതിന് ഒരു പരാതി നോഡൽ ഓഫീസറും നിയോഗിച്ചു.

ഗ്രൂപ്പ് വീഡിയോ ചാറ്റ് എത്തി, ഓൺലൈൻ ക്ലാസ്സുകൾക്ക് ഇനി ടെലിഗ്രാം!

വീഡിയോ call നു പിന്നാലെ Telegram Messenger, അവരുടെ ഏറ്റവും പുതിയ ഫീച്ചറായ ഗ്രൂപ്പ്‌ വീഡിയോ ചാറ്റ് കൂടി അവതരിപ്പിച്ചതിലൂടെ ഇനിമുതൽ ഓൺലൈൻ ക്ലാസ്സുകൾക്ക് ടെലിഗ്രാമിനെക്കാൾ മികച്ച ഒരിടം വേറെ ഇല്ലെന്നു തന്നെ പറയാം.

നിലവിൽ ഏറ്റവും കൂടുതൽ ആളുകൾ സന്ദേശ വിനിമയത്തിനായി ഉപയോഗിക്കുന്ന ആപ്പാണ് വാട്സാപ്പ്. എന്നാൽ Online ക്ലാസ്സുകൾ നടത്തുന്നതിനൊക്കെ ഒട്ടേറെ പരിമിതികൾ വാട്സാപ്പിലുണ്ട്. അതിൽ ഏറ്റവും പ്രധാനപ്പെട്ടത് ഫയലുകൾ share ചെയ്യുന്നതിലുള്ള limitations ആണ്. 100MB ൽ കൂടുതൽ ഉള്ള ഡോക്യുമെന്റോ 16MB യിൽ കൂടുതലുള്ള വീഡിയോയോ ഒന്നും തന്നെ വാട്സാപ്പ് വഴി നേരിട്ട് അയക്കാൻ കഴിയില്ല.. ഇവിടെയൊക്കെയാണ് ടെലിഗ്രാം മെസ്സഞ്ചർ ജനപ്രിയമാവുന്നത്...

ഒരു ക്ലാസ്സ് റൂം പോലെ തന്നെ ടെലിഗ്രാം ഗ്രൂപ്പുകളെ മാറ്റിയെടുക്കാൻ സാധിക്കും. ഗ്രൂപ്പിന്റെ പൂർണ്ണ നിയന്ത്രണം admin ആയ അദ്ധ്യാപകർക്ക് ഉണ്ടാവും...

• അനാവശ്യമായി ഗ്രൂപ്പിൽ അയക്കപ്പെട്ട സന്ദേശങ്ങൾ നീക്കം ചെയ്യാൻ കഴിയും.
• 2 GB വരെ വലിപ്പമുള്ള ഏതൊരു ഫയലും ടെലിഗ്രാം വഴി അയക്കാൻ കഴിയും.
• വൈകി join ചെയ്ത student നും ഗ്രൂപ്പിലെ ആദ്യം മുതലുള്ള മെസ്സേജുകൾ കാണാൻ കഴിയും.
• ഗ്രൂപ്പിൽ വന്ന വീഡിയോസോ ഫയലുകളോ ഗാലറിയിൽ നിന്നും ഡിലീറ്റ് ആയാലും പിന്നീട് എപ്പോൾ വേണമെങ്കിലും ചാറ്റിൽ നിന്നും അതൊക്കെ വീണ്ടും ഡൌൺലോഡ് ചെയ്തെടുക്കാൻ കഴിയും.
• ഫോൺ നഷ്ടപ്പെട്ടാലും ടെലിഗ്രാമിലെ ചാറ്റുകൾ ഒന്നും miss ആവില്ല. ആ നമ്പറിൽ നിന്ന് ഏത് ഫോണിൽ ടെലിഗ്രാം എടുത്താലും ചാറ്റുകൾ കിട്ടും.
• അധ്യാപകർക്ക് പ്രധാനപ്പെട്ട മെസ്സേജുകൾ ഗ്രൂപ്പിൽ pin ചെയ്ത് വെക്കാൻ കഴിയും.
• ഒരു മെസ്സേജിൽ touch ചെയ്താൽ ആ മെസ്സേജിന് students നൽകിയ മറുപടികൾ മാത്രമായി (view thread) കാണാൻ കഴിയും.
• വോയ്‌സ്, വീഡിയോ ചാറ്റുകൾ വഴി ക്ലാസ്സുകൾ എടുക്കാൻ കഴിയും. (ഇതിനെപ്പറ്റി താഴെ വിശദീകരിച്ചിട്ടുണ്ട്.)
• @GroupAttendanceBot പോലുള്ള ബോട്ടുകൾ ഉപയോഗിച്ച് അറ്റന്റൻസ് എടുക്കാൻ @QuizBot അല്ലെങ്കിൽ @KLQuizBot ഉപയോഗിച്ച് multiple choice questions ഉള്ള ക്വിസ്സുകൾ നടത്താൻ കഴിയും.
• ക്ലാസ്സുകൾ കഴിഞ്ഞ് poll option ഉപയോഗിച്ച് സ്റ്റുഡന്റസിന്റെ feedbacks എളുപ്പത്തിൽ അറിയാൻ കഴിയും.

നിലവിൽ ഒരുപാട് ക്ലാസ്സ്‌ ഗ്രൂപ്പുകൾ ടെലിഗ്രാമിലേക്ക് shift ചെയ്തിട്ടുണ്ട്. എങ്കിലും കൂടുതൽ അധ്യാപകരും വാട്സാപ്പിലൂടെയും ഗൂഗിൾ മീറ്റിലൂടെയും ഒക്കെയാണ് ക്ലാസ്സുകൾ നടത്തിപ്പോരുന്നത്. വീഡിയോ കോൺഫറൻസിന് ഗൂഗിൾ മീറ്റ്, പഠിക്കാനുള്ള ഫയലുകളും മറ്റും കൈമാറാൻ വാട്സാപ്പ്.. ഇങ്ങനെ എന്നാൽ ടെലിഗ്രാമിന്റെ പുതിയ അപ്ഡേഷനിൽ വീഡിയോ ചാറ്റ് & സ്ക്രീൻ ഷെയറിങ് വന്നതോടെ ഇതെല്ലാം ഒരു കുടക്കീഴിൽ കിട്ടും എന്നായിട്ടുണ്ട്.

മാസങ്ങൾക്ക് മുമ്പ് ടെലിഗ്രാം ഗ്രൂപ്പ്‌ വോയ്‌സ് ചാറ്റ് അവതരിപ്പിച്ചിരുന്നു. ഗ്രൂപ്പിനുള്ളിൽ എത്രപേർക്ക് വേണമെങ്കിലും join ചെയ്ത് പരസ്പരം സംസാരിക്കാൻ കഴിയുന്ന, Clubhouse ലേതിന് സമാനമായ വോയ്‌സ് ചാറ്റ്. ഇതിലേക്കാണ് ഇപ്പോൾ video chat & screen sharing കൂടി എത്തിയിരിക്കുന്നത്.

ടീച്ചർക്ക് (admin) ഇങ്ങനെ അതാത് ഗ്രൂപ്പിലെ വോയ്‌സ് / വീഡിയോ ചാറ്റ് വഴി ക്ലാസ്സുകൾ എടുക്കാനും സ്റ്റുഡന്റ്സിന് അത് തത്സമയം കാണാനും കേൾക്കാനും കഴിയും. ആവശ്യമെങ്കിൽ ടീച്ചർ ഒഴികെയുള്ളവരെ മ്യൂട്ട് ചെയ്യാൻ സാധിക്കും. ഇങ്ങനെ mute ചെയ്യപ്പെട്ട സമയത്തും ക്ലാസ്സിനിടക്ക് സംശയങ്ങൾ ഉണ്ടെങ്കിൽ allow me to speak ബട്ടൺ ക്ലിക്ക് ചെയ്ത് ടീച്ചറോട് സംസാരിക്കാൻ ആവശ്യപ്പെടാം. ഓരോരുത്തരുടെയും voice നിയന്ത്രിക്കാം. ടെലിഗ്രാമിൽ തന്നെ ഈ ചാറ്റുകൾ റെക്കോർഡ് ചെയ്ത് സൂക്ഷിക്കുകയും ചെയ്യാം.

വാട്സാപ്പ് ഒരിക്കലും ഒരു മോശം ആപ്പ് ആണെന്നല്ല പറഞ്ഞത്. ഓൺലൈൻ ക്ലാസ്സുകൾ ഉൾപ്പെടെയുള്ള കാര്യങ്ങൾ ഒഴിവാക്കാൻ പറ്റാത്ത ഇതുപോലുള്ള സാഹചര്യത്തിൽ വാട്സാപ്പിന് പരിമിതികളുണ്ട് എന്നത് വാസ്തവം തന്നെയാണ്. സാഹചര്യങ്ങൾക്ക് അനുസരിച്ച് ഇത്തരം കാര്യങ്ങളിൽ നമ്മുടെ തലമുറയെങ്കിലും മാറി ചിന്തിക്കേണ്ടിയിരിക്കുന്നു.

അധ്യാപകർ അടക്കമുള്ള ഒരു വലിയ വിഭാഗത്തിന് ഇന്റർനെറ്റ് വഴി ചാറ്റ് ചെയ്യാൻ, ഫോട്ടോയും വിഡിയോയും അയക്കാൻ വാട്സാപ്പിനെക്കൾ മികച്ച മാർഗ്ഗങ്ങൾ ഉണ്ടെന്നുള്ള അറിവ് ഇല്ലാത്തതിനാലുള്ള പ്രശ്നവും ഉണ്ട്.

കഴിഞ്ഞ ദിവസം കസിൻ ചേച്ചി വിളിച്ചിട്ട് ടെലിഗ്രാമിനെപ്പറ്റി കുറച്ചു സംശയങ്ങൾ ചോദിച്ചിരുന്നു.. ചേച്ചിയുടെ മോളുടെ സ്കൂളിൽ നിന്ന് വിളിച്ചിട്ട് ഇനി മുതൽ ഓൺലൈൻ ക്ലാസ്സ്‌ ടെലിഗ്രാമിൽ ആണെന്ന് പറഞ്ഞൂത്രേ. ❤️

- DeOn

Pc

iOS അപ്ലിക്കേഷൻ സ്റ്റോറിലെ സ്വകാര്യത ടാഗുകൾ ടെലിഗ്രാം വിശദീകരിച്ചു

ടെലിഗ്രാം അപ്‌ഡേറ്റുചെയ്‌ത FAQ വിൽ ആപ്പിളിന്റെ സ്വകാര്യത ലേബലുകൾ വിശദീകരിച്ചു

അപ്ലിക്കേഷന് നിയുക്തമാക്കിയ ലേബലുകളെ മെസഞ്ചർ ടീം കൂടുതലും വിമർശിക്കുന്നു, കാരണം അപ്പിളിൻ്റെ ലേബലുകൾ മിക്കതും തെറ്റിദ്ധരിപ്പിക്കുന്നതാണ്.

ആപ്പിൾ നിയോഗിച്ച ലേബലുകളുമായി താരതമ്യപ്പെടുത്തുമ്പോൾ, ഒരു ഇരട്ടത്താപ്പ് നിങ്ങൾക്ക് കാണാൻ സാധിക്കും. അപ്ലിൻ്റെ iMessage ഉപയോഗിക്കുന്ന അത്ര ഡാറ്റ മാത്രമേ ടെലഗ്രാം ഉപയോഗിക്കുന്നുള്ളൂ പക്ഷേ iMessage ഇനേകാളും ടാഗുകൾ ടെലഗ്രാമിന് നൽകി.
https://core.telegram.org/apple_privacy

ടെലിഗ്രാം യൂസർബോട്ടും ഹാക്കിങ് തട്ടിപ്പുകളും

വിവരസാങ്കേതിക വിദ്യ വളർന്നു വന്നപ്പോൾ തൊട്ട് കേൾക്കാൻ തുടങ്ങിയ ഒരു വാക്കാവും ഹാക്കിങ്. കാലാകാലങ്ങളായി വരുന്ന പല പ്രമുഖ സിനിമകളിലും സീരീസുകളിലും എല്ലാം ഒരു കീ പ്രസ്സിൽ അല്ലെങ്കിൽ തുടരെ തുടരെ കീബോർഡ് പ്രസ്സിൽ തീർത്തും അനായാസമായി സാധിക്കുന്ന ഒന്നാണ് ഹാക്കിംഗ് എന്ന ഒരു മിഥ്യാധാരണ സൃഷ്ടിച്ചുവരുന്നു. ഇതിനെ പറ്റി ആധികാരികമായി അറിയുന്നവരോട് ചോദിച്ചാൽ മനസ്സിലാകും ഇത്തരം കാര്യങ്ങൾ ഒന്നും നിത്യജീവിതത്തിൽ ഈ രീതിയിൽ നടക്കില്ല എന്ന്. എന്നാൽ ഇതിനെ പറ്റി ധാരണ ഇല്ലാത്ത പലരും തട്ടിപ്പുകൾക്ക് അകപ്പെടാറുണ്ട്. ടെലിഗ്രാമിൽ ഉയർന്നുവരുന്ന ഒരു തട്ടിപ്പിനെ പറ്റി ചർച്ച ചെയ്യാൻ ആണ് ഈ പോസ്റ്റ്.

ഈ തട്ടിപ്പിനെ പറ്റി പറയുന്നതിന് മുൻപ് അറിഞ്ഞിരിക്കേണ്ട ഒന്നാണ് യൂസർബോട്ട്. പലർക്കും ഇതിനെ പറ്റി അറിയാമായിരിക്കും. അറിയാത്തവർക്കായി അതിനെപ്പറ്റി ഒന്ന് ചുരുക്കി പറയാം. Python പോലെ ഉള്ള പ്രോഗ്രാമിങ് ലാംഗ്വേജുകൾ ഉപയോഗിച്ച് ഒരു സെർവറിന്റെ സഹായത്താൽ ഒരു യൂസറുടെ പ്രവർത്തികൾ യാന്ത്രികമായി ചെയ്യാനോ ഒരു യൂസർക്ക് സാധിക്കാത്ത ചില പ്രവർത്തികൾ ചെയ്യാനോ സാധിക്കുന്ന ഒരു യൂസറെ ആണ് യൂസർബോട്ട് എന്ന് വിളിക്കുക. പുതുതായി ഗ്രൂപ്പിൽ ചേരുന്ന മെമ്പേഴ്സിനെ സ്വാഗതം ചെയ്യാനോ നേരത്തേ നിർവചിച്ച മെസ്സേജുകൾക്ക് സ്വമേധയാ മറുപടി നൽകാനോ എല്ലാം പലരും യൂസർബോട്ട് ഉപയോഗിക്കാറുണ്ട്. യൂസർബോട്ട് എന്താണെന്ന് മനസ്സിലായെങ്കിൽ മുകളിൽ പരാമർശിച്ച തട്ടിപ്പിലേക്ക് കടക്കാം.

സാധാരണയായി യൂസേഴ്സിന്റെ പിഎം ഇൽ ആണ് പൊതുവെ ഈ തട്ടിപ്പ് കണ്ടുവരുന്നത്. നേരത്തേ പറഞ്ഞ യൂസർബോട്ടുകളുടെ സഹായത്തോടെ ആണ് ഇത്തരം തട്ടിപ്പുകൾ നടത്തുന്നത്. താഴെ കാണിച്ചിരിക്കുന്ന വീഡിയോയിലെ പോലെ സാധാരണ ഒരു വ്യകതി എഡിറ്റ് ചെയ്യുന്നതിലും വേഗതയിൽ മെസ്സേജ് എഡിറ്റ് ചെയ്യാൻ പറ്റും. യൂസർബോട്ടിന്റെ ഇത്തരം സാധ്യതകൾ ഉപയോഗിച്ചാണ് ആളുകളെ പറ്റിക്കുന്നത്. ഒരുപാട് പേർക്ക് ഇത്തരം മെസ്സേജുകൾ വരുന്നുണ്ട് എന്ന് ശ്രദ്ധയിൽ പെട്ടതാണ് ഈ ഒരു പോസ്റ്റ് എഴുതാൻ പ്രേരിപ്പിച്ചത്.

Random Message Edit with UserBot

നമ്മുടെ പലരുടെയും ഒരു ഉറ്റ ചങ്ങാതി ആയിരിക്കും നമ്മുടെ സ്മാർട്ട് ഫോൺ. നമ്മളെ പറ്റി ആരെക്കാളും രഹസ്യങ്ങൾ നമ്മുടെ സ്മാർട്ട്ഫോണിന് അറിയുന്നുണ്ടാവാം. രാവിലെ ഉറക്കം കഴിഞ്ഞു എഴുന്നേൽക്കുന്നത് തൊട്ട് രാതി ഉറങ്ങാൻ പോവുന്നതിന് തൊട്ട് മുൻപ് വരെ നമ്മുടെ കയ്യിൽ ഫോൺ ഉണ്ടാവും. നമ്മൾ ദിവസവും ആരോടൊക്കെ സംസാരിക്കുന്നു എന്തൊക്കെ സംസാരിക്കുന്നു തുടങ്ങി നമ്മുടേതായ മറ്റൊരു ഒരു ലോകം തന്നെ നമ്മുടെ സ്മാർട്ട് ഫോണിനകത്തു ഉണ്ടാവാം. അതിനാൽ തന്നെ നമ്മുടെ ഫോണിനകത്തെ വിവരങ്ങൾ നമുക്ക് അങ്ങേയറ്റം പ്രധാനപ്പെട്ടതും രഹസ്യമായി സൂക്ഷിക്കേണ്ടവയും ആവാറുണ്ട്. നമ്മൾ മറ്റാരോടും പറയാൻ ആഗ്രഹിക്കാത്ത പലതും നമ്മുടെ ഫോണിൽ ഉണ്ടാകാം. നമ്മുടെ ഇത്തരം ഭയത്തെ ആണ് ഇത്തരം "സൊ കാൾഡ് ഹാക്കർസ്" മുതലെടുക്കുന്നത്. താഴെ കൊടുത്തിരിക്കുന്ന വിഡിയോകൾ ശ്രദ്ധിക്കൂ. മുകളിൽ പ്രതിപാദിച്ച പോലെ ഏതൊരു യൂസർക്കും ഒരു യൂസർബോട്ടിന്റെ സഹായത്താൽ ചെയ്യാവുന്ന ഒരു കാര്യം തന്നെ ആണ് ചെയ്തിരിക്കുന്നത്. ഹാക്കിങ് എന്ന് ഒരു മെസ്സേജ് അയച്ച് ആ മെസ്സേജ് തന്നെ പ്രോഗ്രസ്സ് ബാർ പോലെ പല തവണ എഡിറ്റ് ചെയ്തു മാറ്റുകയാണ് ചെയ്തിരിക്കുന്നത്. ഹാക്ക് ചെയ്തു എന്ന് കാണിച്ചു തരുന്ന പല വിവരങ്ങളും ഏതൊരാൾക്കും എടുക്കാൻ സാധിക്കുന്ന പബ്ലിക് ആയ വിവരങ്ങളാണ്. ഉദാഹരണത്തിന്, നിങ്ങളുടെ പേര്, നിങ്ങളുടെ യൂസർ ഐഡി, നിങ്ങളും ആയി പങ്കിടുന്ന ഗ്രുപ്പുകളുടെ എണ്ണം എന്നിവ.

ഇതേ തരത്തിൽ ഉള്ള മറ്റൊരു തട്ടിപ്പ് ആണ് നിങ്ങളുടെ WhatsApp ഡാറ്റാബേസ് അവർ തട്ടി എടുത്തു എന്നത്. WhatsApp ഡാറ്റാബേസ് തങ്ങളുടെ സർവരിലേക്ക് അപ്‌ലോഡ് ചെയ്യപ്പെട്ടു എന്നതാണ് ഈ മെസ്സേജ്. ഒറ്റനോട്ടത്തിൽ ഇതിനെപറ്റി ഒരു ധാരണ ഇല്ലാത്ത ഒരാൾക്ക് തങ്ങൾ ഹാക്ക് ചെയ്യപ്പെട്ടു എന്ന് തോന്നിപ്പിക്കും വിധം ആണ് ഈ തട്ടിപ്പുകൾ.

Telegram Database Hack Scam

WhatsApp Database Hack Scam

ഇത്തരം തട്ടിപ്പിന് ഇരയായവരിൽ നിന്നും "ഹാക്ക് ചെയ്യപ്പെട്ട വിവരങ്ങൾ" നീക്കം ചെയ്യാൻ പണം ആവശ്യപ്പെടുന്ന മെസ്സേജ് ഞങ്ങളുടെ ശ്രദ്ധയിൽപെട്ടു. ടെലിഗ്രാം ഉപയോഗിച്ച് നടത്തി വരുന്ന ഇത്തരം ചതിക്കുഴികളിൽ നിങ്ങളാരും വീഴാതിരിക്കുക.

Credit:
Happy Telegraming,
Team Keralagram

ടെലിഗ്രാം ബാനും പ്രോക്സിയും

ഒരുപക്ഷേ ടെലിഗ്രാം ഭാവിയിൽ ഇന്ത്യയിൽ ബാൻ ആവുക ആണെങ്കിൽ എങ്ങനെ ഉപയോഗിക്കാം എന്ന് ആലോചിച്ചിട്ടുണ്ടോ? ഇതിനായി പലവഴികൾ ഉണ്ട്. ആദ്യത്തേത് പലർക്കും അറിയാവുന്നത് പോലെ ഒരു VPN ഉപയോഗിക്കുക എന്നതാണ്. ഇന്ത്യയിൽ torrent പോലെ ഉള്ള പല websites ബ്ലോക്ക് ചെയ്തപ്പോഴും പലരും ഉപയോഗിച്ചത് ഈ വഴി തന്നെ ആണ്. എന്നാൽ ഈ VPN ഉകൾക്ക് ഒരു പ്രശ്നം ഉണ്ട്. മിക്കവയും പെയ്ഡ് ആണ്. അതായത് പൈസ കൊടുത്തു ഒരു അക്കൗണ്ട് തുടങ്ങിയാൽ മാത്രമേ നിങ്ങൾക്ക് അവ ഉപയോഗിക്കാനാവൂ. ചില VPN ഉകൾ സൗജന്യമായി തങ്ങളുടെ സേവനം നൽകുന്നുണ്ട്. എന്നാൽ ഒരുപാട് ഉപഭോക്താക്കൾ ഉള്ളത് കാരണം ഇത്തരം VPN ലേക്ക് കണക്ട് ചെയ്‌താൽ നമ്മുടെ ഇന്റർനെറ്റ് വേഗത തീർത്തും മന്ദഗതിയിൽ ആവാൻ സാധ്യത ഉണ്ട്. 

പിന്നെ എന്താണ് വഴി? ഇതിനുള്ള ഉത്തരം ആണ് ടെലിഗ്രാം തന്നെ അവരുടെ ആപ്പിനകത്ത് തരുന്ന പ്രോക്സി എന്ന ഫീച്ചർ. ഈ ഒരു ഫീച്ചർ ഉപയോഗിച്ച് മറ്റു third-party ആപ്പുകളുടെ സഹായം ഇല്ലാതെ തന്നെ ബാൻ ആയ സ്ഥലങ്ങളിൽ നിന്നും ടെലിഗ്രാമിലേക്ക് കണക്ട് ചെയ്യാൻ സഹായിക്കുന്നു. ഈ ഫീച്ചർ എങ്ങനെ ഉപയോഗിക്കാം എന്ന് നോക്കാം.

ടെലിഗ്രാം പ്രോക്സി മൂന്ന് തരത്തിൽ ആണ് ഉള്ളത്. MTProto, SOCKS5, HTTP എന്നിവയാണ് അവ. ഇവ മൂന്നും തമ്മിൽ ഉള്ള പ്രധാന വ്യത്യാസം അവ ഉപയോഗിക്കുന്ന protocols അഥവാ നിയമങ്ങൾ തന്നെ ആണ്. MTProto എന്നത് ടെലിഗ്രാമിന് വേണ്ടി സ്ഥാപകരിൽ ഒരാളായ നിക്കോളായ് ഡ്യൂറോവ് നിർമിച്ചതും, SOCKS5 എന്നത് സാധാരണയായി VPN ഉപയോഗിക്കുന്നതും HTTP എന്നത് websites ഉപയോഗിക്കുന്നതും ആയ പ്രോട്ടോകോളുകൾ ആണ്. HTTP പ്രോക്‌സി നിലവിൽ Telegram Desktop ഇലും Telegram X ഇലും മാത്രമേ ലഭ്യമായിട്ടുള്ളൂ. ഏത് തരത്തിൽ ഉള്ള പ്രോക്സി ഉപയോഗിച്ചാലും ബാൻ ചെയ്തതിന് ശേഷവും ടെലിഗ്രാം ഉപയോഗിക്കാനാവും. ഇതിൽ ഓരോ പ്രോക്സിയും ലഭിക്കുന്നതിനായി പല വെബ്സൈറ്റുകളും ബോട്ടുകളും എല്ലാം ഉണ്ട്. അവയിൽ ചിലത് പരിചയപ്പെടുത്താം.

MTProto.xyz

ഈ വെബ്‌സൈറ്റിൽ MTProto പ്രോക്‌സിയും SOCKS5 പ്രോക്‌സിയും ലഭ്യമാണ്. MTProto പ്രോക്‌സിക്കായി https://mtpro.xyz/mtproto ലിങ്കിൽ പോയി ഏതെങ്കിലും ഒരു പ്രോക്സി select ചെയ്യുക. ഇപ്പോൾ ടെലിഗ്രാം ഓപ്പൺ ആയി വരും. താഴെ ഉള്ള connect ഞെക്കിയാൽ നിങ്ങൾ പ്രോക്‌സിയിലേക്ക് കണക്ട് ആവും. SOCKS5 പ്രോക്‌സിക്കായി https://mtpro.xyz/socks5 ലിങ്കിൽ പോയി ഇതേ പ്രക്രിയ തുടരുക. Screenshot താഴെ കൊടുക്കുന്നു.

Connecting to MTProto

freeproxylists, spys

ഈ 2 വെബ്സൈറ്റുകളിലും HTTP പ്രോക്‌സികൾ ലഭ്യമാണ്. ഇതിനായി http://www.freeproxylists.net/ അല്ലെങ്കിൽ https://spys.one/en/ website എടുക്കുക. അതിൽ നിന്നും കിട്ടുന്ന IP അഡ്രസ്സും port നമ്പറും ഓർത്തു വെക്കുക. ശേഷം താഴെ പറയുന്ന കാര്യങ്ങൾ ചെയ്യുക.

Telegram Desktop

Settings > Advanced > Connection Type > Use custom proxy

HTTP select ചെയ്യുക. ശേഷം website ഇൽ നിന്നും കിട്ടുന്ന IP അഡ്രസ്സും port നമ്പറും കൊടുത്ത് save ചെയ്യുക.

Connecting to HTTP Proxy in Telegram Desktop

Telegram X

Settings > Data and Storage > Proxy > Add proxy

HTTP select ചെയ്യുക. ശേഷം website ഇൽ നിന്നും കിട്ടുന്ന IP അഡ്രസ്സും port നമ്പറും കൊടുത്ത് save ചെയ്യുക.

Connecting to HTTP Proxy in Telegram X

@mtpro_xyz_bot

Bot ഇൽ പോയി start കൊടുക്കുക. ശേഷം MTProto അല്ലെങ്കിൽ SOCKS5 select ചെയ്യുക. അതിൽ നിന്നും ഒരു പ്രോക്സി select ചെയ്യുക. ശേഷം Connect കൊടുക്കുക.

@socks5_bot

Bot ഇൽ പോയി start കൊടുക്കുക. ശേഷം Get Proxy കൊടുക്കുക. ഇപ്പോൾ നിങ്ങൾക്ക് ഒരു പ്രോക്സി ലഭിക്കും. Connect via URL വഴിയോ Connect button ഇൽ ഞെക്കിയോ പ്രോക്സി connect ചെയ്യുക

ബോട്ടുകൾ വഴി ലഭിക്കുന്ന പ്രോക്‌സികൾ ആവശ്യമെങ്കിൽ നേരത്തെ add ചെയ്തു വെക്കുക. അല്ലെങ്കിൽ ടെലിഗ്രാം ബാൻ ചെയ്‌താൽ ഇവ എടുക്കാൻ സാധിക്കില്ല.

മേൽപ്പറഞ്ഞ ബോട്ടുകൾ എല്ലാം ഒരുപാട് ഉപഭോക്താക്കൾ ഉള്ളതുകാരണം ലഭ്യത കുറയാൻ സാധ്യത ഉണ്ട്. കേരളഗ്രാം യുസേഴ്‌സിന് വേണ്ടി ടീം കേരളഗ്രാം ഒരു പ്രോക്സി സെർവർ host ചെയ്തിട്ടുണ്ട്. അതിലേക്ക് connect ചെയ്യുന്നതിനായി താഴെ ക്ലിക്ക് ചെയ്യുക

                                                                    Connect🔐

Credit:

Happy Telegraming,

Team Keralagram     

ടെലിഗ്രാം ബോട്ട് കണ്ടെത്താൻ ആപ്പ് - Telegram Bots

ടെലിഗ്രാമിനെ മറ്റ് മെസ്സേജിങ്ങ് ആപ്പുകളിൽ നിന്ന് വ്യത്യസ്തമാക്കുന്നതിൽ ഒന്ന് ഇതിലെ അനവധി ബോട്ടുകളാണ്. ഒരുപാട് ആപ്പുകൾ പല കാര്യങ്ങൾക്കായി ഇൻസ്റ്റാൾ ചെയ്യുന്നതിന് ഒരു അറുതി വരുത്താൻ ഈ ബോട്ടുകൾക്ക് കഴിഞിട്ടുണ്ട്. അതിനുദാഹരണമാണ് ജിമെയിൽ ബോട്ട്, യൂട്യൂബ് ഡൗൺലോഡെർ ബോട്ടുകൾ തുടങ്ങിയവ. എന്നാൽ ഈ ബോട്ടുകൾ എല്ലാം ടെലിഗ്രാം അക്കൗണ്ട് തുറന്നാൽ നമുക്ക് കിട്ടുന്നവയല്ല. ഓരോന്നും സെർച് ചെയ്ത് കണ്ട് പിടിക്കുകയൊ അതല്ലെങ്കിൽ മറ്റുള്ളവർ പറഞ്ഞ് അറിയുകയൊ വേണം.

ഇത് ബോട്ടുകൾ ആവശ്യക്കാരിലെക്ക് എത്താൻ ഒരു തടസ്സം ഉണ്ടാക്കുന്നുണ്ട്. ഓരോ ബോട്ടും നമ്മൾ ഉപയോഗിക്കുന്ന ഓരോ ആപ്പുകളുടെ ഫലമാണ് നമുക്ക് നൽകുന്നത് എന്നറിയാമല്ലൊ.. ആപ്പുകൾ തിരഞ്ഞ് എടുക്കാൻ App Store ഉം Play Store ഉം എല്ലാം ഉണ്ട്. എന്നാൽ ടെലിഗ്രാമിലെ ഈ ബോട്ടുകൾ തിരഞ്ഞെടുക്കാൻ ഒരു നല്ല മാർഗ്ഗമില്ല എന്ന് തന്നെയാണ് കരുതുന്നത്. 

ചില ചാനലുകളും ബോട്ടുകളും ബോട്ട് സ്റ്റോർ ആയും മറ്റും ഉണ്ടെങ്കിലും തന്നെ ആകെ ബോട്ടുകളുടെ ഒരു കുറച്ച് ശതമാനം മാത്രമായിരിക്കും ഇതിൽ നിന്ന് ലഭിക്കുക. ടെലിഗ്രാം ഡെവലൊപ്മെന്റ് ടീം ഭാഗത്ത് നിന്ന് തന്നെ ടെലിഗ്രാം ബോട്ടുകൾ പബ്ലിഷ് ചെയ്യാനും അവ Category ആക്കുവാനും rating നൽകാനും ഒരു മാർഗ്ഗം ഉണ്ടായിരുന്നെങ്കിൽ Playstore ൽ നിന്ന് ആപ് തിരഞ്ഞെടുക്കുന്ന പോലെ സുഖമായിരുന്നു ബോട്ടുകൾ തിരഞ്ഞെടുക്കുന്നതും. @storebot ഇതിന് വേണ്ടി ടെലിഗ്രാം ടീം തന്നെ നിർമ്മിച്ചതാണൊ എന്നറിയില്ല.എന്തായാലും ആ ബോട്ട് നിലവിൽ വർക്കിംഗ് അല്ല.

അപ്പോൾ പറഞ്ഞ് വരുന്നത് ടെലിഗ്രാമിൽ ബോട്ടുകൾ കണ്ടെത്തുന്നത് ഒരു ആവശ്യമായ സംഗതി തന്നെയാണ്. ടെലിഗ്രാമിന്റെ ഭാഗത്ത് നിന്നും അത്തരം ഒരു നീക്കം ഉണ്ടാവാട്ടെ എന്ന് നമുക്ക് ആശംസിക്കാം.

ടെലിഗ്രാം ബോട്ടുകൾ Category ആക്കി അവ തിരഞ്ഞ് കണ്ട് പിടിക്കാൻ സഹായിക്കുന്ന ഒരു ആൻഡ്രോയ്ഡ് ആപ് InFoTel പുറത്തിറക്കിയിട്ടുണ്ട്. തിരഞ്ഞ് കണ്ട് പിടിക്കുന്നതിന് പുറമേ പുതിയ ബോട്ടുകൾ ആഡ് ചെയ്യാനും ആപിൽ സാധിക്കും. ബോട്ടുകൾ കണ്ട് പിടിക്കാൻ ഒരു ഒഫീഷ്യൽ മാർഗ്ഗം നിലവിൽ ഇല്ലാത്തത് കൊണ്ട് പലർക്കും ഇത് സഹായകരമായേക്കും. ടെലിഗ്രാമിനെ കുറിച്ച് കൂടുതൽ അറിയാത്തവർക്ക് ആയിരിക്കും ആപ് കൂടുതൽ ഉപകാരപ്പെടുക. ബോട്ട് കണ്ടെത്താൻ മറ്റ് ചാനലുകളും ബോട്ടുകളും തിരഞ്ഞ് കണ്ട് പിടിക്കണ്ട. നേരെ Play Store ൽ കയറി ആപ് ഡൗൺലോഡ് ചെയ്താൽ മതിയാകും. താഴെ ഈ ആപ് ഡൗൺലോഡ് ചെയ്യാനുള്ള ലിങ്ക് നൽകുന്നുണ്ട്.

Link:- https://play.google.com/store/apps/details?id=com.infotelbot.botlist

ബോട്ടുകൾ തിരഞ്ഞ് നടക്കുന്നവർക്ക് ഒരു സഹായമായൊട്ടെ എന്ന് കരുതി എഴുതിയ ഒരു ചെറിയ പോസ്റ്റ് ആണിത്. നിങ്ങളുടെ പുതിയ ടെലിഗ്രാം സുഹൃത്തുക്കളിലേക്ക് ഷെയർ ചെയ്ത് എത്തിക്കുമല്ലൊ...

Written By Sreehari Puzhakkal
Licensed under CC BY 4.0. To view a copy of this license, visit https://creativecommons.org/licenses/by/4.0
@mallutechtrick | @mtt_official

കഴിഞ്ഞ 4 മാസത്തിൽ ടെലിഗ്രാം 161 ദശലക്ഷം പ്രാവശ്യം ഡൗൺലോഡ് ചെയ്യപ്പെട്ടു

ആപ്പ് സ്റ്റോറിലെയും ഗൂഗിൾ പ്ലേയിലെയും ടെലിഗ്രാം അപ്ലിക്കേഷൻ ഡൗൺലോഡുകളുടെ എണ്ണം മുൻ വർഷത്തെ അപേക്ഷിച്ച് 98% വർദ്ധിച്ച് 161 ദശലക്ഷത്തിലധികം ഇൻസ്റ്റാളേഷനുകളിൽ എത്തി.

2021 ജനുവരിയിൽ ടെലിഗ്രാം 63.5 ദശലക്ഷം ഇൻസ്റ്റാളുകളിൽ എത്തിയിരുന്നു, ഒരു വർഷം മുമ്പ് ഇത് 16.6 ദശലക്ഷമായിരുന്നു. ഈ വർഷം ഏപ്രിലിൽ 26.2 ദശലക്ഷം ഡൗൺലോഡുകളിലേക്ക് ഒരു ചെറിയ ഇടിവ് സംഭവിച്ചു, കഴിഞ്ഞ വർഷം ഏപ്രിലിൽ ഇത് 27 ദശലക്ഷം ഡൗൺലോഡുകളായിരുന്നു.

ഈ വർഷത്തെ ടെലിഗ്രാമിന്റെ വളർച്ചയ്ക്ക് കാരണം വാട്ട്‌സ്ആപ്പിന്റെ സ്വകാര്യതാ നയത്തിന്റെ അപ്‌ഡേറ്റ് ആയിരുന്നു, അതനുസരിച്ച് ഉപയോക്താക്കളുടെ സ്വകാര്യ ഡാറ്റ ഇപ്പോൾ ഫേസ്ബുക്കുമായി പങ്കിടും.

അവതരിപ്പിച്ച സ്ഥിതിവിവരക്കണക്കുകളിൽ 2021 ജനുവരി മുതൽ ഏപ്രിൽ വരെയുള്ള ഡാറ്റ ഉൾപ്പെടുന്നു.

ആപ്പിള്‍ ഉപയോക്താക്കള്‍ ഡിജിറ്റര്‍ അടിമകളാണെന്ന് ടെലിഗ്രാം സ്ഥാപകൻ

ഐഫോണ്‍ ഉപയോഗിക്കുന്നവര്‍ ആപ്പിളിന്റെ 'ഡിജിറ്റൽ അടിമ'കളാണെന്ന് ടെലിഗ്രാം സ്ഥാപകൻ പവൽ ഡുറോവ്. ചൈനയുമായുള്ള ആപ്പിളിന്റെ ബന്ധം എടുത്തുകാണിക്കുന്ന ന്യൂയോർക്ക് ടൈംസിന്റെ റിപ്പോർട്ടിനെ തുടർന്നാണ് ഡുറോവ് ആപ്പിളിനെക്കുറിച്ച് തൻ്റെ ടെലിഗ്രാം ചാനലിലൂടെ പ്രതികരിച്ചത്.

 

ആൻഡ്രോയിഡ് ഫോണുകൾ ഐഫോണുകളേക്കാൾ മികച്ചതാണെന്നാണ് ഡുറോവ് കരുതുന്നത്. "ആപ്പിൾ അവരുടെ ബിസിനസ്സ് മോഡൽ പിന്തുടരുന്നതിൽ വളരെ കാര്യക്ഷമമാണ്, അത് അവരുടെ ഇക്കോസിസ്റ്റത്തിൽ ലോക്ക് ചെയ്തിട്ടുള്ള ഉപയോക്താക്കൾക്ക് അമിതവിലയും കാലഹരണപ്പെട്ട ഹാർഡ്‌വെയറും വിൽക്കുന്നതിനെ അടിസ്ഥാനമാക്കിയുള്ളതാണ്," ഡുറോവ് പറഞ്ഞു. 

"ഞങ്ങളുടെ ഐ.ഒ.എസ് ആപ്ലിക്കേഷൻ പരീക്ഷിക്കാൻ ഒരു ഐഫോൺ ഉപയോഗിക്കുമ്പോഴെല്ലാം വീണ്ടും മധ്യകാലഘട്ടത്തിലേക്ക് പോകുന്നത് പോലെയാണ് എനിക്ക് തോന്നുന്നത്. കൂടുതൽ സുഗമമായ ആനിമേഷനുകളെ പിന്തുണയ്‌ക്കുന്ന ആധുനിക ആൻഡ്രോയിഡ് ഫോണുകളുടെ 120Hz ഡിസ്‌പ്ലേകളുമായി ഐഫോണിന്റെ 60Hz ഡിസ്‌പ്ലേകൾക്ക് മത്സരിക്കാനാവില്ല" അദ്ദേഹം വ്യക്തമാക്കി. ഐ ഫോൺ കാരണം ഒരാള്‍ ആപ്പിളിന്റെ "ഡിജിറ്റൽ അടിമ" ആക്കുന്നു, കാരണം ആപ്പ് സ്റ്റോർ വഴി ഇൻസ്റ്റാൾ ചെയ്യാൻ കമ്പനി അനുവദിക്കുന്ന ആപ്ലിക്കേഷനുകൾ മാത്രമേ ഉപയോക്താക്കൾക്ക് ഉപയോഗിക്കാൻ അനുവാദമുള്ളൂ. 

ഐഒഎസുകളിലേക്കാണ് ടെലിഗ്രാം ആദ്യമായി ലോഞ്ച് ചെയ്തത് എന്നതാണ് രസകരമായ കാര്യം. 2013ൽ മാത്രമാണ് ആൻഡ്രോയിഡ് ഉപയോക്തക്കൾക്കായി ടെലിഗ്രാം ആരംഭിച്ചത്

ടെലിഗ്രാമിൽ സ്റ്റാറ്റസ് / സ്റ്റോറിസ് ഫീച്ചർ വരുമോ?

വാട്ട്സ്ആപ്പ് ഉം ടെലിഗ്രാം ഉം തമ്മിലുള്ള പ്രധാന വ്യത്യാസങ്ങളിൽ ഒന്നാണ് വാട്സാപ്പിലെ status ഫീച്ചർ. വന്നിട്ട് ഒരുപാട് നാളുകൾ ഒന്നും ആയില്ലെങ്കിലും ഒരു വലിയ വിഭാഗം യുവാക്കളെ വാട്സാപ്പിൽ തന്നെ തുടരാൻ പ്രേരിപ്പിക്കുന്ന ഘടകം അതിലെ status tab ആണ്. (ഇതിന് ഒരുപാട് haters ഉണ്ടെന്ന സത്യവും വിസ്മരിക്കുന്നില്ല) 

Personally, അതുവരെ നമ്പർ കയ്യിൽ ഉണ്ടായിട്ടും പരസ്പരം മിണ്ടാതിരുന്ന ചില ആളുകളോട് conversation start ചെയ്യാനും കൂടുതൽ കമ്പനി ആവാനും ഒക്കെ ഈ status reply ഫീച്ചർ സഹായിച്ചിട്ടുണ്ട്. 

ആക്റ്റീവ് ആയ കോളേജ് ഗ്രൂപ്പ് chats ഒഴിച്ചു നിർത്തിയാൽ ഏതാണ്ട് ഒരു അവാർഡ് സിനിമ പോലെ ആയിരുന്നു എന്റെയൊക്കെ അന്നത്തെ വാട്സാപ്പ് ജീവിതം. ഇപ്പൊ ഒരു സ്റ്റാറ്റസ് ഇട്ടാൽ പിന്നെ ബാക്കിയുള്ള സമയം മുഴുവൻ എയറിൽ ആണ് 

ഇനി കാര്യത്തിലേക്ക് വരാം...

വാട്സാപ്പിന്റെ പുതിയ പ്രൈവസി പോളിസി ഭൂരിഭാഗം യൂസേഴ്സും കാര്യമാക്കാൻ പോകുന്നില്ല എങ്കിലും മാറി ചിന്തിക്കുന്ന ഒരു വിഭാഗം ഉണ്ടാവും. മറ്റൊരു platform ലേക്ക് മാറുന്ന അവർക്ക് (എല്ലാവരും അല്ല) miss ചെയ്യാൻ പോകുന്ന ഒരു കാര്യം ഈ status tab ആയിരിക്കും.

Signal ഉം ടെലിഗ്രാം ഉം ആണ് top best alternatives. ഇതിൽ ടെലിഗ്രാമിൽ ആണ് ഇപ്പോൾ അത്യാവശ്യം ആളനക്കം ഉള്ളത്. So ടെലിഗ്രാമിൽ ഉടനെ എങ്ങാനും status feature കൊണ്ടുവരുമോ?

ഒരു സാധ്യത കാണുന്നുണ്ട് എന്നാണ് ടെലിഗ്രാമിന്റെ ഈ ട്വീറ്റിൽ നിന്ന് മനസ്സിലാവുന്നത് നേരത്തെ പറഞ്ഞതു പോലെ ഒരുപാട് പേർക്ക് ഇതിൽ എതിർപ്പും ഉണ്ടാവാം. എന്നാലും ടെലിഗ്രാം കൊണ്ടു വന്നാൽ അതിൽ എന്തെങ്കിലും ഒക്കെ പ്രത്യേകത ഉണ്ടാവും എന്നാണ് പ്രതീക്ഷ! 

(ഉദാഹരണത്തിന്, stickers ഫീച്ചർ ഒക്കെ പല മെസ്സേജിങ് ആപ്പുകളിലും use ചെയ്തിട്ടുണ്ടെങ്കിലും ടെലിഗ്രാമിലേത് superb ആണ്.) നേരത്തെ, tab ഫീച്ചർ കൊണ്ടുവരില്ല എന്ന നിലപാട് ആയിരുന്നു ടെലിഗ്രാമിന്.

"Tabs are for losers, we've got better stuff in mind"

എന്നാണ് അന്നൊരു dev പറഞ്ഞത് അതുകൊണ്ട് തന്നെ മിക്കവരും Plus messenger പോലുള്ള ക്ലയന്റ് ആപ്പുകൾ തേടി പോയി. പിന്നീട് ടെലിഗ്രാം തന്നെ folders എന്ന പേരിൽ tabs അവതരിപ്പിച്ചിരുന്നു.

The past is an illusion

So, status ഫീച്ചർ വരുന്ന കാലവും വിദൂരമല്ല എന്ന് പ്രതീക്ഷിക്കാം

-DeOn

ടെലിഗ്രാം വഴി വ്യാജ കോപ്പി പ്രചരിക്കുന്നത് കുറ്റമാണെന്ന് ചെയ്യുന്നവര്‍ അറിയുന്നില്ല

കൊവിഡ് കാലത്ത് മലയാള സിനിമയുടെ മുന്നില്‍ തുറന്ന ഒരു ആശ്വാസവഴിയാണ് ഓവര്‍ ദി ടോപ്പ് (ഒടിടി) പ്ലാറ്റ്ഫോമുകള്‍. ഒരു വര്‍ഷത്തോളം തിയറ്ററുകള്‍ അടഞ്ഞുകിടന്ന കൊവിഡ് ആദ്യ തരംഗത്തിന്‍റെ കാലത്താണ് പതിയെ ആണെങ്കിലും ഒടിടി ലോകത്തിലേക്ക് മലയാള സിനിമയ്ക്കും കൂടുതല്‍ പ്രവേശനം ലഭിച്ചത്. 'സൂഫിയും സുജാതയും' എന്ന ചിത്രത്തിലൂടെ നേരത്തെ ആരംഭിച്ച ഡയറക്റ്റ് ഒടിടി റിലീസ് രീതിയിലേക്ക് പിന്നാലെ വേറെയും ചിത്രങ്ങള്‍ എത്തി. കൂടാതെ തിയറ്റര്‍ പ്രദര്‍ശനം അവസാനിപ്പിച്ച സിനിമകള്‍ക്ക് സാറ്റലൈറ്റ് അല്ലാതെ മറ്റൊരു വരുമാനമാര്‍ഗ്ഗം കൂടിയായി ഒടിടി. ഒടിടി എന്നാല്‍ ആമസോണ്‍ പ്രൈമും നെറ്റ്ഫ്ളിക്സും മാത്രമായിരുന്ന കാലത്തുനിന്ന് പ്രാദേശിക ഒടിടികളുടെ വരവിലേക്കും സമീപകാലം സാക്ഷ്യം വഹിച്ചു.

ടെലിഗ്രാം വഴി വ്യാജ കോപ്പി പ്രചരിക്കുന്നത് ചൂണ്ടിക്കാട്ടി ചലച്ചിത്ര പ്രവര്‍ത്തകര്‍ തങ്ങളെ സമീപിക്കുന്നില്ലെന്നാണ് സൈബര്‍ സെല്‍ ഉദ്യോഗസ്ഥര്‍ അറിയിച്ചതെന്നും ആശാപ്രഭ പറയുന്നു. "ടെലിഗ്രാമില്‍ സിനിമ പ്രചരിപ്പിക്കുന്നവര്‍ക്ക് തങ്ങള്‍ ചെയ്യുന്നത് ഒരു ക്രൈം ആണെന്ന് അറിയില്ല. പക്ഷേ നമ്മുടെ സൈബര്‍ സെല്‍ ഭയങ്കര ആക്റ്റീവ് ആണ്. പക്ഷേ ആരും പരാതി കൊടുക്കുന്നില്ല എന്നാണ് സൈബര്‍ സെല്‍ ഉദ്യോഗസ്ഥര്‍ പറയുന്നത്. പരാതി കൊടുത്താലേ അവര്‍ക്ക് ആക്ഷന്‍ എടുക്കാന്‍ പറ്റൂ. ഞാന്‍ പരാതി കൊടുത്ത് ഒരു മണിക്കൂറിനകം അവര്‍ ആക്ഷന്‍ എടുത്തു. തിരുവനന്തപുരത്തെ സൈബര്‍ സെല്‍ ശരിക്കും ഹൈടെക്ക് ആണ്. 

സിനിമകളുടെ വ്യാജപതിപ്പുകള്‍ പ്രചരിപ്പിക്കുന്നത് നോണ്‍ ബെയ്‍ലബിള്‍ ഒഫെന്‍സ് ആണെന്ന് ആളുകള്‍ക്ക് അറിയില്ല. ടെലിഗ്രാമില്‍ വരുന്നത് കാണുന്നതില്‍ എന്താണ് കുഴപ്പമെന്നൊക്കെയാണ് ആളുകള്‍ ചോദിക്കുന്നത്. അത് അവരുടെ അവകാശം പോലെയാണ്. പടം നല്ലതോ മോശമോ എന്ന് പറയാന്‍ കാണുന്നവര്‍ക്ക് അഭിപ്രായസ്വാതന്ത്ര്യം ഉണ്ട്. ചെയ്യുന്നത് ഉദാത്ത സൃഷ്ടിയാണെന്ന് ഞങ്ങള്‍ പറയുന്നുമില്ല. പക്ഷേ നമ്മള്‍ കഷ്ടപ്പെട്ട് ഉണ്ടാക്കിയ ഒരു കണ്ടന്‍റ് അല്ലേ ഇത്", ആശാപ്രഭ ചോദിക്കുന്നു.

നിരാശ പങ്കുവച്ച പോസ്റ്റിനു താഴെ എത്തിയ ഭീഷണി

"പേ പെര്‍ വ്യൂ മാതൃകയില്‍ മൂന്ന് ഒടിടി പ്ലാറ്റ്ഫോമുകളില്‍ 13-ാം തീയതിയാണ് ചിത്രം റിലീസ് ചെയ്തത്. ഇതൊരു ചെറിയ സിനിമയായതിനാല്‍ ടെലിഗ്രാമിലൊന്നും വരില്ലെന്നാണ് കരുതിയിരുന്നത്. കഴിഞ്ഞ ദിവസമാണ് സിനിമ ടെലിഗ്രാമില്‍ എത്തിയെന്ന് അറിഞ്ഞത്. അപ്പോള്‍ത്തന്നെ ഐടി സെല്ലിന് ഇ മെയില്‍ വഴി ഒരു പരാതി അയച്ചു. ഐടി സെല്‍ ആണ് സൈബര്‍ സെല്ലിന് വിട്ടത്. എന്‍റെ സങ്കടം പങ്കുവച്ചുകൊണ്ട് എഴുതിയ ഫേസ്ബുക്ക് പോസ്റ്റ് ഒരു ഓണ്‍ലൈന്‍ മാധ്യമം വാര്‍ത്തയാക്കിയിരുന്നു. അതിനു താഴെത്തന്നെ ഒരു ടെലിഗ്രാം ചാനലിന്‍റെ ലിങ്കുമായി ഒരാള്‍ എത്തി. ഈ സിനിമ മാത്രമല്ലെന്നും നായാട്ട്, നിഴല്‍, ജാവ, ബിരിയാണി തുടങ്ങി ഏത് പുതിയ സിനിമയ്ക്കും ഈ ലിങ്കില്‍ വന്നാല്‍ മതിയെന്നും പറഞ്ഞായിരുന്നു കമന്‍റ്. ഈ സ്ക്രീന്‍ ഷോട്ട് സൈബര്‍ സെല്ലിന് കൈമാറി, 

ഒരു മണിക്കൂറിനുള്ളില്‍ അവര്‍ കമന്‍റ് ഇട്ടയാളെ പിടികൂടി. 20 വയസുള്ള ഒരു പയ്യനായിരുന്നു അത്. കോപ്പിറൈറ്റ് ആക്റ്റ് പ്രകാരം നോണ്‍ബെയ്‍ലബിള്‍ ഒഫെന്‍സ് ആണ് ഇത്. എന്‍റെ ഉടമസ്ഥാവകാശത്തിന് ഞാനിടുന്ന വില, അത് കെട്ടിവച്ചാലേ ജാമ്യം ലഭിക്കൂ. പക്ഷേ ഇത് 20 വയസുള്ള ഒരു പയ്യന്‍ ആയതുകൊണ്ടും ഞാനും രണ്ട് ആണ്‍കുട്ടികളുടെ അമ്മ ആയതുകൊണ്ടും അവന്‍റെ കരച്ചില്‍ കണ്ട് ഞാന്‍ പിന്മാറുകയായിരുന്നു. അവന്‍ ക്ഷമ ചോദിച്ച് ഒരു പോസ്റ്റ് ഇട്ടു. ലിങ്കുകളൊക്കെ ഡിലീറ്റ് ചെയ്തു. ഇനി മേലാല്‍ ചെയ്യില്ല എന്നൊക്കെ പറഞ്ഞപ്പോള്‍ ഒരു തവണത്തേക്ക് ഇളവ് കൊടുക്കാം, തല്‍ക്കാലം നടപടി വേണ്ട എന്ന തീരുമാനത്തില്‍ എത്തുകയായിരുന്നു. ഞാന്‍ പറഞ്ഞതിനു ശേഷം മാത്രമാണ് സൈബര്‍ സെല്‍ അവനെ വിട്ടയച്ചത്. പുതിയ ലിങ്കുകള്‍ വരുന്നതൊക്കെ അവര്‍ ഡിലീറ്റ് ചെയ്യുന്നുണ്ട്.", ആശാപ്രഭ പറയുന്നു.

നിരോധിത വിവരങ്ങൾ ഇല്ലാതാക്കാൻ വിസമ്മതിച്ചതിന് ടെലിഗ്രാമിനു വീണ്ടും 16 ദശലക്ഷം റുബിളുകൾ പിഴ

മോസ്കോയിലെ മജിസ്‌ട്രേറ്റ് കോടതി ജൂൺ 10 ന് ടെലിഗ്രാം മെസഞ്ചറിനെതിരെ പിഴ ഈടാക്കുന്നത് പരിഗണിക്കും. വിലക്കപ്പെട്ട ഇൻഫർമേഷൻ ഇല്ലാതാക്കാൻ വിസമ്മതിച്ചതിനാണ് റോസ്‌കോംനാഡ്‌സോറിന്റെ ഈ പിഴ ശിക്ഷ.

നേരത്തെ, മോസ്കോയിലെ ടാഗാൻസ്‌കി ജില്ലയിലെ ലോക ജുഡീഷ്യൽ വകുപ്പ് ടെലിഗ്രാം മെസഞ്ചറിന് രണ്ട് റോസ്‌കോംനാഡ്‌സർ പ്രോട്ടോക്കോളുകൾ പ്രകാരം 5 ദശലക്ഷം റുബിളുകൾക്ക് പിഴ ചുമത്തിയിരുന്നു.

ടെലിഗ്രാം ഒരു ഒടിടി പ്ലാറ്റ്‌ഫോമാണെന്ന് പലരും കരുതുന്നു'; വ്യാജപതിപ്പുകൾക്കെതിരെ ഓപ്പറേഷൻ ജാവ സംവിധായകൻ

ടെലിഗ്രാമിലൂടെ സിനിമകളുടെ വ്യാജപതിപ്പുകൾ പ്രചരിപ്പിക്കുന്നതിനെതിരെ ഓപ്പറേഷൻ ജാവ സംവിധായകൻ തരുൺ മൂർത്തി. പലരും ടെലിഗ്രാമിനെ ഒരു ഒടിടി പ്ലാറ്റ്‌ഫോമായാണ് കാണുന്നതെന്നും ഓപ്പറേഷൻ ജാവ എന്ന് ടെലിഗ്രാമിൽ എത്തുമെന്ന ചോദ്യത്തിന് ഉത്തരം നൽകുന്നതിൽ പ്രയാസമുണ്ടെന്നും അദ്ദേഹം പറഞ്ഞു. ഫേസ്ബുക്കിലൂടെയാണ് അദ്ദേഹത്തിന്റെ പ്രതികരണം.

ഫെബ്രുവരി മാസമേ പുറത്തിറങ്ങിയ ഓപ്പറേഷൻ ജാവ സൈബർ കുറ്റകൃത്യങ്ങളെക്കുറിച്ചും സൈബർ സെല്ലിന്റെ പ്രവർത്തനങ്ങളെക്കുറിച്ചുമായിരുന്നു സംസാരിച്ചത്. അതിൽ തന്നെ ആദ്യ കേസാകട്ടെ സിനിമ പൈറസിയെക്കുറിച്ചും.

അതേസമയം ബിരിയാണി എന്ന ചിത്രത്തിന്റയെ സംവിധായകൻ സജിൻ ബാബുവും ടെലിഗ്രാമിലൂടെ സിനിമ കാണുന്നത് അവസാനിപ്പിക്കണം എന്നാവശ്യപ്പെട്ട് രംഗത്തെത്തിയിട്ടുണ്ട്.

ഏഴ് മണിക്കൂറില്‍ പന്ത്രണ്ടായിരം കാഴ്ചക്കാരുമായി 'ബിരിയാണി', ടെലഗ്രാമില്‍ വ്യാജന്‍ കാണരുതെന്ന് സംവിധായകന്‍

സജിന്‍ ബാബു സംവിധാനം ചെയ്ത ബിരിയാണി കേവ് എന്ന ഒടിടി പ്ലാറ്റ്‌ഫോമിലൂടെ റിലീസ് ചെയ്ത് ഏഴ് മണിക്കൂറിനകം കണ്ടത് പന്ത്രണ്ടായിരം പേര്‍. ടെലിഗ്രാം വഴി പൈറേറ്റഡ് കോപ്പി കാണാന്‍ ശ്രമിക്കരുതെന്നും കേവ് വഴി തന്നെ കാണണമെന്നും സംവിധായകന്‍ സജിന്‍ ബാബു. കനി കുസൃതി കേന്ദ്രകഥാപാത്രമായ ബിരിയാണി നിരവധി രാജ്യാന്തര അംഗീകാരങ്ങള്‍ക്ക് ശേഷമാണ് സ്ട്രീമിംഗ് പ്ലാറ്റ്‌ഫോമിലെത്തുന്നത്.

സജിന്‍ ബാബുവിന്റെ ഫേസ്ബുക്ക് പോസ്റ്റ്

ഇന്നലെ രാത്രി മുതല്‍ ബ്ലോക്ക് എക്‌സ് എന്ന ആന്റി പൈറസി കമ്പനിയും ടെലിഗ്രാം ഗ്രൂപ്പുകളും തമ്മില്‍ സാറ്റ് കാളി നടക്കുന്നു. ടെലിഗ്രാം വഴി പൈറേറ്റഡ് കോപ്പി കാണാതെ കേവ് എന്ന ആപ്പ് വഴി സിനിമ കാണണമെന്ന് അഭ്യര്‍ത്ഥിക്കുന്നു. 99രൂപ കൊടുത്ത് ബിരിയാണി കാണാന്‍ കഴിയാത്തവര്‍ ഉണ്ടെങ്കില്‍ എനിക്ക് മെസ്സേജ് തന്നാല്‍ ഞാന്‍ പ്രൈവറ്റ് ലിങ്ക് അയച്ചു തരുന്നതാണ്.

സോഷ്യല്‍ മീഡിയയില്‍ നിരവധി പേര്‍ സിനിമയെ പ്രശംസിച്ച് രംഗത്ത് വന്നിട്ടുണ്ട്.

യു.എ.ഇയിലെ ധനികരിൽ ഒന്നാമനായി റഷ്യക്കാരനായ ടെലിഗ്രാം സ്ഥാപകൻ പവേൽ ദുരോവ്

ഫോബ്‌സ് പുറത്തിറക്കിയ ശതകോടീശ്വരന്മാരുടെ പട്ടിക പ്രകാരം, 63 ബില്യൺ ദിർഹം ആസ്തിയുമായി യു.എ.ഇയിലെ ധനികരിൽ ഒന്നാമനായി റഷ്യക്കാരനായ ടെലിഗ്രാം സ്ഥാപകൻ പവേൽ ദുരോവ്.

2021 ൽ ലോകത്തെ ഏറ്റവും സമ്പന്നരായ ആളുകളിൽ പതിനൊന്ന് യു.എ.ഇ നിവാസികൾ തിരഞ്ഞെടുക്കപ്പെട്ടു. ഇതിൽ രണ്ടുപേർ പുതിയ ആളുകളാണ്. ഇവർക്കെല്ലാം ചേർത്ത് 159 ബില്യൺ ദിര്ഹത്തിന്റെ ആസ്തിയാണ് ഉള്ളത്. മലയാളികളായ രവി പിള്ള, എം‌.എ യൂസഫലി, സണ്ണി വർക്കി എന്നിവരും ലിസ്റ്റിൽ ഇടം പിടിച്ചിട്ടുണ്ട്.

ഫെയ്‌സ്ബുക്കിന്റെ ഉടമസ്ഥതയിലുള്ള വാട്ട്‌സ്ആപ്പ് പുതിയ സ്വകാര്യതാ നയം പ്രഖ്യാപിച്ചതിന് ശേഷമാണ് ടെലിഗ്രാം മെസ്സേജിങ് ആപ്ലിക്കേഷൻ ജനപ്രിയമായത്. ഡുറോവിന്റെ സമ്പത്ത് വളരെയധികം വർദ്ധിക്കുന്നതിന് ഇത് കാരണമായി. ലോകമെമ്പാടും 500 ദശലക്ഷത്തിലധികം ഉപയോക്താക്കളാണ് ടെലിഗ്രാമിനുള്ളത്.

ഇതിന്റെ ഫലമായി ഡുറോവിന്റെ സമ്പത്ത് 2020 ലെ 3.4 ബില്യൺ ഡോളറിൽ നിന്ന്, ഒരു വർഷത്തിൽ 405 ശതമാനത്തിലധികം വർദ്ധിച്ച് 2021 ൽ 17.2 ബില്യൺ ഡോളറായി.

എന്തുകൊണ്ട് ബോണ്ട് ഹോൾഡർമാർ ടെലിഗ്രാമിനെ സ്വാധീനിക്കില്ല

ബോണ്ടുകൾ സ്വന്തമാക്കുന്നത് കാര്യമായ സ്വാധീനത്തെ സൂചിപ്പിക്കുന്നില്ല. ടെലിഗ്രാം ബോണ്ടുകൾ ഏതൊരു നിക്ഷേപകനും ഇപ്പോൾ വിപണിയിൽ വാങ്ങാൻ കഴിയുന്ന കടത്തിന്റെ ഒരു രൂപമാണ്, ഈ നിക്ഷേപകർക്കൊന്നും ടെലിഗ്രാമിന്റെ നയങ്ങളെ സ്വാധീനിക്കുന്നതിനോ അവകാശങ്ങളൊന്നും ലഭിച്ചിട്ടില്ല.

"ബോണ്ടുകൾ വിതരണം ചെയ്യുന്നത് ഷെയറുകൾ വിൽക്കുന്നതിൽ നിന്ന് വളരെ വ്യത്യസ്തമാണ്, ഷെയറിൽ നിക്ഷേപകർക്ക് വോട്ടിംഗ് ഷെയറുകൾ, ഡയറക്ടർ ബോർഡിലെ സീറ്റുകൾ മുതലായവ ലഭിക്കുന്നു. എന്റെ പോസ്റ്റിൽ ഞാൻ സൂചിപ്പിച്ചതുപോലെ, ബോണ്ടുകളുടെ പ്രശ്നം ടെലിഗ്രാമിന് അതിന്റെ സ്വാതന്ത്ര്യം ബലിയർപ്പിക്കാതെ ഫണ്ട് സ്വരൂപിക്കാൻ സാധിക്കുന്നു എന്നതാണ്" - പവേൽ ചേർത്തു.

ടെലിഗ്രാമിൽ വോയ്സ്, വീഡിയോ കോളുകൾ ചെയ്യുന്നതെങ്ങനെ?

ഫീച്ചറുകളാൽ സമ്പന്നമായ മെസഞ്ചർ അപ്ലിക്കേഷനുകളിലൊന്നാണ് ടെലിഗ്രാം. ടെലിഗ്രാം വീഡിയോ, വോയ്‌സ് കോളുകൾക്കായും ഉപയോഗിക്കാം. നിങ്ങൾക്ക് അതിവേഗ കണക്ഷനുള്ള ഒരു ഡാറ്റ പ്ലാൻ ഉണ്ടെങ്കിലോ സ്ഥിരമായ വൈഫൈ കണക്ഷനുമായി കണക്റ്റുചെയ്‌തിട്ടുണ്ടെങ്കിലോ, നിങ്ങൾക്കും അപ്ലിക്കേഷന്റെ വീഡിയോ, വോയ്‌സ് കോളുകൾ ഉപയോഗിക്കാൻ കഴിയും.

ടെലിഗ്രാം കോളുകൾ നിങ്ങളുടെ പ്രാഥമിക കോളിംഗ് മോഡായി ഉപയോഗിക്കാനും സാധിക്കും. കൂടാതെ നിങ്ങൾ മോശം നെറ്റ്‌വർക്ക് കണക്ഷനുള്ള ഒരു പ്രദേശത്താണ് താമസിക്കുന്നതെങ്കിലും ശക്തമായ വൈ-ഫൈ കണക്ഷൻ ഉണ്ടെങ്കിൽ, ടെലിഗ്രാം കോളുകൾ ഉപയോഗിക്കാം.

ടെലിഗ്രാം വോയ്‌സ്, വീഡിയോ കോളുകൾ ചെയ്യാനുള്ള ഘട്ടങ്ങൾ

സ്റ്റെപ്പ് 1: ടെലിഗ്രാമിൽ ആരെയാണോ കോൾ ചെയ്യാനുദ്ദേശിക്കുന്നത് അവരുടെ ചാറ്റ് തുറക്കുക. ഇതിനായി ആദ്യം, ടെലിഗ്രാം തുറന്ന് നിങ്ങൾ വിളിക്കാൻ ആഗ്രഹിക്കുന്ന കോൺടാക്റ്റിന്റെ ചാറ്റ് വിൻഡോ തുറന്നാൽ മതി.

സ്റ്റെപ്പ് 2: മുകളിൽ വലതുവശത്തുള്ള മൂന്ന്കുത്തുകളുള്ള മെനു തുറക്കുക

ത്രീ-ഡോട്ട് മെനു തുറന്നാൽ വീഡിയോ കോൾ, വോയ്‌സ് കോൾ എന്നിവ ഉൾപ്പെടെ കുറച്ച് ഓപ്ഷനുകൾ ഇവിടെ കാണാം.

സ്റ്റെപ്പ് 3: നിങ്ങളുടെ കോൺ‌ടാക്റ്റിനെ വിളിക്കുക.

ടെലിഗ്രാമിൽ ഒരു വോയ്‌സ് കോൾ ആരംഭിക്കുന്നതിന് വോയ്‌സ് കോൾ എന്ന ക്ലിക്കുചെയ്യാം. ഒരു വീഡിയോ കോൾ ആരംഭിക്കുന്നതിന് വീഡിയോ കോൾ ഓപ്ഷനിൽ ക്ലിക്കുചെയ്യുക.

ടെലിഗ്രാം ഗ്രൂപ്പ് വോയ്‌സ് ചാറ്റ്

ഒരു ഗ്രൂപ്പിലെ എല്ലാവരുമായും ഒരേസമയം സംസാരിക്കാൻ നിങ്ങൾ ആഗ്രഹിക്കുന്നുവെങ്കിൽ ഗ്രൂപ്പ് വോയ്സ് ചാറ്റ് ഉപയോഗിക്കാം. ടെലിഗ്രാമിൽ ഇതുവരെ ഗ്രൂപ്പ് വോയ്‌സ് കോൾ ഇല്ല. എന്നിരുന്നാലും, അതിന് പകരം വോയ്‌സ് ചാറ്റ് മോഡ് ഉപയോഗിക്കാം. അവിടെ ഗ്രൂപ്പ് അംഗങ്ങളോട് കോളിന് സമാനമായ ഒരു തത്സമയ വോയ്‌സ് ചാറ്റ് നടത്താൻ കഴിയും. അവിടെ ആർക്കും ചാറ്റിൽ നിന്ന് ഇറങ്ങിപ്പോവാനും ആവശ്യമുള്ളപ്പോൾ വീണ്ടും ചേരാനുമാകും.

ടെലിഗ്രാമിൽ ഒരു ഗ്രൂപ്പ് വോയ്‌സ് ചാറ്റ് തുടങ്ങുന്നതെങ്ങനെ?

സ്റ്റെപ്പ് 1: ഒരു വോയ്‌സ് ചാറ്റ് ആരംഭിക്കാൻ ആഗ്രഹിക്കുന്ന ഗ്രൂപ്പ് തുറക്കുക.

സ്റ്റെപ്പ് 2: ഗ്രൂപ്പ് ഡീറ്റെയിൽസ് പേജ് തുറക്കുന്നതിന് ഗ്രൂപ്പിന്റെ പേരിൽ ക്ലിക്കുചെയ്യുക.

സ്റ്റെപ്പ് 3: മുകളിൽ വലതുവശത്തുള്ള ത്രീ-ഡോട്ട് മെനുവിൽ ക്ലിക്കുചെയ്‌ത് വോയ്‌സ് ചാറ്റ് തിരഞ്ഞെടുക്കുക.

‘വണി’ന്‍റെ വ്യാജ പ്രിന്‍റ് വ്യാപകം; കടുത്ത നടപടികളുമായി അണിയറ പ്രവർത്തകർ

മമ്മൂട്ടി നായകനായ വണ്‍ മികച്ച പ്രതികരണം നേടി മുന്നേറിക്കൊണ്ടിരിക്കുകയാണ്. മുഖ്യമന്ത്രി കടയ്ക്കല്‍ ചന്ദ്രന്‍ എന്ന കഥാപാത്രത്തെയാണ് മുഖ്യമന്ത്രി അവതരിപ്പിക്കുന്നത്. ചിത്രത്തിലെ വേറിട്ട രാഷ്ട്രീയം തന്നെയാണ് ചര്‍ച്ചയാകുന്നത്. ഇതിനിടെ ചിത്രത്തിന്‍റെ വ്യാജ പ്രിന്‍റ് വ്യാപകമായി പ്രചരിക്കുന്നുണ്ട്. ഇതിനെതിരെ കടുത്ത നടപടികളുമായി അണിയറപ്രവര്‍ത്തകര്‍ രംഗത്തെത്തിയിരിക്കുകയാണ്.

അണിയറ പ്രവര്‍ത്തകര്‍ ഫേസ്ബുക്കില്‍ പങ്കുവച്ച കുറിപ്പ്

വണിന്‍റെ വ്യാജ പ്രിന്‍റ് വ്യാപകമായി പ്രചരിപ്പിക്കാനുള്ള ശ്രമം നടക്കുന്നുണ്ട്. നിരവധി സോഷ്യൽ മീഡിയ പ്ലാറ്റ്ഫോമുകളിലും അനധികൃതമായ വെബ്സൈറ്റുകളിലും ചിത്രത്തിന്‍റെ വ്യാജ പ്രിന്‍റ് പ്രചരിപ്പിക്കുന്നുണ്ട്.

ഇതിനു പിന്നിൽ പ്രവർത്തിക്കുന്ന അഡ്മിൻമാരുടെ വിവരങ്ങളും ചാനൽ വെബ്സൈറ്റ് വിവരങ്ങളും തിരിച്ചറിഞ്ഞിട്ടുണ്ട്. അവ ബ്ലോക്ക് ചെയ്തുകൊണ്ടിരിക്കുകയാണ്. അതിന്റെ ഫലമായി 188000 ഫോളോവേർസുള്ള തമിഴ് റോക്കേർസ് എന്ന പേരിൽ പ്രവർത്തിക്കുന്ന ഒരു ടെലിഗ്രാം ചാനൽ ഉൾപ്പടെ പല ചാനലുകളും മുഴുവനായും ബാന്‍ ചെയ്തിരുന്നു. നിയമ വിരുദ്ധമായി പ്രവർത്തിക്കുന്ന ഈ ചാനലിലെ അഡ്മിൻ വിവരങ്ങളും പ്രൊഫൈലും ഇതിലൂടെ പുറത്ത് വിടുന്നു.

സിനിമ വ്യവസായത്തിൽ പ്രവർത്തിക്കുന്ന മുഴുവൻ പേരുടെയും മനോവീര്യം കെടുത്തുന്ന ഇതുപോലുള്ള യാതൊരു വിധ പ്രവൃത്തികളും പ്രോത്സാഹിപ്പിക്കപ്പെടേണ്ടതല്ല.ഇതുപോലെ ഉള്ള ഓരോരുത്തരുടെയും വിവരങ്ങൾ കണ്ടുപിടിക്കുകയും നിയമപരമായി കൈക്കൊള്ളാവുന്ന പരമാവധി ശക്തമായ നടപടികൾ തന്നെ കൈക്കൊള്ളുകയും ചെയ്യും.

സിനിമയെ സ്നേഹിക്കുന്നവർ സിനിമ കൊട്ടകകളിൽ നിന്ന് തന്നെ ഓരോ സിനിമയും ആസ്വദിക്കണമെന്ന് വിനീതമായി അഭ്യർത്ഥിക്കുന്നു.

ONEന്റെ വ്യാജ പ്രിന്റ് വ്യാപകമായി പ്രചരിപ്പിക്കാനുള്ള ശ്രമം നടക്കുന്നുണ്ട്. നിരവധി സോഷ്യൽ മീഡിയ പ്ലാറ്റ്ഫോമുകളിലും...

Posted by One Movie on Tuesday, 30 March 2021

ടെലിഗ്രാം ട്രിക്ക് ! നിങ്ങളുടെ നമ്പർ ടെലിഗ്രാമിൽ ഹൈഡ് ചെയ്യാം

ഇന്ന് ഇന്ത്യയിൽ ഏറ്റവും കൂടുതൽ ആളുകൾ ഉപയോഗിക്കുന്ന മറ്റൊരു പ്രധാന ആപ്ലിക്കേഷനുകളിൽ ഒന്നാണ് ടെലിഗ്രാം. എന്നാൽ ഇപ്പോൾ ടെലെഗ്രാമിലെ ഒരു ചെറിയ ട്രിക്ക് ആണ് ഇവിടെ പറഞ്ഞുതരുന്നത്. നിങ്ങളുടെ ഫോൺ നമ്പർ ടെലിഗ്രാമിൽ ഹൈഡ് ചെയ്യുവാൻ സാധിക്കുന്നതാണ്. അതിന്നായി നിങ്ങളുടെ ആദ്യം തന്നെ ടെലിഗ്രാം ഓപ്പൺ ചെയ്തു സെറ്റിംഗ്സ് എന്ന ഓപ്‌ഷനിലേക്കു പോകുക. അതിൽ പ്രൈവസി ആൻഡ് സെക്ച്യുരിറ്റി എന്ന ഓപ്‌ഷൻ ക്ലിക്ക് ചെയ്യുക. ശേഷം ഫോൺ നമ്പർ എന്ന ഓപ്‌ഷനിൽ ക്ലിക്ക് ചെയ്തു Nobody എന്ന ഓപ്‌ഷൻ സെലെക്റ്റ് ചെയ്താൽ നിങ്ങളുടെ ടെലെഗ്രാമിലെ ഫോൺ നമ്പർ ആർക്കും കാണുവാൻ സാധിക്കില്ല.

എന്തു കൊണ്ടു ടെലിഗ്രാം? എന്ത് കൊണ്ട് വാട്സാപ്പിനെക്കാൾ സുരക്ഷിതം?

തങ്ങള്‍ തീര്‍ത്തും സുരക്ഷിതരാണ് എന്നത് തന്നെയാണ് ലോകവ്യാപകമായി ജനങ്ങളെ ടെലിഗ്രാം ഉപയോഗിക്കാന്‍ പ്രേരിപ്പിക്കുന്നത്. ടെലിഗ്രാം അവരുടെ പക്കലുള്ള യൂസര്‍ ഡാറ്റ ആര്‍ക്കും തന്നെ കൈമാറുന്നില്ല. ഇക്കാരണം കൊണ്ട് തന്നെ ചില രാജ്യങ്ങൾ ടെലിഗ്രാം നിരോധിക്കുക തന്നെയുണ്ടായി. കാരണം രാജ്യാധികാരികളുടെ ചൊൽപ്പടിക്ക് ടെലിഗ്രാമിന്റെ ഉടമസ്ഥർ നിന്നുകൊടുക്കുന്നില്ല അതുകൊണ്ട് അവർക്ക് സുരക്ഷയുടെ പേരിൽ മറ്റുള്ളവർ കൈമാറുന്ന സന്ദേശങ്ങൾ നിരീക്ഷിക്കാൻ കഴിയുന്നില്ല എന്നതാണ്. പക്ഷെ പലരും ഈ സ്വാതന്ത്ര്യം ദുരുപയോഗം ചെയ്യുന്നുണ്ട് എന്നതിൽ സംശയമില്ല. ടെലിഗ്രാം നൽകുന്ന ഈ സുരക്ഷിതത്വവും സൗകര്യങ്ങളും സാമൂഹ്യവിരുദ്ധ പ്രവർത്തനങ്ങളിലേർപ്പെടാനുള്ള ലൈസൻസല്ലെന്ന് ഓർക്കുക. പക്ഷെ ഇങ്ങനൊരു ദോഷം ഒഴിച്ചു നിർത്തിയാൽ, മറ്റുള്ളവയിൽ നിന്നും വ്യത്യാസ്തമായി ടെലിഗ്രാം അവരുടെ ഉപഭോക്താക്കൾക്കളുടെ സ്വകാര്യതക്ക് എന്തുമാത്രം പ്രാധാന്യം നൽകുന്നുവെന്ന് ഇതിൽ നിന്നും നമുക്ക് മനസ്സിലാക്കാം. 

ഓപ്പണ്‍ സോഴ്‌സ് ക്ലൗഡ് ബെയ്‌സ്ഡ് ഇന്‍സ്റ്റന്റ് മെസ്സേജിങ് ആപ്പാണ് ടെലിഗ്രാം. ക്ലൗഡ് ബെയ്‌സ്ഡ് ആയതിനാല്‍ തന്നെ നമുക്ക് ഒരേ സമയം വ്യത്യസ്ത ഉപകരണങ്ങളില്‍ ടെലിഗ്രാം ഉപയോഗിക്കാന്‍ സാധിക്കും. ടെലിഗ്രാം യൂസറിന്റെ പ്രൈവസിക്കാണ് മുന്‍ഗണന നല്‍കുന്നത്. MTProto എന്ന പ്രോട്ടോകോള്‍ ആണ് ടെലിഗ്രാം ഉപയോഗിക്കുന്നത്. ഇതുമൂലം ഹാക്കര്‍മാര്‍ക്ക് ഡാറ്റ ചോര്‍ത്താന്‍ സാധിക്കില്ല. മൊബെല്‍ നഷ്ടപെട്ടാലും ലോഗിന്‍ ചെയ്യാതിരിക്കാന്‍ നമുക്ക് സ്‌റ്റെപ്പ് വെരിഫിക്കേഷന്‍ ഉപയോഗിച്ച് അക്കൗണ്ട് സുരക്ഷിതമാക്കാമെന്നതും ഇതിന്റെ ഉപയോഗം വര്‍ധിപ്പിക്കുന്നു.

ടെലിഗ്രാം ഒരു ഇന്ത്യന്‍ ബെയ്‌സ്ഡ് ഇന്‍സ്റ്റന്റ് മെസേജ് ആപ്പാണെന്ന് നേരത്തെ സോഷ്യല്‍ മീഡിയയില്‍ വ്യാപകമായി പ്രചരിക്കപ്പെട്ടിരുന്നു. എന്നാല്‍ ടെലിഗ്രാം ഇന്ത്യന്‍ നിര്‍മ്മിതമല്ല, റഷ്യക്കാരന്‍ ആയ പവേല്‍ ഡുറോവ് ആണ് ടെലിഗ്രാമിന്റെ സ്ഥാപകൻ. നമ്പര്‍ ഷെയര്‍ ചെയ്യാതെ തന്നെ മറ്റുള്ളവരുമായി ചാറ്റ് ചെയ്യാന്‍ സാധിക്കുന്നുവെന്നതാണ് ഇതിന്റെ പ്രധാന പ്രത്യേകതകളിലൊന്ന്.

മറ്റൊരു പ്രധാന പ്രത്യേകതയാണ് സീക്രട്ട് ചാറ്റിംഗ്. ഇതിൽ End To End Encryption ആണ് ഉപയോഗിക്കുന്നത്. ഇത്തരം മെസേജുകള്‍ തിരിച്ചെടുക്കാന്‍ പറ്റില്ല എന്നാണ് ടെലിഗ്രാം നൽകുന്ന ഉറപ്പ്. ഇവ തിരിച്ചെടുത്തു കൊടുക്കാന്‍ ടെലിഗ്രാം യൂസര്‍മാരെ വെല്ലുവിളിച്ചിട്ടുമുണ്ട്. ഇത് ബ്രെയ്ക്ക് ചെയ്യുന്നവര്‍ക്ക് 30,00,000 ഡോളര്‍ പാരിതോഷികം നല്‍കുമെന്നും കമ്പനി അറിയിച്ചിട്ടുണ്ടായിരുന്നു. സീക്രട്ട് ചാറ്റില്‍ അയക്കുന്ന മെസ്സേജ്, ലഭിക്കുന്ന വ്യക്തിയുടെ കൈയില്‍ എത്ര നേരം നില്‍ക്കണമെന്ന് അയക്കുന്നവര്‍ക്ക് തീരുമാനിക്കാം, ഇതിലൂടെ അയക്കുന്ന മെസേജ് ഫോര്‍വേര്‍ഡ് ചെയ്യാന്‍ സാധിക്കില്ല എന്നതും സുരക്ഷ വര്‍ധിപ്പിക്കുന്നു. ഇത്തരം മെസേജ് ആന്‍ഡ്രോയിഡ് ലോലിപോപ്പ് മുതല്‍ സ്‌ക്രീന്‍ഷോട്ട് എടുക്കാനും സാധിക്കില്ല. കിറ്റ്കാറ്റ് വെര്‍ഷനില്‍ എടുത്താല്‍ നോട്ടിഫിക്കേഷനും ലഭിക്കും.

പരിധിയില്ലാത്ത ക്ലൗഡ് സ്‌റ്റോറേജാണ് ടെലിഗ്രാമിന്റെ വലിയ പ്രത്യേകത. 2.0 ജി ബി വരെ വലിപ്പമുള്ള ഏതു ഫയലുകളും ഇതുവഴി കൈമാറാന്‍ സാധിക്കും, ഡൗണ്‍ലോഡ് ചെയ്യാതെ തന്നെ ഡോക്യുമെന്റ് ഫോര്‍വേഡ് ചെയ്യാനും ഒരിക്കല്‍ അയച്ച മെസേജ് എഡിറ്റ് ചെയ്യാനുമുള്ള സൗകര്യവും ടെലിഗ്രാമിലുണ്ട്. ഇന്‍ബ്വില്‍ട് മ്യൂസിക്ക് പ്ലെയര്‍,ഡി വീഡിയോ പ്ലെയര്‍, ഇന്‍സ്റ്റന്റ് വ്യൂ, വീഡിയോ സ്ട്രീം, ഓഡിയോ സ്ട്രീം തുടങ്ങി നിരവധി സൗകര്യങ്ങളും ടെലിഗ്രാം നല്‍കുന്നുണ്ട്.

ടെലിഗ്രാമിലെ ചാനൽ എന്ന ഫീച്ചർ ഉപയോഗിക്കുന്നത് ഒരു one way കമ്മ്യൂണിക്കേഷന് വേണ്ടിയാണ്. ചാനല്‍ വഴി നമുക്ക് എന്ത് വേണമെങ്കിലും ഷെയര്‍ ചെയ്യാന്‍ സാധിക്കും. ചാനല്‍ മാനേജ് ചെയ്യുന്നത് ആരാണെന്ന് അറിയാനും സാധികക്കില്ല. ചാനലില്‍ എത്ര പേര്‍ക്ക് വേണമെങ്കിലും അംഗങ്ങളാകാം ഒരു പരിധിയുമില്ല.

അഡ്മിന് പൂര്‍ണ്ണ നിയന്ത്രണങ്ങളുള്ള സൂപ്പര്‍ ഗ്രൂപ്പ് എന്ന പ്രത്യേകതയും ടെലിഗ്രാമിലുണ്ട്. രണ്ട് ലക്ഷം മെമ്പര്‍മാരെ നമുക്ക് ഗ്രൂപ്പില്‍ ചേര്‍ക്കാം. അഡ്മിന് ഗ്രൂപ്പ് അംഗങ്ങള്‍ അയക്കുന്ന ഏതൊരു മെസേജും ഡിലീറ്റ് ചെയ്യാന്‍ സാധിക്കും. ഗ്രൂപ്പിൽ ആര്‍ക്കൊക്കെ മെസേജ് അയക്കാം, ആര്‍ക്കൊക്കെ സ്റ്റിക്കര്‍, ആനിമേഷന്‍ ഫയല്‍, ലിങ്ക് തുടങ്ങിയവ അയക്കാം എന്നൊക്കെ തീരുമാനിക്കാനുള്ള അധികാരം അഡ്മിനുണ്ട്.

WhatsApp പോലുള്ള IM ആപ്പുകളിൽ നിന്നും ചാറ്റുകൾ ടെലിഗ്രാമിലേക്ക് import ചെയ്യാം. വാട്സാപ്പിൽ നിന്ന് ടെലിഗ്രാമിലേക്ക് switch ചെയ്യുന്നവർക്ക് പഴയ വാട്സാപ്പ് ചാറ്റ് ടെലിഗ്രാമിൽ continue ചെയ്യാം. മാത്രമല്ല, നിങ്ങളുടെ പ്രധാനപ്പെട്ട പഴയ ചാറ്റുകൾ വേണമെങ്കിൽ ടെലിഗ്രാമിന്റെ encryption ൽ സൂക്ഷിക്കുകയും ചെയ്യാം. ഗ്രൂപ്പ്‌ ചാറ്റോ പേഴ്സണൽ ചാറ്റോ എന്തും ആവട്ടെ..

1. പ്രധാനപ്പെട്ട ടെലിഗ്രാം ഫീച്ചേഴ്സ്

1.1 ടെലിഗ്രാം ഗ്രൂപ്പ് / സൂപ്പർ ഗ്രൂപ്പ്
ടെലഗ്രാം മെസ്സെഞ്ചറിനെ മറ്റ് മെസേജിംഗ് സർവീസുകളിൽ നിന്നും ഏറ്റവും വൃതൃസ്തമാക്കുന്ന പ്രത്യേകതയാണ് സൂപ്പർ ഗ്രൂപ്പ്, ഒരു സൂപ്പർ ഗ്രൂപ്പിലെ മെംബേർസ് ലിമിറ്റ് രണ്ട് ലക്ഷമാണ്. മറ്റ് മെസേജിംഗ് സർവീസുകളിൽ നിന്നും ഏറ്റവും വൃതൃസ്തമാക്കുന്ന പ്രത്യേകതയാണ് മികച്ച ഗ്രൂപ്പ് മാനേജ്മെന്റ് ഫീച്ചേഴ്സ് നൽകുന്ന ടെലഗ്രാം സൂപ്പർഗ്രൂപ്സ്. ഇതിന്റെ സവിശേഷതകൾ എന്തെന്നാല്‍ പരമാവധി രണ്ട് ലക്ഷം അംഗങ്ങളെ വരെ ആഡ് ചെയ്യാം.( വാട്സില്‍ ഇത് 256 ആണ് എന്നോര്‍ക്കുക). ഗ്രൂപ്പിൽ അംഗമാവാൻ യൂസർ നെയിം മാത്രം മതി. ഗ്രൂപ്പ് അംഗങ്ങളുടെ മൊബൈൽ നമ്പര്‍ കൈവശം ഉളള ഫ്രണ്ട്സിന് ഒഴിച്ച് അഡ്മിനടക്കം, ഒരാൾക്കും നിങ്ങളുടെ നമ്പര്‍ കാണാൻ കഴിയില്ല. ഇത് കാരണം നമ്മുടെ നമ്പര്‍ ദുരുപയോഗം ചെയ്യപ്പെടില്ല

സ്പാം മെസേജുകൾ അഡ്മിന് ഒറ്റ ക്ളിക്കിൽ നീക്കം ചെയ്യാം ഇങ്ങനെ ചെയ്താൽ മുഴുവൻ അംഗങ്ങളുടെ ചാറ്റ് ഹിസ്റ്ററിയിൽ നിന്നും അത് റിമൂവ് ചെയ്യപ്പെടും. ഒരു മെസേജിൽ സെലക്റ്റ് ചെയ്ത് എല്ലാവരും കാണത്തക്കവിധം അതിന് മാത്രമായി റിപ്ളെ നൽകാം. ആ റിപ്ളെ സെലക്റ്റ് ചെയ്താൽ പ്രസ്തുത റിപ്ളെ ഏതു മെസേജിനാണ് എന്നറിയാൻ കഴിയും. ഗ്രൂപ്പ് റൂൾസോ മറ്റ് പ്രധാന മെസേജുകളോ 'പിൻ' ചെയ്യാൻ കഴിയും. ഇതിന്റെ നോട്ടിഫിക്കേഷനും അംഗങ്ങൾക്കു ലഭിക്കും.

പബ്ളിക്, പ്രൈവറ്റ് എന്നിങ്ങനെ രണ്ടു തരം ഗ്രൂപ്പുകള്‍ ക്രിയേറ്റ് ചെയ്യാം. ഗ്രൂപ്പിൽ ജോയിൻ ചെയ്യാൻ അഡ്മിന് നമ്പര്‍ നൽകുകയോ ഫേസ്ബുക്കിലെ ഗ്രൂപ്പ് ഇൻവിറ്റേഷൻ മെസേജുകളിലേതു പോലെ പബ്ളിക് ആയി നമ്പര്‍ ഷെയർ ചെയ്തും അഡ്മിൻ ഓരോരുത്തരെ ആഡ് ചെയ്തും മെനക്കെടണ്ട. ഒരു കോമൺ ലിന്ക് ഉണ്ട് അതിൽ ക്ളിക്ക് ചെയ്താൽ നിങ്ങൾക്ക് അംഗമാകാം. ലിങ്ക് വഴി വരുന്ന മെംബേർസ് അഡ്മിൻ അപ്രൂവ് ചെയ്താൽ മാത്രം ഗ്രൂപ്പിൽ പ്രവേശിക്കാൻ കഴിയുന്ന തരത്തിൽ അഡ്മിന് നിയന്ത്രിക്കാൻ  കഴിയും. ഗ്രൂപ്പ് പബ്ളിക് ആണെന്കിൽ പൊതുവായ യൂസർനെയിം സെർച്ചു ചെയ്ത് ജോയിൻ ചെയ്യാം.

1.2 ടെലിഗ്രാം ചാനൽസ്

ഒരു വൃക്തിയുടെ പേരിലോ മറ്റേതെങ്കിലും വിഷയത്തിനായോ മാത്രമായുളള ഇൻസ്റ്റന്റ് ന്യൂസ് ഫീഡാണ്. നിങ്ങളുടെ പ്രിയപ്പെട്ട ചിത്രങ്ങളോ, വീഡിയോകളോ, ലേഖനങ്ങളോ, ആപ്ലിക്കേഷനോ പങ്കുവയ്ക്കാൻ മാത്രമായി ഒരു ചാനൽ തുടങ്ങാം. ചാനല്‍ മാനേജ് ചെയ്യുന്നത് ആരാണെന്ന് അറിയാനും സാധികക്കില്ല. ചാനലില്‍ എത്ര പേര്‍ക്ക് വേണമെങ്കിലും അംഗങ്ങളാകാം ഒരു പരിധിയുമില്ല. പുതിയ ചാനൽ തുടങ്ങാൻ മെനുവിൽ നിന്നും 'New Channel' തിരഞ്ഞെടുക്കുക.

ചാനൽ നെയിം, ഓപ്ഷണൽ ഫോട്ടോ, ഡിസ്ക്രിപ്ഷന്‍ (വേണേല്‍) എന്നിവ നൽകുക. ഇഷ്ടമുളള സുഹൃത്തുക്കളെ കൂടി ആഡ് ചെയ്തു കഴിഞ്ഞാൽ അപ്ഡേറ്റുകൾ നൽകി തുടങ്ങാം. പ്രൈവറ്റ്, പബ്ളിക് എന്നിങ്ങനെ രണ്ട് ഓപ്ഷനുകളുണ്ട്. പബ്ളിക് ചാനലിന് ഒരു സിംഗിൾ ചാനൽ ഏെ.ഡി ഉണ്ടാകും. പ്രൈവറ്റ് ചാനലുകളിൽ അംഗമാവാൻ ഇൻവൈറ്റ് ലിങ്ക് ആണ് ഉണ്ടാവുക.

ഇത് ഒരു ക്ലൌഡ് സ്റ്റോറേജ് ആയി ഉപയോഗിക്കാൻ കഴിയും. ഏത് ഫയല്‍ എത്ര വേണേലും അപ്ലോഡ് ചെയ്ത് സൂക്ഷിക്കാമല്ലോ മറ്റുള്ള ഗൂഗിള്‍ ഡ്രൈവ് പോലുള്ള ക്ലൌഡ് സ്റ്റോറേജുകള്‍ ഒരു പരിധി കഴിഞ്ഞാല്‍ ഫീസ്‌ ഇടാക്കുന്നവരാണ്. ഇത് ലൈഫ് ടൈം ഫ്രീ ആയി ഉപയോഗിക്കാം. ആറു മാസത്തില്‍ ഒരിക്കല്‍ എങ്കിലും ടെലെഗ്രാം ഒന്ന് ഓപ്പണ്‍ ചെയ്ത് നോക്കിയാല്‍ മതി അല്ലേല്‍ മ്മടെ അക്കൌണ്ട് ഡിലീറ്റ് ആയി പോകും.

1.3 ടെലിഗ്രാം ബോട്ട്
പേരുപോലെ തന്നെ ടെലിഗ്രാമിനുള്ളിൽ പ്രവർത്തിക്കുന്ന റോബോട്ടാണ് ടെലിഗ്രാം ബോട്ട്. നിര്‍മിത ബുദ്ധിയും മെഷീന്‍ ലേണിങും അടിസ്ഥാനമാക്കി പ്രവര്‍ത്തിക്കുന്ന സംവിധാനമാണിത്. ഇതുവഴി യൂസേഴ്സിനു ചില ആപ്പുകൾ ചെയ്യുന്ന കാര്യങ്ങൾ ഇതിലൂടെ ചെയ്യാവുന്നതാണ്. ഉദാഹരണത്തിന് യൂട്യൂബ് വീഡിയോ ഡൌൺലോഡ് ചെയ്യുക തുടങ്ങിയ കാര്യങ്ങൾ ഇവ ഉപയോഗിച്ച് ടെലിഗ്രാമിൽ തന്നെ ചെയ്യാൻ സാധിക്കും. ബോട്ടുകൾ വളരെ എളുപ്പത്തിൽ സെർച്ച് ചെയ്തെടുക്കാൻ ഇ ലിങ്കിൽ ക്ലിക്ക് ചെയ്യുക

1.4 ടെലിഗ്രാം ഇൻലൈൻ ബോട്ട്

ടെലഗ്രാം മെസ്സെഞ്ചറിലെ ഏറ്റവും സൗകരൃപ്രദമായ ഫീച്ചറുകളിലൊന്നാണ് ഇൻലൈൻ ബോട്ടുകൾ. ഒരാളോട് ചാറ്റ് ചെയ്തു കൊണ്ടിരിക്കുന്നതിനിടയിൽ അയാൾക്ക് ഒരു ചിത്രമോ, അനിമേഷനോ, വിക്കിപീഡിയ ലേഖനത്തിന്റെ ലിങ്ക് , യൂട്യൂബ് വീഡിയോ ലിങ്ക് അയക്കണം എന്നിരിക്കട്ടെ ഇവയൊക്കെ എളുപ്പമാക്കാൻ ഉളള സേവനങ്ങളാണ് ഇൻലൈൻ ബോട്ടുകൾ, വൃതൃസ്ത ആവശൃങ്ങൾക്കായി നിരവധി ഇൻലൈൻ ബോട്ടുകൾ ടെലഗ്രാമിൽ ലഭൃമാണ്.

ഉദാ: ഒരു അനിമേഷൻ ബോട് എന്താണെന്ന് നോക്കാം
ചാറ്റ് ചെയ്യുന്ന വിൻഡോയിലെ 'ടെക്സ്റ്റ് ബോക്സിൽ' @gif എന്ന് ടൈപ്പ് ചെയ്ത് സ്പേസ് നൽകി നിങ്ങൾക്ക് ആവശൃമായ സെർച് ടേം നൽകുക ഉദാ: ''cat'' വരുന്ന പോപ്പപ് വിൻഡോയിൽ നിന്ന് ഇഷ്ടമുളള അനിമേഷൻ നേരിട്ട് അയയ്ക്കാൻ കഴിയും.

1.5 ടെലിഗ്രാം സീക്രട്ട് ചാറ്റ്
ടെലഗ്രാമിന്റെ ഫീച്ചറുകളിലൊന്നാണ് സീക്രട്ട് ചാറ്റ്, അഥവാ രഹസ്യ സംഭാഷണം. ഇത് സാധാരണ ചാറ്റുകളില്‍ നിന്ന് എങ്ങനെ വ്യത്യാസപ്പെട്ടിരിക്കുന്നു? ഇത്തരം ചാറ്റുകള്‍ ക്ലൈന്റ്-ടു-ക്ലൈന്റ് എന്‍ക്രിപ്റ്റഡ് ആണെന്നാണ് കമ്പനി പറയുന്നത്. എന്നു പറഞ്ഞാല്‍ ഈ ചാറ്റുകള്‍ അയയ്ക്കുന്നയാള്‍ക്കും ലഭിക്കുന്ന ആള്‍ക്കും മാത്രമെ കാണാനാകൂ. സാധാരണ ചാറ്റുകള്‍ക്ക് ക്ലൈന്റ്/സെര്‍വര്‍-സെര്‍വര്‍/ക്ലൈന്റ് എന്‍ക്രിപ്ഷനാണ് ലഭിക്കുന്നത്. അതായത് ചാറ്റുകള്‍ ടെലഗ്രാം സെര്‍വറില്‍ എന്‍ക്രിപ്റ്റു ചെയ്ത് സേവു ചെയ്യപ്പെടാം. കൂടാതെ സീക്രട്ട് ചാറ്റ് വഴി ലഭിക്കുന്ന സന്ദേശങ്ങള്‍ ഫോര്‍വേഡ് ചെയ്യാനാവില്ല. 

Self Destruct Timer സെറ്റ് ചെയ്ത്‌ അയയ്ക്കുന്ന മെസേജ് അത് ലഭിക്കുന്ന വൃക്തിയുടെ ഫോണിൽ എത്ര സമയം ഉണ്ടായിരിക്കണം എന്ന് നമുക്ക് തീരുമാനിക്കാം. ടെക്സ്റ്റോ, ചിത്രമോ, വീഡിയോ ഫയലോ പോലെ മറ്റേതൊരു ഫോർമാറ്റും ഇങ്ങനെ കൈമാറാൻ കഴിയും എന്നു മാത്രമല്ല ടൈമറിൽ തിരഞ്ഞെടുത്ത സമയപരിധി കഴിയുന്ബോൾ മെസേജ് ഫോണിൽ നിന്നും ടെലഗ്രാം സെർവറിൽ നിന്നും നീക്കം ചെയ്യപ്പെടും.

എങ്ങനെ ഒരു സീക്രട്ട് ചാറ്റ് അയയ്ക്കാം? - ആര്‍ക്കാണോ രഹസ്യ സന്ദേശം അയയ്‌ക്കേണ്ടത് അയാളുടെ പ്രൊഫൈല്‍ തുറക്കുക. തുടര്‍ന്ന് 'ഓപ്ഷന്‍സ്' തുറക്കുക. അവിടെയുള്ള 'സ്റ്റാര്‍ട്ട് സീക്രട്ട് ചാറ്റ്' തുറന്ന് സന്ദേശം അയയ്ക്കാം. ഇതിനു കൂടുതല്‍ രഹസ്യ സ്വഭാവമുണ്ടെന്നാണ് കമ്പനി അവകാശപ്പെടുന്നത്. ആളുകള്‍ സീക്രട്ട് ചാറ്റ് ഉപയോഗിക്കുന്നതോടെ ടെലഗ്രാം എന്‍ഡ്-ടു-എന്‍ഡ് എന്‍ക്രിപ്ഷന്‍ എനേബിൾ ചെയ്യുന്നു.

1.6 ടെലിഗ്രാം സ്റ്റിക്കർ
ചാറ്റിങ് പരമാവധി ആകർഷകമാക്കാൻ വേണ്ടി ഉൾക്കൊള്ളിച്ചിരിക്കുന്ന ഫീച്ചർ ആണ് സ്റ്റിക്കർ. ഇത് പല മെസ്സഞ്ചറിലും ഇപ്പോൾ ലഭ്യമാണ്, ഉപയോക്താക്കൾക്കുതന്നെ ആഡ് ചെയ്യാനും പരസ്പരം ഷെയർ ചെയ്യാനും സാധിക്കുന്നവയാണ് ടെലഗ്രാമിലെ സ്റ്റിക്കർ പാക്കുകൾ. @stickerschannel സന്ദർശിച്ചാൽ യൂസേഴ്സ് തന്നെ ചേർത്ത ആയിരക്കണക്കിന് സ്റ്റിക്കർ പാക്കുകൾ സ്വന്തമാക്കാം.

1.7 ടെലിഗ്രാം വോയിസ്‌ /വീഡിയോ കാൾ 

നിലവിൽ വോയിസ് കാൾ, വീഡിയോ കാൾ അത് കൂടാതെ ഗ്രൂപ്പ് വോയിസ് ചാറ്റ്, ചാനൽ വോയിസ് ചാറ്റ്, ഗ്രൂപ്പ് വീഡിയോ ചാറ്റ്, പേർസണൽ സ്‌ക്രീന്‍ ഷെയറിങ്ങ് എന്നീ സൗകര്യങ്ങൾ ടെലിഗ്രാം നൽകുന്നു. ചാനൽ വോയിസ് ചാറ്റിൽ പരിധികളല്ലാതെ അംഗങ്ങൾക്ക് ജോയിൻ ചെയ്യാൻ കഴിയും, കൂടാതെ ഗ്രൂപ്പിൽ ഇല്ലാത്തവർക്കും എപ്പോൾ വേണമെങ്കിലും ജോയിൻ ചെയ്യാനും കട്ട് ചെയ്യാനും സാധിക്കും. 

 

ഗ്രൂപ്പ് വീഡിയോ ചാറ്റിൽ 'ഷെയർ സ്ക്രീൻ' ഓപ്ഷന്‍ ടാപ്പുചെയ്തുകൊണ്ട് ഉപയോക്താക്കള്‍ക്ക് ഗ്രൂപ്പ് വീഡിയോ കോളുകള്‍ ചെയ്യാന്‍ കഴിയും. വീഡിയോ ചാറ്റിൽ പങ്കെടുക്കാൻ എത്ര പേരുണ്ടോ അത്രയും പേർക്ക് പങ്കെടുക്കാൻ കഴിയും. ഇതിനു പുറമേയാണ് സ്‌ക്രീന്‍ ഷെയറിങ്ങ് ഓപ്ഷന്‍. മറ്റൊരാളുമായി ഒരു വീഡിയോ കോളില്‍ ആയിരിക്കുമ്പോള്‍, ആദ്യം നിലവിലെ വീഡിയോ (ഇടത് വശത്ത് നിന്നുള്ള രണ്ടാമത്തെ റൗണ്ട് ബട്ടണ്‍) നിര്‍ത്തുന്നതിലൂടെ നിങ്ങള്‍ക്ക് സ്‌ക്രീന്‍ ഷെയറിങ്ങ് ആരംഭിക്കാന്‍ കഴിയും. തുടര്‍ന്ന് വീണ്ടും ഷെയര്‍ ചെയ്യാന്‍ ഒരിക്കല്‍ കൂടി ടാപ്പുചെയ്യുക. ചുവടെ മൂന്ന് ഓപ്ഷനുകളുള്ള ഒരു സ്‌ക്രീന്‍ ദൃശ്യമാകും: ഫോണ്‍ സ്‌ക്രീന്‍, ഫ്രണ്ട് ക്യാമറ, ബാക്ക് ക്യാമറ. ആദ്യത്തേത് തിരഞ്ഞെടുക്കുക, ആന്‍ഡ്രോയിഡ് സാധാരണ സ്‌ക്രീന്‍ റെക്കോര്‍ഡിംഗ്/കാസ്റ്റിംഗ് മെസേജ് പോപ്പ് അപ്പ് ചെയ്യും. അത് സ്റ്റാര്‍ട്ട് ചെയ്യുക. ഇത് പ്രവര്‍ത്തിക്കുമ്പോള്‍ മുകളിലെ സ്റ്റാറ്റസ് ബാറില്‍ ഒരു ചുവന്ന കാസ്റ്റ് ബട്ടണ്‍ ദൃശ്യമാകും. റെഡ് കാസ്റ്റ് അറിയിപ്പ് കാണുന്നില്ലെങ്കില്‍ പ്രവര്‍ത്തിക്കുന്നില്ലെന്നാണ് അര്‍ത്ഥം.

1.8 അയച്ച സന്ദേശങ്ങള്‍ എഡിറ്റ് ചെയ്യുക
അയച്ച സന്ദേശങ്ങള്‍ എഡിറ്റുചെയ്യാന്‍ ടെലിഗ്രാം ഇപ്പോള്‍ അനുവദിക്കുന്നു. അതിനായി എഡിറ്റ്‌ചെയ്യാന്‍ ആഗ്രഹിക്കുന്ന സന്ദേശം തിരഞ്ഞെടുത്ത് മുകളിലുള്ള 'എഡിറ്റ്' ഐക്കണില്‍ ടാപ്പുചെയ്യുക. മാറ്റങ്ങള്‍ വരുത്തിയ ശേഷം ആപ്പ് ഒരു എഡിറ്റ് ചെയ്തു എന്ന ലേബല്‍ കാണിക്കും. 

• പ്രൈവറ്റ് മെസ്സേജ് > 48 മണിക്കൂർ
• ഗ്രൂപ്പ് > 48 മണിക്കൂർ
• സൂപ്പർ ഗ്രൂപ്പ് > പരിധി ഇല്ല
• ചാനൽ > പരിധി ഇല്ല

1.9 സൈലന്റ് മെസേജ്
സന്ദേശമയയ്‌ക്കേണ്ട ഉപയോക്താവ് തിരക്കിലാണെങ്കിലും അവരെ ശല്യപ്പെടുത്താതെ മെസേജ് അയയ്ക്കാന്‍ സൈലന്റ് മെസേജ് ഫീച്ചര്‍ ഉപയോഗിച്ച് കഴിയും. ഇങ്ങനെ സന്ദേശങ്ങള്‍ അയക്കുമ്പോള്‍, സ്വീകര്‍ത്താവ് 'ഡോണ്‍ഡ് ഡിസ്റ്റര്‍ബ്' മോഡ് ഓണാക്കിയിട്ടില്ലെങ്കിലും ശബ്ദമോ വൈബ്രേഷനോ ഇല്ലാതെ അയയ്ക്കും. ഈ ഫീച്ചര്‍ ഉപയോഗിക്കുന്നതിന്, നിങ്ങളുടെ സന്ദേശം ടൈപ്പ് ചെയ്യുക, തുടര്‍ന്ന് 'സെന്റ്' ബട്ടണ്‍ അമര്‍ത്തിപ്പിടിക്കുക. 'സൈലന്റ് സെന്‍ഡ് ബട്ടണ്‍ തിരഞ്ഞെടുക്കാം.

1.10 മെസേജ് ഷെഡ്യൂള്‍ ചെയ്യുക
'സെന്റ്' ബട്ടണ്‍ അമര്‍ത്തിപ്പിടിച്ചുകൊണ്ട് ഒരു സന്ദേശം ഷെഡ്യൂള്‍ ചെയ്യാന്‍ കഴിയും. ഇവിടെ, 'ഷെഡ്യൂള്‍ മെസേജ്' തിരഞ്ഞെടുത്ത് തീയതിയും സമയവും തിരഞ്ഞെടുക്കുക. ഇഷ്ടമുള്ള സമയത്ത് സന്ദേശം അയയ്ക്കാനാവും.

1.11 മീഡിയഫയലുകള്‍ സ്വയം ഡിലീറ്റ് ചെയ്യാം
മീഡിയ ഫയലുകള്‍ ഡിലീറ്റ് ചെയ്യാന്‍ ഒരു നിശ്ചിത സമയം തിരഞ്ഞെടുക്കാന്‍ ആപ്പ് അനുവദിക്കുന്നു. ഫീച്ചര്‍ നേരത്തെ പ്രത്യേക 'സീക്രട്ട് ചാറ്റ്' ഓപ്ഷനില്‍ മാത്രമായി പരിമിതപ്പെടുത്തിയിരുന്നു. എന്നാല്‍, ഇപ്പോഴത്തെ അപ്‌ഡേറ്റ് ഉപയോഗിച്ച്, സാധാരണ ചാറ്റുകളിലെയും ഫോട്ടോകളും വീഡിയോകളും പോലുള്ള മീഡിയ ഫയല്‍ ഡിലീറ്റ് ചെയ്യാന്‍ കഴിയും. അതിനായി ഫോട്ടോ അല്ലെങ്കില്‍ വീഡിയോ തിരഞ്ഞെടുത്ത് 'ടൈമര്‍' ബട്ടണില്‍ ടാപ്പുചെയ്യുക. ശേഷം, മീഡിയ ഓട്ടോമാറ്റിക്കായി ഇല്ലാതാക്കപ്പെടുന്ന സമയം തിരഞ്ഞെടുക്കാം.

1.12 അയയ്ക്കുന്നയാളുടെ സന്ദേശം ഇല്ലാതാക്കുക
നിങ്ങള്‍ അയച്ച സന്ദേശങ്ങളും മറ്റ് ഉപയോക്താക്കള്‍ അയച്ച സന്ദേശങ്ങളും ഇനി ഇല്ലാതാക്കാം. ഈ പ്രത്യേക ഫീച്ചര്‍ ഉപയോഗിക്കുന്നതിന്, ലഭിച്ച സന്ദേശം തിരഞ്ഞെടുത്ത് ഡിലീറ്റ് ബട്ടണ്‍ ടാപ്പുചെയ്യുക. ശേഷം നിങ്ങള്‍ക്ക് 'ഓള്‍സോ ഡിലീറ്റ് ഫോര്‍ എക്‌സ്' തിരഞ്ഞെടുത്ത് 'ഡിലീറ്റ്'ടാപ്പുചെയ്യുക. മെസേജ് പിന്നീട് രണ്ട് ഭാഗങ്ങളില്‍ നിന്നും അപ്രത്യക്ഷമാകും.

1.13 വീഡിയോകള്‍ എഡിറ്റ് ചെയ്യുക
ടെലിഗ്രാമില്‍ വീഡിയോകള്‍ എഡിറ്റ് ചെയ്യാവുന്നതാണ്, ഈ ഫീച്ചര്‍ ഉപയോഗപ്പെടുത്താന്‍, ഒരു ചാറ്റ് തുറന്ന് അയയ്ക്കാനാഗ്രഹിക്കുന്ന വീഡിയോ തിരഞ്ഞെടുക്കുക. പുതിയ വീഡിയോ എഡിറ്റര്‍ തുറക്കാന്‍ അടുത്തതായി ട്യൂണിംഗ് ഐക്കണില്‍ ടാപ്പുചെയ്യുക. സാച്ചുറേഷന്‍, കോണ്‍ട്രാസ്റ്റ്, എക്‌സ്‌പോഷര്‍ എന്നിവയും അതിലേറെയും ഉള്‍പ്പെടെ വിവിധ കാര്യങ്ങള്‍ ക്രമീകരിക്കാന്‍ കഴിയും.

1.14 ടെലിഗ്രാം ചാറ്റ് ഫോൾഡർ

നമ്മുടെ ഫ്രണ്ട്സ്, ഫാമിലി, വർക്ക്, പഠനം ഇവയൊക്കെ ഒരു ആപ്പിൽ തന്നെയല്ലേ നാം കൈകാര്യം ചെയ്യുന്നത്. ഇവരെയൊക്കെ ഒന്നു തരംതിരിച്ചു വെച്ചാൽ നോക്കാൻ ഒരു സുഖം ഉണ്ടാവില്ലേ. ചാറ്റുകളെയൊക്കെ വേർതിരിച്ച് ഫോൾഡറുകൾ ഉണ്ടാക്കിയാൽ ഓരോ ഫോൾഡറും ഓരോ ടാബായി കിട്ടും, അപ്പോൾ ഒരു മെസ്സേജും നാം കാണാതെ പോകില്ല.

ടെലഗ്രാമിലെ ഫോൾഡർ സെറ്റിംഗ്സ് തുറന്നാൽ നേരത്തെ തന്നെ അവിടെ രണ്ടു തരം ഫോൾഡറുകൾ ഉദാഹരണമായി കാണാം (unread ഉം personal ഉം), അതേപോലെ നമുക്ക് ചാറ്റുകളുടെ തരമനുസരിച്ചും റീഡ് സ്റ്റാറ്റസ് അനുസരിച്ചും ഉൾപ്പെടുത്തിയും ഒഴിവാക്കിയും പുതിയ ഫോൾഡറുകൾ ഉണ്ടാക്കാം. എല്ലാത്തിലുമുപരി ഓരോ ഫോൾഡറിലും ഏത് ചാറ്റും ആഡ് ചെയ്യാനും, ഒഴിവാക്കാനും പറ്റുന്നോണ്ട് നമുക്ക് വേണ്ടത് മാത്രമേ ഒരു ഫോൾഡറിൽ കാണൂ. അതുമാത്രമല്ല, ഫോൾഡറുകളിൽ ഒരുപാട് ചാറ്റുകൾ ഓർഡർ അനുസരിച്ച് പിൻ ചെയ്തു വെക്കാം. ഫോൾഡറുകൾ തുടങ്ങാൻ നേരെ Settings > Folders.

1.15 ടെലിഗ്രാം ആനിമേറ്റഡ് ബാക്ക്ഗ്രൗണ്ട്
ടെലിഗ്രാം ആനിമേറ്റഡ് ബാക്ക്ഗ്രൗണ്ടുകളും അവതരിപ്പിച്ചു. ഈ മള്‍ട്ടികളര്‍ ഗ്രേഡിയന്റ് വാള്‍പേപ്പറുകള്‍ അല്‍ഗോരിതം രൂപകല്‍പ്പന ചെയ്തിട്ടുണ്ടെന്നും ഉപയോക്താക്കള്‍ മെസേജ് അയയ്ക്കുമ്പോഴെല്ലാം മനോഹരമായി കാണപ്പെടുന്ന സൗന്ദര്യാത്മകതയോടെ നീങ്ങുമെന്നും ടെലിഗ്രാം അവകാശപ്പെടുന്നു. മുന്‍കൂട്ടി ഇന്‍സ്റ്റാള്‍ ചെയ്ത നിരവധി തീമുകള്‍ക്കൊപ്പം ടെലിഗ്രാം ഈ ഫീച്ചര്‍ വാഗ്ദാനം ചെയ്യുന്നു.

1.16 ടെലിഗ്രാം ആഡ്‌സ്
ചാനലുകളുടെ സ്വഭാവത്തെ അടിസ്ഥാനമാക്കിയാണ് സ്‌പോണ്‍സര്‍ ചെയ്ത സന്ദേശങ്ങള്‍ കാണിക്കുക. ആയിരമോ അതില്‍ കൂടുതലോ അംഗങ്ങള്‍ ഉള്ള ടെലിഗ്രാം ചാനലുകളിലാണ് 160 വാക്കുകളിലുള്ള സ്‌പോണ്‍സര്‍ ചെയ്ത സന്ദേശങ്ങള്‍ പ്രദര്‍ശിപ്പിക്കുക. ഇതിനായി ഉപഭോക്താവിന്റെ യാതൊരുവിധ വ്യക്തിഗത വിവരങ്ങളും ശേഖരിക്കുകയോ ഉപയോഗിക്കുകയോ ചെയ്യില്ല. ഒരു ചാനല്‍ സന്ദര്‍ശിക്കുന്ന എല്ലാവര്‍ക്കും ഒരേ സ്‌പോണ്‍സര്‍ മെസ്സേജ് തന്നെയാവും കാണാനാവുക. എന്നാല്‍ ചാറ്റ് ലിസ്റ്റിലോ സ്വകാര്യ സന്ദേങ്ങളിലോ ഗ്രൂപ്പുകളിലോ ഇതുപോലെയുള്ള പരസ്യങ്ങള്‍ അവതരിപ്പിക്കില്ല

'ഉപഭോക്താവിന്റെ വ്യക്തിഗത വിവരങ്ങള്‍ സന്ദേശങ്ങള്‍ അയക്കുന്നതിനായി ഉപയോഗിക്കുകയില്ല. അവ സംരക്ഷിക്കുന്നതിലാണ് കമ്പനിയുടെ മുന്‍ഗണന. മറ്റ് ആപ്പുകളില്‍ നിന്ന് വ്യത്യസ്തമായി ടെലിഗ്രാം ഉപഭോക്തൃവിവരങ്ങള്‍ ഉപയോഗിച്ച് പരസ്യങ്ങള്‍ പ്രദര്‍ശിപ്പിക്കുന്നത് പ്രോത്സാഹിപ്പിക്കുകയില്ല. മറ്റേത് പ്ലാറ്റ്‌ഫോമുകളില്‍ നിന്ന് ലഭിക്കുന്നതിലും നല്ല പരസ്യരഹിത അനുഭവം ടെലിഗ്രാം വാഗ്ദാനം ചെയ്യും. വാട്ട്‌സ്ആപ്പ് സ്വന്തമായി പരസ്യങ്ങള്‍ പ്രദര്‍ശിപ്പിക്കുന്നില്ലെങ്കിലും ഉപയോക്താവിന്റെ വ്യക്തി വിവരങ്ങള്‍ മറ്റ് പരസ്യദാതാക്കളുമായി പങ്കിടുന്നുണ്ട്.

1.17 ടെലിഗ്രാം സ്പോയിലര്‍ ഫീച്ചര്‍
സ്‌പോയിലർ ഫീച്ചർ ഉപയോഗിച്ച്, ടൈപ്പ് ചെയ്യുമ്പോൾ ഉപയോക്താക്കൾക്ക് അവരുടെ ടെക്‌സ്‌റ്റിന്റെ ഏത് ഭാഗവും തിരഞ്ഞെടുക്കാനും പുതിയ 'സ്‌പോയിലർ' ഫോർമാറ്റിംഗ് തിരഞ്ഞെടുക്കാനും കഴിയും. നിങ്ങൾ സ്‌പോയിലർ ഓപ്ഷൻ തിരഞ്ഞെടുക്കുമ്പോൾ, നിങ്ങൾക്ക് സന്ദേശത്തിന്റെ തിരഞ്ഞെടുത്ത ഭാഗങ്ങൾ ചാറ്റിലും ചാറ്റ് ലിസ്റ്റുകളിലും അറിയിപ്പുകളിലും മറയ്‌ക്കാൻ കഴിയും.

1.18 ടെലിഗ്രാം ട്രാന്‍സിലേഷന്‍
ഇതുവരെ ഒരു മെസേജിംഗ് ആപ്പും അവതരിപ്പിക്കാത്ത പ്രധാനപ്പെട്ട ഫീച്ചറുകളിൽ സന്ദേശ വിവർത്തനം. ഇപ്പോൾ ഉപയോക്താക്കൾക്ക് ഏത് സന്ദേശവും മറ്റൊരു ഭാഷയിലേക്ക് വിവർത്തനം ചെയ്യാൻ കഴിയും. Settings>Language എന്നതില്‍ ട്രാന്‍സിലേഷന്‍ ഓണാക്കണം.ഇതോടെ ഒരു സന്ദേശം തിരഞ്ഞെടുക്കുമ്പോൾ മെനുവിലേക്ക് ഒരു പുതിയ വിവർത്തന ബട്ടൺ ചേർക്കുന്നു. ടെലിഗ്രാമിനെ പിന്തുണയ്ക്കുന്ന എല്ലാ ആൻഡ്രോയിഡ് പ്ലാറ്റ്‌ഫോമുകളിലും വിവർത്തനം ലഭ്യമാണ്, എന്നാൽ ഈ ഫീച്ചർ ഉപയോഗിക്കുന്നതിന് ആപ്പിള്‍ ഉപയോക്താക്കൾക്ക് iOS 15+ ആവശ്യമാണ്.

1.19 ടെലിഗ്രാം മെസേജ് റീയാക്ഷന്‍
ടെലിഗ്രാം ഉപയോക്താക്കൾക്ക് ഇപ്പോൾ ഇമോജി വഴി സന്ദേശങ്ങളോട് പ്രതികരിക്കാൻ കഴിയുന്നാണ് മെസേജ് റീയാക്ഷന്‍ എന്ന പ്രത്യേകത.  "ആനിമേറ്റഡ് ഇമോജികൾ ആദ്യമായി അവതരിപ്പിച്ച മെസേജ് ആപ്പാണ് ടെലിഗ്രാം, ഇത് ഉപയോക്താക്കൾക്ക് ചാറ്റിൽ സ്വയം പ്രകടിപ്പിക്കാൻ വ്യത്യസ്ത വഴികൾ നൽകി. ഇന്ന്, ഈ ഇമോജികളിൽ ചിലത് വികാരങ്ങൾ പങ്കിടാനും സന്ദേശം അയയ്‌ക്കാതെ സംസാരിക്കാനും പ്രതികരണവുമായി വരുന്നു." - ടെലഗ്രാം പുതിയ ഫീച്ചര്‍ അവതരിപ്പിച്ച ശേഷം അറിയിച്ചു.

ഇമോജി ഉപയോഗിച്ച് ഒരു സന്ദേശത്തോട് പ്രതികരിക്കുന്നതിന്, സന്ദേശത്തിൽ ഒരിക്കൽ ടാപ്പ് ചെയ്‌താല്‍ വിവിധ ഇമോജികള്‍ ലഭിക്കും, ഇതില്‍ അയക്കാന്‍ ആഗ്രഹിക്കുന്ന ഇമോജി ലിസ്റ്റിൽ നിന്ന് തിരഞ്ഞെടുക്കുക. റിയാക്ഷന്‍ ഫീച്ചര്‍ സ്വകാര്യ ചാറ്റിൽ ഉപയോഗിക്കാം, ഗ്രൂപ്പുകളിലും ചാനലുകളിലും ചെയ്യാം. റിയാക്റ്റ് ഫീച്ചറുകൾ പ്രവർത്തനക്ഷമമാക്കണോ വേണ്ടയോ എന്ന് ഗ്രൂപ്പ് അഡ്മിൻമാർ തീരുമാനിക്കാം.

2. ചില പതിവ് ചോദ്യങ്ങൾ

2.1 വാട്സാപ്പിൽ ഇല്ലാത്ത എന്താണ് ടെലിഗ്രാമിലുള്ളത്?
ഇത് നേരെ തിരിച്ച് ചോദിക്കുന്നതാവും ഉചിതം, കാരണം ടെലിഗ്രാമിൽ ഉള്ള പലതും വാട്സാപ്പിൽ ഇല്ല. വളരെ ലളിതമായി കൈകാര്യം ചെയ്യാം എന്നതാണ് ഏറ്റവും പ്രധാന സവിശേഷത. അയച്ച മെസ്സേജുകൾ എഡിറ്റ്‌ ചെയ്യാം, എളുപ്പത്തിൽ ഫോർവേപഡ് ചെയ്യാം തുടങ്ങി ഒരുപാട് കാര്യങ്ങളിൽ ടെലിഗ്രാം വ്യത്യാസ്തമാണ്.

2.2 ടെലിഗ്രാം സേഫ് ആണോ?
ടെലിഗ്രാം ഓപ്പണ്‍ സോഴ്‌സ് ക്ലൗഡ് ബെയ്‌സ്ഡ് ഇന്‍സ്റ്റന്റ് ആപ്പ് ആണ്. ടെലിഗ്രാം യൂസറിന്റെ പ്രൈവസിക്കാണ് മുന്‍ഗണന കൊടുക്കുന്നത്. MTProto എന്ന പ്രോട്ടോകോള്‍ ആണ് ടെലിഗ്രാം ഉപയോഗിക്കുന്നത്. ഇതുമൂലം ഹാക്കര്‍മാര്‍ക്ക് ഡാറ്റ ചോര്‍ത്താന്‍ സാധിക്കില്ല. മൊബെല്‍ നഷ്ടപെട്ടാലും ലോഗിന്‍ ചെയ്യാതിരിക്കാന്‍ നമ്മുക്ക് സ്റ്റെഅപ്പ് വെരിഫിക്കേഷന്‍ വച്ച് അക്കൗണ്ട് സുരക്ഷിതമാക്കാം. ടെലിഗ്രാം യൂസര്‍ ഡാറ്റ ആര്‍ക്കും തന്നെ കൈമാറുന്നില്ല. അത് കൊണ്ട് തന്നെ ടെലിഗ്രാം നിയമവിരുദ്ധ പ്രവര്‍ത്തനങ്ങളിലും നല്ല രീതിയില്‍ ഉപയോഗിക്കുന്നു.

2.3 സിനിമകൾ കൈമാറുന്ന കാര്യത്തിൽ വ്യക്തത വരുത്താമോ?
ടെലഗ്രാം മെസേജുകൾ ട്രാക്ക് ചെയ്തിട്ടില്ല ശരിയാണ്. ഗ്രൂപ്പുകളിൽ വാട്സാപ് പൊലെ നമ്പർ കാണാനും കഴിയില്ല. ഇതുകൊണ്ട് പബ്ലിക് ഗ്രൂപ്പുകൾ സേഫ് ആണെന്ന് പറഞ്ഞു ആളെ കൂട്ടണ്ട കാരൃമില്ല. ഏതൊരാൾക്കും പബ്ലിക് ഗ്രൂപ്പ് അംഗമാകാം. മെമ്പർസിന്റെ നമ്പർ അനുവാദം കൂടാതെ കാണാൻ കഴിയില്ല. എന്നാൽ മറ്റൊരാളുടെ ടെലഗ്രാം നമ്പർ നമ്മുടെ ഫോണിൽ സേവ് ആണെങ്കിൽ (പ്രൈവറ്റ് ഗ്രൂപ്പ് ആണെങ്കിൽ പോലും) അവരുടെ നമ്പർ കാണാൻ കഴിയും. ഒരു ചാനലിന്റെ മുഴുവൻ അഡ്മിൻസിനും അതിലെ അംഗങ്ങളെ കാണാൻ കഴിയും. ( യൂസർ നെയിം)

കൂണ് പോലെയാണ് ദിവസവും മൂവി ഗ്രൂപ്പുകൾ പബ്ലിക് യൂസർ നെയിമുകളിൽ പ്രതൃക്ഷപ്പെടുന്നത് . വ്യാജ പ്രിന്റുകൾ പലതും ഷെയർ ചെയ്യുന്നത് പബ്ലിക് ഗ്രൂപ്പുകൾ ഒട്ടും സേഫ് അല്ലെന്നു പോലും അറിയാത്ത ജനുയിൻ യൂസേഴ്സ് ആണ്.

2.4 എങ്ങിനെയാണ് ടെലിഗ്രാമിൽ അംഗമാവുക?
ഇതിൽ അംഗമാവാൻ പ്ലേസ്റ്റോറിൽ നിന്ന്‌ ടെലിഗ്രാമോ അല്ലെങ്കിൽ ഏതെങ്കിലും ടെലിഗ്രാം ക്ലയന്റോ ഡൌൺലോഡ് ചെയ്താൽ മതി. ശേഷം, വാട്സ്ആപ്പ് പോലെ തന്നെയാണ്. മൊബൈൽ നമ്പർ വഴി സിമ്പിളായി അക്കൗണ്ടിലേക്ക് കേറാം.

2.5 എന്താണ് ടെലിഗ്രാം ക്ലയന്റ്?
ടെലിഗ്രാമിന്റെ സോഴ്സ് കോഡ് പബ്ലിക്കാണ്. അത് അവരുടെ വെബ്‌സൈറ്റിൽ നിന്നും ആർക്കും എടുക്കാവുന്നതാണ്. അത് വച്ച് ടെലിഗ്രാം നവീകരിക്കാൻ കഴിയും. അത്തരത്തിലുള്ള നല്ല ഒന്നാന്തരം ടെലിഗ്രാം ക്ലയന്റുകളാണ് Plus Messenger, Telegram X, Graph Messenger, UniGram [Windows] തുടങ്ങിയവ. ടെലിഗ്രാമിലുള്ള വളരെ ചെറിയ ചില പോരായ്മകളും ഇതോടെ പരിഹരിക്കപ്പെടുന്നു.

2.6 എങ്ങിനെയാണ് ഡൗൺലോഡിങ്?
ഗ്രൂപ്പുകളിൽ നിന്ന്‌ കിട്ടുന്ന സിനിമകളും ഫയലുകളും നിങ്ങൾക്ക് ക്‌ളൗഡ്‌ സ്റ്റോറേജ് ആയി സൂക്ഷിക്കാവുന്നതാണ്. അതായത് ഇടക്ക് നിങ്ങൾക്ക് ടെലിഗ്രാം അൺഇൻസ്റ്റാൾ ചെയ്യേണ്ടി വന്നാലും നിങ്ങൾ സൂക്ഷിച്ച ഫയൽസ് അവിടെ തന്നെ കാണും. കൂടാതെ ഇടക്ക് ഡൗണ്ലോഡ് നിർത്തേണ്ടി വന്നാലും പിന്നീട് Resume ചെയ്യാനുള്ള സൗകര്യവും നിലവിലുണ്ട്.

2.7 ടെലിഗ്രാം വിവര ശേഖരണം, കൈകാര്യം?
പരസ്യങ്ങൾ കാണിക്കാൻ ഉപയോക്താക്കളുടെ വിവരങ്ങൾ ഉപയോഗിക്കില്ലെന്നും ടെലഗ്രാമിന്റെ പ്രവർത്തനത്തിന് ആവശ്യമായ വിവരങ്ങൾ മാത്രമേ ശേഖരിക്കുന്നുള്ളൂ എന്നും ടെലഗ്രാം പ്രൈവസി പോളിസിയിൽ തുടക്കത്തിൽ തന്നെ വ്യക്തമാക്കുന്നുണ്ട്.

മൊബൈൽ നമ്പർ, പ്രൊഫൈൽ നെയിം, പ്രൊഫൈൽ ചിത്രം, എബൗട്ടിൽ നൽകിയ വിവരങ്ങൾ ഉൾപ്പെടുന്ന അടിസ്ഥാന അക്കൗണ്ട് വിവരങ്ങൾ എന്നിവ ടെലഗ്രാം ശേഖരിക്കുന്നുണ്ട്. ഉപയോക്താവിന്റെ യഥാർത്ഥ പേര്, ലിംഗം, വയസ് എന്നിവയൊന്നും തങ്ങൾക്ക് അറിയേണ്ടതില്ലെന്ന് ടെലഗ്രാം പറയുന്നു.

ടു സ്റ്റെപ്പ് വെരിഫിക്കേഷന് വേണ്ടി ഇമെയിൽ നൽകിയാൽ അത് ടെലഗ്രാം ശേഖരിച്ചുവെക്കും. ഇത് പാസ് വേഡ് മറന്നുപോയാൽ തിരിച്ചെടുക്കുന്നതിന് വേണ്ടി മാത്രമാണ് ഉപയോഗിക്കുക. ഇത് മാർക്കറ്റിങ് ആവശ്യങ്ങൾക്ക് വേണ്ടി ഉപയോഗിക്കില്ലെന്നും കമ്പനി വ്യക്തമാക്കുന്നു.

2.8 എന്താണ് ടെലിഗ്രാം ക്ലൗഡ് സ്റ്റോറേജ്?
ടെലിഗ്രാമിന് ക്ലൗഡ് സ്‌റ്റോറേജ് സംവിധാനമുണ്ട്. അതായത് നിങ്ങളുടെ ടെക്‌സ്റ്റ് സന്ദേശങ്ങള്‍, ചിത്രങ്ങള്‍, മീഡിയാ ഫയലുകള്‍, ഡോക്യുമെന്റുകള്‍ എന്നിവയെല്ലാം ടെലിഗ്രാമിന്റെ ക്ലൗഡില്‍ ശേഖരിക്കപ്പെടും. അതീവ സുരക്ഷിതമായ എൻ്ക്രിപ്റ്റഡ് ആയാണ്ഇവ ശേഖരിച്ചു വെക്കുന്നതെന്ന് ടെലഗ്രാം പറയുന്നു. അതുകൊണ്ടുതന്നെ നിങ്ങള്‍ക്ക് എപ്പോള്‍ വേണമെങ്കിലും ലോഗ് ഔട്ട് ചെയ്യുകയോ ലോഗിന്‍ ചെയ്യുകയോ ആവാം. വെവ്വേറെ ഉപകരണങ്ങളില്‍ ലോഗിന്‍ ചെയ്താലും ഡേറ്റയൊന്നും നഷ്ടപ്പെടില്ല.

വാട്‌സാപ്പിലെ പോലെ ബാക്ക് അപ്പ് ചെയ്യേണ്ടതിന്റേയും റീസ്റ്റോര്‍ ചെയ്യേണ്ടതിന്റേയും ആവശ്യമില്ല. ഏതെല്ലാം ഉപകരണങ്ങളില്‍ ലോഗിന്‍ ചെയ്തിട്ടുണ്ടെന്ന് കാണാനും. സാധിക്കും. ടെലിഗ്രാമില്‍ അയച്ച ഫയലുകള്‍ എപ്പോള്‍ വേണമെങ്കിലും എവിടെ നിന്നും ഡൗണ്‍ലോഡ് ചെയ്‌തെടുക്കാനാവും.  

2.9 പഠന ആവിശ്യത്തിന് എങ്ങനെ ടെലിഗ്രാം ഉപയോഗിക്കാം

ഓൺലൈൻ ക്ലാസുകൾക്കും മറ്റു ഗ്രൂപ്പ് മീറ്റിങ്ങുകൾക്കും, വോയിസ് ചാറ്റ്ൽ നമ്മുടെ ക്യാമറ ഓൺ ആക്കാം സ്ക്രീൻ ഷെയർ ചെയ്യാം. വീഡിയോ ചാറ്റിൽ പങ്കെടുക്കാൻ എത്ര പേരുണ്ടോ അത്രയും പേർക്ക് പങ്കെടുക്കാൻ കഴിയും. ഒരു വീഡിയോയിൽ തൊട്ടാൽ മതി അത് ഫുൾ സ്ക്രീനിൽ കാണാൻ. അതു പിൻ ചെയ്തു വച്ചാൽ മറ്റുള്ളവർ ഇടക്ക് കയറി വരാതെ ആ വീഡിയോയിൽ തന്നെ കേന്ദ്രീകരിക്കാൻ പറ്റും. ഗ്രൂപ്പ് വീഡിയോ കോൾ എല്ലാ ഡിവൈസ് ലും അടിപൊളിയായി കിട്ടും. ടാബ്‌ലറ്റും കമ്പ്യൂട്ടറും ഒക്കെ ആണെങ്കിൽ വലിയ സ്ക്രീനും കൂടുതൽ ഡിസ്പ്ലേ ഓപ്ഷൻസും ഉണ്ട്.

ഏതു പഠനവിഷയത്തിന്റെയും Study Material വളരെയധികം സവിശേഷതകളോടെ @QuizBot ഉപയോഗിച്ച് ഉണ്ടാക്കിയെടുക്കാം. പരീക്ഷകൾക്ക് തയ്യാറെടുക്കുന്നവർക്ക് വേണ്ടി ഓരോ ചോദ്യത്തിനും ടൈം സെറ്റ് ചെയ്ത് കൊടുക്കാവുന്നതാണ്. അതുകൂടാതെ ശരിയായ ഉത്തരം കിട്ടാത്തവർക്കായ് വിശദീകരണങ്ങൾ കൂടെ ചേർത്ത് മത്സരങ്ങൾ നടത്താം.
Quiz bot ഉപയോഗിക്കുന്നത് എങ്ങനെ എന്ന് അറിയാൻ ഇവിടെ ക്ലിക്ക് ചെയ്യുക. quiz.directory എന്ന സൗജന്യ പ്ളാറ്റ്ഫോമിൽ കയറിയാൽ ഇത്തരത്തിൽ ഉണ്ടാക്കിയ വളരെ മികച്ച ചില ക്വിസ്സുകൾ കാണാം. ഈ പ്ളാറ്റ്ഫോമിനു വേണ്ടി ക്വിസ്സുകൾ ഉണ്ടാക്കി നൽകിയവർക്ക് ടെലിഗ്രാമിന്റെ വക cash prizeകൾ ലഭിച്ചതാണ്. മലയാളം ഓൺലൈൻ ക്ലാസ് ഫുൾ ഡോക്യൂമെൻഷൻ

2.10 ടെലിഗ്രാം സീക്രട്ട് ചാറ്റിൽ സ്ക്രീൻ ഷോട്ട് എടുക്കാൻ കഴിയുമോ?
ഇല്ല. സീക്രട്ട് ചാറ്റുകളുടെ സ്‌ക്രീന്‍ ഷോട്ട് എടുക്കാനും സാധിക്കില്ല. എന്നാല്‍ ഇതിലൊന്നും വലിയ കഥയൊന്നുമില്ലെന്നും കാണാം. അതായത് മറ്റൊരു ഫോണോ ക്യാമറയോ ഉപയോഗിച്ച് ചാറ്റിന്റെ ഫോട്ടോ എടുക്കാന്‍ സാധിക്കുമല്ലോ. ഡിജിറ്റല്‍ സംഭാഷണങ്ങള്‍ കൈവിട്ട കളി തന്നെയാണ് എന്ന കാര്യത്തില്‍ സംശയം വേണ്ട. പക്ഷേ താരതമ്യേന സുരക്ഷിതമാണ് ടെലഗ്രാമിന്റെ സീക്രട്ട് ചാറ്റ് ഫീച്ചറെന്നും കാണാം.

2.11 എന്താണ് ടെലഗ്രാം യൂസർ ബോട്ട്?
യൂസർ ബോട്ട് എന്നു പറയുന്നത് ടെലഗ്രാമിന്റെ ഒരു unofficial client ആണ്. ഈ unofficial client വഴി നമ്മുടെ അക്കൗണ്ടിൽ login ചെയ്ത് ഒരാൾ (suppose a virtual assistant) നമുക്കുവേണ്ടി ജോലി ചെയ്യുകയാണെങ്കിൽ എങ്ങനെയുണ്ടാവും? അതായത് നമ്മൾ നമ്മുടെ ഫോണിൽ നിന്ന് മെസ്സേജ് വഴി ഒരു കമാൻഡ് കൊടുക്കുമ്പോൾ അതിനനുസരിച്ച് ദൂരെ ഒരു സെർവറിൽ ഇരുന്ന് ഈ virtual assistant നമ്മളെ help ചെയ്യുന്നു.

ഉദാഹരണത്തിന്, ഞാൻ ഒരു ഗ്രൂപ്പിൽ ".weather Kochi" എന്ന് മെസ്സേജ് അയച്ചു എന്ന് കരുതുക. അപ്പോൾ തന്നെ യൂസർ ബോട്ട്ൽ ഉള്ള എന്റെ virtual assistant എനിക്ക് കൊച്ചിയിലെ കാലാവസ്ഥ അറിയണം എന്നു മനസ്സിലാക്കി ഞാൻ അയച്ച ആ മെസ്സേജ് edit ചെയ്ത് കൊച്ചിയിലെ weather report ആക്കി മാറ്റുന്നു (ഇതെല്ലാം നടക്കുന്നത് സെക്കന്റുകൾക്കുള്ളിലാണ്.)

ഇങ്ങനെ നൂറുകണക്കിന് ആവശ്യങ്ങൾക്ക് നമ്മൾ ഉപയോഗിക്കുന്ന നൂറുകണക്കിന് ബോട്ടുകളുടെയെല്ലാം program code ഒരു യൂസർബോട്ടിൽ സെറ്റ് ചെയ്താലോ? എന്നിട്ട് ആ യൂസർ ബോട്ട് നമ്മുടെ അക്കൗണ്ട് ആയി ലിങ്ക് ചെയ്താലോ? ഓരോ ബോട്ടിലും പോയി ചെയ്യേണ്ട കാര്യങ്ങൾ ഒക്കെ നമുക്ക് ഇഷ്ടമുള്ള ചാറ്റിൽ നിന്നുകൊണ്ട് മുന്നേ പറഞ്ഞ കമാൻഡുകളുടെ സഹായത്തോടെ userbot നെക്കൊണ്ട് ചെയ്യിക്കാം!

ടെലഗ്രാം enthusiasts നിടയിൽ യൂസർ ബോട്ട് ജനപ്രിയമാവുന്നത് ഈ അതിരില്ലാത്ത അത്രയും ഫീച്ചറുകൾ കൊണ്ട് പ്രയോജനപ്പെടുന്നതിനാലാണ്. Basic ആയിട്ടുള്ള Google search മുതൽ ടെലഗ്രാമിലെ ഏറ്റവും പുതിയ ഫീച്ചറുകളിൽ ഒന്നായ Video Chat Streaming വരെ യൂസർ ബോട്ട് നെക്കൊണ്ട് ചെയ്യിക്കാം. ടെലഗ്രാം ആപ്പ് എങ്ങനെയൊക്കെ, എന്തിനൊക്കെ ഉപയോഗിക്കാമോ (both positive and negative sides) അതുപോലെ തന്നെ യൂസർ ബോട്ട് നെയും കൈകാര്യം ചെയ്യാൻ കഴിയും.

Download Telegram

Android Official

1. Telegram Store: https://play.google.com/store/apps/details?id=org.telegram.messenger
2. Telegram Direct: https://telegram.org/dl/android/apk
3. TelegramX: https://play.google.com/store/apps/details?id=org.thunderdog.challegram

Android Clients -

1. Plus Messenger: https://play.google.com/store/apps/details?id=org.telegram.plus
2. Graph Messenger: https://play.google.com/store/apps/details?id=ir.ilmili.telegraph
3. BGram: https://play.google.com/store/apps/details?id=org.telegram.BifToGram
4. Nekogram: https://play.google.com/store/apps/details?id=tw.nekomimi.nekogram

iOS - iPhone

1. App Store: https://apps.apple.com/app/telegram-messenger/id686449807
2. Nicegram (Clients): https://apps.apple.com/us/app/nicegram/id1457369322

Windows official

1. Telegram [64bit]: https://telegram.org/dl/desktop/win64
2. Telegram Portable [64bit]: https://telegram.org/dl/desktop/win64_portable
3. Telegram [32bit]: https://telegram.org/dl/desktop/win
4. Telegram Portable [64bit]: https://telegram.org/dl/desktop/win_portable
5. Unigram (Clients): https://www.microsoft.com/store/apps/9n97zckpd60q

MacOS Official

1. Telegram: https://telegram.org/dl/desktop/mac
2. Mac App Store: https://telegram.org/dl/desktop/mac_store
3. MacOS Beta: https://install.appcenter.ms/users/keepcoder/apps/telegram-swift/distribution_groups/public

Linux Official

1. Telegram : https://telegram.org/dl/desktop/linux
2. Flatpak: https://telegram.org/dl/desktop/flatpak
3. Snap: https://telegram.org/dl/desktop/snap

Web Apps Official

1. Telegram Webz: https://telegram.org/dl/webz
2. Telegram Webk: https://telegram.org/dl/webk

Contribution

1. @Erich Daniken
2. @Deonnn
3. @keralagram
4. @tgnature

- contributions are welcome -

Last Update: 19-01-2022

വീഡിയോ കോളുകളും ടെലഗ്രാമിന്റെ ഏഴുവർഷവും

ഇന്ന് ടെലിഗ്രാമിന്റെ ഏഴ് വർഷത്തെ അടയാളപ്പെടുത്തുന്നു. 2013-ൽ, സുരക്ഷിത സന്ദേശമയയ്‌ക്കലിൽ ശ്രദ്ധ കേന്ദ്രീകരിച്ച ഒരു ചെറിയ അപ്ലിക്കേഷനായി ഞങ്ങൾ ആരംഭിച്ചു, അതിനുശേഷം 400 ദശലക്ഷത്തിലധികം ഉപയോക്താക്കളുള്ള ഒരു പ്ലാറ്റ്ഫോമായി വളർന്നു. ടെലിഗ്രാം ഇപ്പോൾ ഏറ്റവും കൂടുതൽ ഡൌൺലോഡ് ചെയ്ത മികച്ച 10 ആപ്ലിക്കേഷനുകളിൽ ഒന്നാണ്, ഇത് കുടുംബവുമായി സമ്പർക്കം പുലർത്താനും സഹപാഠികളുമായി സഹകരിക്കാനും സഹപ്രവർത്തകരെ ഏകോപിപ്പിക്കാനും ലോകമെമ്പാടും ഉപയോഗിക്കുന്നു.

ഞങ്ങൾ‌ സ്വന്തമായി ഈ നാഴികക്കല്ലിൽ എത്തിയതല്ല - ടെലിഗ്രാം ഒരിക്കലും പരസ്യം ചെയ്‌തിട്ടില്ല, മാത്രമല്ല ഓരോ ഉപയോക്താവും അവർ വിശ്വസിക്കുന്ന ഒരാളുടെ ശുപാർശ കാരണം അപ്ലിക്കേഷനിലേക്ക് വന്നു. ശക്തമായ തത്വങ്ങളും ഗുണനിലവാര സവിശേഷതകളും സ്വയം സംസാരിക്കുന്നു, നിങ്ങൾ ദശലക്ഷക്കണക്കിന് ആളുകൾ ശ്രദ്ധിച്ചു. ഞങ്ങൾ നിങ്ങളെയും കേട്ടിട്ടുണ്ട്, മാത്രമല്ല ടെലിഗ്രാമിനെ ഒരു സന്ദേശമയയ്‌ക്കൽ അപ്ലിക്കേഷനെക്കാൾ കൂടുതൽ സവിശേഷതകൾ വികസിപ്പിക്കുന്നത് തുടരും. ഇന്ന് ഞങ്ങൾ നിങ്ങൾ ആവശ്യപ്പെടുന്ന ഒന്ന് ചേർക്കുന്നു - വേഗതയേറിയതും സുരക്ഷിതവുമായ വീഡിയോ കോളുകൾ .

വീഡിയോ കോളുകൾ

മുഖാമുഖ ആശയവിനിമയത്തിന്റെ ആവശ്യകത 2020 എടുത്തുകാട്ടി , വീഡിയോ കോളുകളുടെ ഞങ്ങളുടെ ആൽഫ പതിപ്പ് ഇപ്പോൾ Android, iOS എന്നിവയിൽ ലഭ്യമാണ്. നിങ്ങളുടെ കോൺ‌ടാക്റ്റിന്റെ പ്രൊഫൈൽ‌ പേജിൽ‌ നിന്നും ഒരു വീഡിയോ കോൾ‌ ആരംഭിക്കാനും വോയ്‌സ് കോളുകൾ‌ സമയത്ത് ഏത് സമയത്തും വീഡിയോ ഓണാക്കാനോ ഓഫാക്കാനോ കഴിയും. ടെലിഗ്രാമിലെ മറ്റെല്ലാ വീഡിയോ ഉള്ളടക്കങ്ങളെയും പോലെ, വീഡിയോ കോളുകളും പിക്ചർ-ഇൻ-പിക്ചർ മോഡിനെ പിന്തുണയ്ക്കുന്നു, ഇത് കണ്ണ് സമ്പർക്കം നിലനിർത്തിക്കൊണ്ടുതന്നെ ചാറ്റുകളിലൂടെയും മൾട്ടിടാസ്കിലൂടെയും സ്ക്രോൾ ചെയ്യാൻ നിങ്ങളെ അനുവദിക്കുന്നു.

എല്ലാ വീഡിയോ കോളുകളും എൻഡ്-ടു-എൻഡ് എൻ‌ക്രിപ്ഷൻ ഉപയോഗിച്ച് പരിരക്ഷിച്ചിരിക്കുന്നു . നിങ്ങളുടെ കണക്ഷൻ സ്ഥിരീകരിക്കുന്നതിന് , നിങ്ങൾക്കും നിങ്ങളുടെ ചാറ്റ് പങ്കാളിക്കുമായി സ്ക്രീനിൽ കാണിച്ചിരിക്കുന്ന നാല് ഇമോജികൾ താരതമ്യം ചെയ്യുക - അവ പൊരുത്തപ്പെടുന്നുവെങ്കിൽ, ടെലിഗ്രാമിന്റെ സീക്രട്ട് ചാറ്റുകളിലും വോയ്‌സ് കോളുകളിലും ഉപയോഗിക്കുന്ന സമയപരിശോധനയുള്ള എൻ‌ക്രിപ്ഷൻ ഉപയോഗിച്ച് നിങ്ങളുടെ കോൾ 100% സുരക്ഷിതമാണ് . നിങ്ങൾക്ക് ഈ പേജിൽ കൂടുതൽ വിശദാംശങ്ങൾ കണ്ടെത്താൻ കഴിയും .

• Android, iOS എന്നിവയ്‌ക്കായുള്ള ഞങ്ങളുടെ അപ്ലിക്കേഷനുകൾക്ക് പുനർനിർമ്മിക്കാൻ കഴിയുന്ന ബിൽഡുകൾ ഉണ്ട് , അതിനാൽ ആർക്കും എൻ‌ക്രിപ്ഷൻ പരിശോധിച്ച് ഓരോ അപ്‌ഡേറ്റിലും ഞങ്ങൾ പ്രസിദ്ധീകരിക്കുന്ന അതേ ഓപ്പൺ സോഴ്‌സ് കോഡ് അവരുടെ അപ്ലിക്കേഷൻ ഉപയോഗിക്കുന്നുവെന്ന് സ്ഥിരീകരിക്കാൻ കഴിയും .

വരും മാസങ്ങളിൽ ഗ്രൂപ്പ് വീഡിയോ കോളുകൾ സമാരംഭിക്കുന്നതിനായി ഞങ്ങൾ പ്രവർത്തിക്കുമ്പോൾ വീഡിയോ കോളുകൾക്ക് ഭാവി പതിപ്പുകളിൽ കൂടുതൽ സവിശേഷതകളും മെച്ചപ്പെടുത്തലുകളും ലഭിക്കും. എന്നാൽ ഈ മിഡ്‌ഇയർ നാഴികക്കല്ല്, നിങ്ങൾക്ക് നിങ്ങളുടെ അടുത്തുള്ളവരുമായി ഇപ്പോൾ ഓഓരോരുത്തരുമായി ആസ്വദിക്കാനാകും അവർ അടുത്ത മുറിയിലായാലും മറ്റൊരു ഭൂഖണ്ഡത്തിലായാലും.

കൂടുതൽ ആനിമേറ്റുചെയ്‌ത ഇമോജി

ആഘോഷിക്കാൻ നിങ്ങളെ സഹായിക്കുന്നതിന്, പുതിയ ആനിമേറ്റുചെയ്‌ത ഇമോജികളുടെ മറ്റൊരു ബാച്ച് ഞങ്ങൾ ചേർത്തു. ഇവയിലൊന്ന് 👇 ചാറ്റിൽ ലഭിക്കാൻ , ഒരൊറ്റ ഇമോജി ഉപയോഗിച്ച് ഒരു സന്ദേശം അയയ്‌ക്കുക.

കൂടുതൽ അപ്‌ഡേറ്റുകൾക്കായി തുടരുക!

Credit: keralagram